پاۆلودار قالاسىندا ەرتىس وزەنىنىڭ بويىنداعى «كۋبا» جاعاجايى ماڭىندا تجم قىزمەتكەرلەرى رەيدتىك ءىس-شارالار بارىسىندا اعىسى قاتتى ايماقتا قالقىمالى بەلگىلەردەن اسىپ كەتكەن ەر ادامدى انىقتادى, دەپ حابارلايدى Egemen.kz
كۇشتى اعىس ونى جاعالاۋ بويىمەن جاعاعا شىعۋ مۇمكىندىگى جوق جەرگە قاراي الىپ كەتكەن.
قۇتقارۋشىلار جەدەل ارەكەت ەتىپ, ونى جاعاعا جەتكىزدى. كومەك دەر كەزىندە كورسەتىلگەندىكتەن, جاعداي ءساتتى اياقتالدى. قۇتقارىلعان ازامات مەديتسينالىق تەكسەرۋدەن باس تارتتى.
الدىن الۋ شارالارى جۇرگىزىلگەننەن كەيىن ازاماتقا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 412-بابى بويىنشا اكىمشىلىك حاتتاما تولتىرىلدى.
تجم سۋعا تۇسۋگە رۇقسات ەتىلگەن ايماقتان تىس جەرلەردە شومىلۋ قاۋىپتى ەكەنىن ەسكەرتەدى. ءتىپتى جاقسى جۇزەتىن ادامدار ءۇشىن دە كۇشتى اعىس ومىرگە قاۋىپ ءتوندىرۋى مۇمكىن.