الماتى قالالىق پوليتسيا دەپارتامەنتى تۇركسىب اۋدانىندا 12 جاستاعى ءجاسوسپىرىمنىڭ ولىمىنە قاتىستى قىلمىستى تەرگەۋ ءۇشىن ارنايى تەرگەۋ-جەدەل توبىن قۇردى. بۇل تۋرالى دەپارتامەنت ءباسپاسوز قىزمەتىنىڭ جەتەكشىسى سالتانات ازىربەك مالىمدەدى, دەپ حابارلايدى Egemen.kz.
ونىڭ ايتۋىنشا, سوتقا دەيىنگى تەرگەپ-تەكسەرۋ اياسىندا بارلىق قاجەتتى تەرگەۋ ارەكەتتەرى جۇرگىزىلىپ جاتىر. وقيعا ورنى مەن وعان جاقىن اۋماقتارداعى بەينەجازبالار زەرتتەلىپ, ءىس ماتەريالدارىنا تىركەلگەن. سونداي-اق وقيعانىڭ ءمان-جايىن انىقتاۋعا كومەكتەسەتىن وزگە دە تسيفرلىق دەرەكتەر قاراستىرىلىپ وتىر.
بىرنەشە رەت پىشاق سۇققان: الماتىدا 12 جاستاعى ءجاسوسپىرىم قازا تاپتى
«بارلىق ۋاجدەر مەن نۇسقالار تەكسەرىلىپ جاتىر. تەرگەۋدىڭ وسى كەزەڭىندە قىلمىسقا ءبىر كامەلەتكە تولماعان ءجاسوسپىرىمنىڭ قاتىسى بار ەكەنى انىقتالدى. ول ۇستالىپ, مامانداندىرىلعان مەكەمەگە ورنالاستىرىلدى», – دەپ ناقتىلادى سالتانات ازىربەك.
الماتىدا كولىك ساۋداسى پىشاقتاۋمەن اياقتالدى
قازىرگى ۋاقىتتا قىلمىستىڭ بارلىق ءمان-جايىن انىقتاۋ بويىنشا تەرگەۋ جالعاسىپ جاتىر.