11 ساۋىردە بۇحارا قالاسىندا قازاقستان پرەزيدەنتى قاسىم-جومارت توقاەۆ پەن وزبەكستان پرەزيدەنتى شاۆكات ميرزيوەۆ بەيرەسمي كەزدەسۋ وتكىزەدى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەتتەر باسشىلارى ەكى ەل اراسىنداعى ستراتەگيالىق سەرىكتەستىك پەن وداقتاستىقتى نىعايتۋ پەرسپەكتيۆاسىن, سونداي-اق وڭىرلىك كۇن ءتارتىبىنىڭ وزەكتى ماسەلەلەرىن تالقىلاۋدى جوسپارلاپ وتىر.
ايتا كەتەيىك, بۇگىن پرەزيدەنت عالىمداردى ماراپاتتاۋ راسىمىندە ءسوز سويلەدى. سالتاناتتى جيىندا مەملەكەت باسشىسى جوعارى مەملەكەتتىك ماراپاتتار تىزىمىنە «ال-فارابي» وردەنى ەنگىزىلەتىنىن مالىمدەپ, قازاقستاندىق عالىمداردى ماراپاتتادى.ء ال بىر توپ جاس عالىمعا پاتەر كىلتتەرىن تابىستادى.