استانا. 29 ءساۋىر. گرۋزيانىڭ مەملەكەتتىك قاۋىپسىزدىك قىزمەتى 1,5 كەلى ۋراندى 3 ميلليون دوللارعا ساتپاق بولعان 5 ازاماتتى قاماۋعا الدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
ۇستالعان كۇدىكتىلەر تاۋاردى ساۋدالاۋ ءۇشىن قارا تەڭىز جاعاسىنداعى كوبۋلەتي قالاسىنا كەلگەن. ولاردىڭ بارلىعى گرۋزيا ازاماتتارى.
«كۇدىكتىلەردىڭ ۋراندى قايدان العانى ازىرگە بەلگىسىز. ولار ەندى 10 جىلعا دەيىن سوتتالۋى مۇمكىن», – دەيدى پوليتسەيلەر.
ايتا كەتەيىك, ۋران – 238 يادرولىق وتىن وندىرۋگە ارنالعان رەاكتورلاردا قولدانىلادى. مۇنداي وقيعا گرۋزيادا بۇدان بۇرىن دا بولعان. وسى ءساۋىر ايىندا راديواكتيۆتى زاتتى ساتپاق بولعان تاعى 6 ادام ۇستالدى. ولاردىڭ اراسىندا ارمەنيا ازاماتتارى دا بار. ولار تاۋارلارى ءۇشىن 200 ميلليون دوللار سۇراعان.
تالعات رايىمبەك.
دەرەك, فوتو: 24.kz.