راقىمجان قوشقارباەۆ رەسەي باتىرى اتاعىنا ۇسىنىلدى
الماتىداعى رەسەي باس كونسۋلدىعى, «گەنەرالدار كەڭەسى», «ارداگەرلەر كەڭەسى» جەرگىلىكتى قوعامدىق ۇيىمدارى جانە «كونستانتينوپول» ستۋدياسى رەيحستاگقا العاشقى بولىپ جەڭىس تۋىن تىككەن حالىق قاھارمانى راقىمجان قوشقارباەۆقا «رەسەي باتىرى» اتاعىن بەرۋ تۋرالى ۇسىنىس جاسادى.
ولار: «بۇل ولىلەرگە ەمەس, ءتىرىلەرگە قاجەت!» اكتسياسى كەزىندە ۇسىنىستى رەسەي فەدەراتسياسىنىڭ پرەزيدەنتى ۆلاديمير پۋتينگە جەتكىزۋدى ءوتىندى.
– ءبىزدى قازاقستاننىڭ قوعامدىق بىرلەستىكتەرى مەن رەسەيدىڭ بارشا اسكەري-پاتريوتتىق قوعامدىق ءبىرلەستىكتەرى قولدايدى دەپ ءۇمىتتەنەمىز, – دەدى «ەستەلىك شامى» حالىقارالىق مەموريالدىق ورتالىعىنىڭ اتقارۋشى ديرەكتورى پاۆەل يللاريونوۆ.
وسى شارادا رەسەيلىكتەر ۇلى وتان سوعىسىنداعى جەڭىسكە وراسان ۇلەس قوسقانى ءۇشىن قازاقستان حالقىنا ريزاشىلىق رەتىندە ماسكەۋدەن اكەلىنگەن جەڭىس تۋىنىڭ كوشىرمەسى مەن گەنەرال ي.ۆ.پانفيلوۆ اتىنداعى 8-گۆارديالىق ديۆيزيا شايقاسقان مايدان دالاسىنان ءبىر ۋىس توپىراق جەتكىزدى. جەڭىس تۋىنىڭ كوشىرمەسى راقىمجان قوشقارباەۆتىڭ نەمەرەسى داۋرەن قوشقارباەۆقا تابىس ەتىلسە, توپىراق سالىنعان كاپسۋلا گەنەرال ي.ۆ.پانفيلوۆتىڭ نەمەرەلەرىنە تاپسىرىلدى. ودان كەيىن كاپسۋلا №54 گيمنازيانىڭ مۇراجايىنا بەرىلدى.
اكتسيا كەزىندە حالىق قاھارمانى راقىمجان قوشقارباەۆتىڭ نەمەرەسى اتاسىنا «رەسەي باتىرى» اتاعىن بەرۋ تۋرالى ۇسىنىس جاساعان قوعامدىق ۇيىم وكىلدەرىنە ريزاشىلىعىن ءبىلدىردى. ول اتاسىنىڭ كەڭەس وداعىنىڭ باتىرى اتاعىن الماعانىمەن, «رەسەي باتىرى» اتاعىن السا, تاريحي ادىلەتتىلىكتىڭ بولاتىنىن, وسى ۇسىنىستىڭ رەسەي پرەزيدەنتى ۆلاديمير پۋتينگە جولدانعانىن, قازىر ول ماسەلە قاراستىرىلىپ جاتقانىن ايتتى.
كسرو كەزىندە رەيحستاگقا ميحايل ەگوروۆ پەن مەليتون كانتاريا تۋ تىككەن دەپ سانالعان بولاتىن. شىندىعىنا كەلگەندە, 1941 جىلدىڭ 30 ءساۋىرى كۇنى رەيحستاگقا العاشقى بولىپ تۋدى ۆزۆود كومانديرى, لەيتەنانت راقىمجان قوشقارباەۆ قارۋلاس دوسى گريگوري بۋلاتوۆپەن بىرگە تىككەن. بۇل تۋرالى كەزىندە جان-جاقتى جازىلدى. قازاقتىڭ باتىر ۇلى قىزىل اسكەر بەرلينگە كىرگەن كۇننەن باستاپ ءوزىنىڭ ۆزۆودىمەن ەڭ الدىڭعى شەپتەردە بولدى. ول رەيحستاگقا العاشقى بولىپ تۋ تىگەر الدىندا ۆزۆودىن باستاپ كورول الاڭىنا ءبىرىنشى بولىپ جەتكەن. سول جەردە ءبىرىنشى دارەجەلى ۇلى وتان سوعىسى وردەنىمەن ماراپاتتالدى.
وسىندا بارلاۋ ۆزۆودىنىڭ كومانديرى, لەيتەنانت قوشقارباەۆقا رەيحستاگقا قىزىل تۋدى تىگۋ تۋرالى تاريحي جاۋىنگەرلىك بۇيرىق بەرىلدى. جالاۋدى وعان باتالون كومانديرى داۆىدوۆ پەن ساياسي جەتەكشى ۆاسيلچەنكو تابىس ەتتى. رەيحستاگقا دەيىن اراقاشىقتىق 360 مەتر بولاتىن. سوعان قاراماستان, لەيتەنانت راقىمجان قوشقارباەۆ ءوزىنىڭ سولداتتارىمەن وقتىڭ استىندا 7 ساعاتتا جەرگە جابىسا ەڭبەكتەۋمەن ءوتىپ, جاۋىنگەر گريگوري بۋلاتوۆپەن بىرگە رەيحستاگقا جەتىپ, ساعات 18-دەن 30 مينۋت وتكەندە جەڭىس تۋىن ءبىرىنشى قاباتتاعى قابىرعانىڭ تەرەزەسىنە تىگەدى.
كەيىن وعان تۋ تىككەنى ءۇشىن جاۋىنگەرلىك قىزىل تۋ وردەنى بەرىلىپ
داستان كەنجالين,
«ەگەمەن قازاقستان»