«اتىراۋ» فۋتبول كلۋبىنىڭ جاتتىقتىرۋشىسى قىزمەتتەن كەتتى

اتىراۋ. 12 مامىر. «اتىراۋ» فۋتبول كلۋبىنىڭ باس جاتتىقتىرۋشىسى ۆلاديمير نيكيتەنكو جۇمىسىنان كەتۋ جونىندەگى ءوتىنىشىن بەردى. كلۋب باسشىلىعى باس باپكەردىڭ ءوتىنىشىن قابىل الدى. بۇل تۋرالى «اتىراۋ» فۋتبول كلۋبىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. 59 جاستاعى ۆلاديمير نيكيتەنكو 2014 جىلدىڭ جازىندا «اتىراۋ» فۋتبول كلۋبىنىڭ باس جاتتىقتىرۋشى قىزمەتىن قولعا العان بولاتىن. ونىڭ باپكەرلىگىمەن اتالعان كلۋب وتكەن ماۋسىمدى 5-ءشى ورىنمەن اياقتادى. ال بيىلعى ماۋسىمنىڭ 10 تۋر ويىندارىنان ءبىر جەڭىسكە عانا قول جەتكىزىپ, 7 ۇپايمەن 9-ورىندا تۇراقتاپ تۇر. جاتتىقتىرۋشى 9 مامىردا «اقتوبە» فۋتبول كلۋبىمەن اراداعى كەزدەسۋ 1:0 ەسەبىمەن اياقتالعاننان كەيىن قىزمەتىنەن كەتۋگە شەشىم قابىلداپتى. قازىر «اتىراۋ» فۋتبول كلۋبىنىڭ باسشىلىعى جاڭا باس باپكەر ىزدەۋگە كىرىستى. ازىرگە جاتتىقتىرۋشى مىندەتىن اتقارۋ اسسيسەنت يۋري كونكوۆقا جۇكتەلدى. جولداسبەك شوپەعۇل. دەرەك: «اتىراۋ» فۋتبول كلۋبىنىڭ ءباسپاسوز قىزمەتى. فوتو: راحىم قويلىباەۆ.