بۇگىن «قايرات» فۋتبول كلۋبىنىڭ تۇلەگى, ۇلتتىق قۇراما شابۋىلشىسى داستان ساتپاەۆ الماتىلىق كلۋب ساپىندا سوڭعى ويىنىن وتكىزەدى. ول لوندوندىق «چەلسي» كومانداسىنا اۋىسار الدىندا «قىزىلجارعا» قارسى ماتچتا الاڭعا شىعادى, دەپ حابارلايدى Egemen.kz.
«قايرات» كلۋبى بۇگىن ساعات 19:00-دە ءوز الاڭىندا «قىزىلجارمەن» كەزدەسەدى. كلۋبتىڭ مالىمەتىنشە, ويىننان كەيىن الماتىنىڭ ورتالىق ستاديونىندا داستان ساتپاەۆقا ارنالعان قوشتاسۋ ءراسىمى وتەدى.
ء«بىزدىڭ تۇلەگىمىز ءۇشىن بۇل كەزدەسۋ لوندوندىق «چەلسيگە» اۋىسار الدىنداعى «قايرات» ساپىنداعى سوڭعى ويىنى بولماق. بۇل تۇلەگىمىزدى سارى-قارا جەيدەدە سوڭعى رەت كورىپ, ونىڭ مانسابىنداعى جاڭا كەزەڭگە شىعارىپ سالۋدىڭ سوڭعى مۇمكىندىگى», دەلىنگەن حابارلامادا.
ايتا كەتەيىك, لوندوندىق كلۋب وتكەن جىلى داستان ساتپاەۆتى 4,3 ميلليون ەۋروعا ساتىپ العان بولاتىن. تاراپتار بەس جىلدىق كەلىسىمشارتقا قول قويعان. ونىڭ 2,4 ميلليون ەۋروسى بىردەن تولەنسە, تاعى 1,9 ميلليون ەۋروسى ءارتۇرلى بونۋستار تۇرىندە تولەنبەك.
داستان ساتپاەۆتىڭ جەيدەسى بۋداپەشتتەگى ارنايى كورمەگە قويىلدى
بۇل كەلىسىم ەل فۋتبولىنىڭ تاريحىنداعى ەڭ قىمبات ترانسفەر بولىپ وتىر.
ەسكە سالا كەتەيىك, الداعى ماۋسىمدا داستان ساتپاەۆ ءوز مانسابىن لوندوندىق «چەلسي» ساپىندا جالعاستىرادى. جاڭا ماۋسىمدا «چەلسي» كلۋبىن حابي الونسو باپتايدى.