پاۆلودار. 29 ءساۋىر. پاۆلودار وبلىسىنىڭ اكىمى بولات باقاۋوۆتىڭ وكىمىمەن جانە قالالىق ءماسليحات دەپۋتاتتارىنىڭ كەلىسىمى بويىنشا نۇرلان دۇيسەمبينوۆ اقسۋ قالاسىنىڭ اكىمى قىزمەتىنە تاعايىندالدى. بۇل تۋرالى egemen.kz ءتىلشىسى حابارلادى.
نۇرلان دۇيسەمبينوۆ 1973 جىلى تۋعان. ەڭبەك جولىن «يگىلىك» بانكتىڭ مامانى بولىپ باستاعان.
ول 2005 جىلى پاۆلودار قالاسى بويىنشا سالىق كوميتەتى توراعاسىنىڭ ورىنباسارى, توراعاسى, 2008 – 2014 جىلدارى وبلىستىق سالىق دەپارتامەنتى باسشىسىنىڭ ورىنباسارى قىزمەتتەرىن اتقاردى. سونداي-اق, 2014 جىلعى تامىزدان وسى ۋاقىتقا دەيىن وبلىس بويىنشا تەكسەرۋ كوميسسياسىنىڭ توراعاسى بولدى.
اكتيۆ بارىسىندا وبلىس اكىمى بولات باقاۋوۆ جاڭا اكىمنىڭ الدىنا بىرقاتار مىندەتتەر قويدى.
«قالانىڭ ينۆەستيتسيالىق تارتىمدىلىعىن ارتتىرۋ كەرەك. ونەركاسىپتىك الەۋەتى ۇلكەن سۇرانىسقا يە. اقسۋ فەرروقورىتپا زاۋىتى مەن ەۋروازياتتىق ەنەرگەتيكالىق كورپوراتسياسى ماڭىندا جاپسارلاس وندىرىستەر قۇرۋ باستى مىندەت», – دەدى ايماق باسشىسى.
فاريدا بىقاي.
دەرەك, فوتو: egemen.kz.