الداعى ءۇش تاۋلىكتە قازاقستاننىڭ باسىم بولىگىندە انتيتسيكلونداردىڭ ءجيى الماسۋىنا بايلانىستى قۇبىلمالى اۋا رايى ساقتالادى. «قازگيدرومەت» سينوپتيكتەرى 11, 12 جانە 13 ءساۋىر كۇندەرىنە ارنالعان اۋا رايى بولجامىن جاريالادى, دەپ حابارلايدى Egemen.kz.
مامانداردىڭ مالىمەتىنشە, ەلىمىزدىڭ باتىس جانە وڭتۇستىك وڭىرلەرىندە جاڭبىر جاۋىپ, نايزاعاي وينايدى دەپ كۇتىلەدى. ال سولتۇستىك-باتىس, سولتۇستىك, ورتالىق جانە شىعىس ايماقتاردا تۇندە جانە كۇندىز جاڭبىر جاۋادى. 11 ساۋىرگە قاراعان ءتۇنى شىعىس وڭىرلەردە قار جاۋى مۇمكىن.
«11 ساۋىردە رەسپۋبليكانىڭ باتىسىندا قاتتى جاڭبىر جاۋىپ, بۇرشاق ءتۇسۋى ىقتيمال. سونداي-اق قازاقستان اۋماعىنىڭ باسىم بولىگىندە تۇمان تۇسەدى دەپ بولجانعان», دەلىنگەن حابارلامادا.
سينوپتيكتەر قۇبىلمالى اۋا رايى كەزىندە ازاماتتاردى, اسىرەسە كولىك جۇرگىزۋشىلەرىن جولداردا ساق بولۋعا جانە تۇمان كەزىندەگى قاۋىپسىزدىك ەرەجەلەرىن ساقتاۋعا شاقىرادى.
ەسكە سالا كەتەيىك, 10 ءساۋىر كۇنى قازاقستاننىڭ بەس قالاسىندا اتموسفەرالىق اۋانىڭ لاستانۋىنا ىقپال ەتەتىن قولايسىز مەتەورولوگيالىق جاعدايلار بولجانىپ وتىر.