گرانت كونكۋرسىنا قۇجاتتار قابىلداۋ 13-20 شىلدە ارالىعىندا جۇزەگە اسىرىلادى. قۇجاتتاردى جوعارى وقۋ ورىندارىنىڭ قابىلداۋ كوميسسيالارى ارقىلى وفلاين (ۆيرتۋالدى قابىلداۋ كوميسسيالارى ارقىلى ونلاين) نەمەسە eGov ارقىلى ونلاين تاپسىرۋعا بولادى, دەپ جازادى Egemen.kz.
گرانت كونكۋرسىنا قاتىسۋ ءۇشىن مىنا قۇجاتتار قاجەت:
جەكە كۋالىك; ۇبت سەرتيفيكاتى; 3ح4 كولەمىندەگى فوتو; ورتا ءبىلىم تۋرالى اتتەستات نەمەسە كوللەدج تۇلەكتەرى ءۇشىن ديپلوم; جەڭىلدەتىلگەن سانات بويىنشا كونكۋرسقا قاتىسۋ ءۇشىن راستايتىن قۇجاتتار; B167 «ۇشۋ اپپاراتتارىن جانە قوزعالتقىشتاردى ۇشىرىپ پايدالانۋ» ماماندىعى ءۇشىن دارىگەرلىك ۇشۋ-ساراپتامالىق كوميسسياسىنىڭ مەديتسينالىق كۋالاندىرۋى كەرەك.ءبىلىم گرانتى بەرىلدى
قوسىمشا اقپارات بويىنشا جوو-داعى قابىلداۋ كوميسسيالارىنا حابارلاسۋعا بولادى.
گرانت, سىيلىق, شاكىرتاقى: دارىندى جاستاردىڭ دامۋىنا جول اشاتىن باستامالار
ەسكە سالا كەتەيىك, 2026 جىلعى 10 مامىردا باستالعان نەگىزگى ۇبت اياسىندا تالاپكەرلەر تەستىلەۋدى 236 مىڭعا جۋىق رەت تاپسىردى. تەستىلەۋدىڭ بەس اپتالىق قورىتىندىسى بويىنشا تالاپكەرلەردىڭ 67 پايىزى شەكتى بالل جينادى.