استانا. 12 مامىر. يەمەندە بولعان لاڭكەستىك ارەكەتتەن 13 ادام قازا تاپتى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
The New Arab باسىلىمىنىڭ اقپارىنا سۇيەنەر بولساق, سودىرلار جارىلعىش زات ورناتىلعان ءۇش كولىكتى جارىپ جىبەرگەن. سالدارىنان كواليتسياعا قاراستى ساربازدار مەرت بولدى. قازىر ولاردىڭ ازاماتتىعى انىقتالىپ جاتىر. بولجام بويىنشا ۇكىمەت ساربازدارىمەن قاتار, ساۋد ارابياسىنىڭ اسكەرلەرى بولۋى مۇمكىن.
زارداپ شەككەندەردىڭ ناقتى سانى ازىرگە بەلگىسىز. قازىر ولار اۋرۋحانالارعا جەتكىزىلدى. دارىگەرلەردىڭ ايتۋىنشا, وپات بولعانداردىڭ سانى الداعى ۋاقىتتا ارتۋى مۇمكىن.
وقيعا ورنىندا تەرگەۋ امالدارى ءجۇرىپ جاتىر. رەسمي مالىمەتتەر بويىنشا, بۇل ءىستى تگيل ەكسترەميستىك ۇيىمى ءوز موينىنا الدى.
ايتا كەتەيىك, يەمەندە ۇكىمەت اسكەرلەرى مەن تەررورلىق توپتاردىڭ اراسىندا قاقتىعىستار ءجيى بولىپ تۇرادى. وتكەن ايدا ارنايى وپەراتسيا جۇمىستارى كەزىندە «ال-كايدا» ۇيىمىنا مۇشە 800 سودىردىڭ كوزى جويىلدى.
ايان ءابدۋالي.
دەرەك, فوتو: 24.kz.