پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا «سامۇرىق-ەنەرگو» اق باسقارما توراعاسى الماسادام ساتقاليەۆ ەلەكتر ەنەرگەتيكاسى سالاسىنداعى اتقارىلىپ جاتقان جۇمىستار لەگىن بايان ەتتى.
بۇل رەتتە ول 5 ينستيتۋتتىق رەفورمانى جۇزەگە اسىرۋعا باعىتتالعان «100 ناقتى قادام» ۇلت جوسپارى بارىسىندا ەلەكتر ەنەرگياسى سالاسىنا بىرقاتار مىندەتتەردىڭ جۇكتەلگەنىن جانە ونىڭ قالاي اتقارىلىپ جاتقاندىعىنا توقتالدى. ەلەكتر ەنەرگياسى باعىتىنداعى ماڭىزعا يە بولىپ وتىرعان ەنەرگيامەن جابدىقتاۋ, ونىڭ سەنىمدىلىگىن قامتاماسىز ەتۋ, جاڭا تەحنولوگيالاردى قولدانۋ مەن ەنەرگيا تيىمدىلىگىن دامىتۋ جولىندا سارا ساياساتتى قولعا الۋ ماسەلەلەرىن اتاپ ءوتتى. ناقتىلاي ايتار بولساق, ۇلت جوسپارىنداعى بۇل سالاعا باسىمدىق بەرىلگەن 50, 51 جانە 52-قادامدار بويىنشا جەكە-جەكە ايتىپ وتكەن سپيكەر, كومپانيا ەلىمىزدەگى «جاسىل ەكونوميكاعا» كوشۋ جونىندەگى تۇجىرىمداماعا ساي بالامالى ەنەرگيا كوزدەرىنىڭ ۇلەسىن ارتتىرۋ ماقساتىن كوزدەيتىنىن كولدەنەڭ تارتتى. بۇل رەتتە كومپانيا تاراپىنان بىرقاتار جوبالار جۇزەگە استى.
اتالعان جوبالار قاتارىندا 300 مۆت-عا دەيىن قۋاتىن ارتتىرۋ كوزدەلگەن ەرەيمەنتاۋ جەس بار. ول پايدالانۋعا ەنگىزىلگەن ساتتەن باستاپ اعىمداعى جىلدىڭ ساۋىرىندەگى جاعداي بويىنشا تازا ەلەكتر ەنەرگياسىن ءوندىرۋ كولەمى 140 ملن. كۆت/ساعاتقا جەتكەن. جىل سايىن جەس 45 110 مىڭ توننا كومىر جاعۋدىڭ الدىن الادى, ول پارنيكتىك گازداردىڭ شىعارىلۋىن ءتومەندەتەدى. ستانسا وندىرەتىن ەلەكتر ەنەرگياسى ەكسپو-2017 حالىقارالىق كورمە نىساندارى ينفراقۇرىلىمىنىڭ مۇقتاجدىقتارى ءۇشىن پايدالانىلاتىن بولادى.
سونىمەن قاتار, «سامۇرىق-ەنەرگو» اق ۇستىمىزدەگى جىلى رەسەي مەن قىرعىزستاننىڭ ەلەكتر ەنەرگياسى كوتەرمە نارىعىنىڭ ءىرى سۋبەكتىلەرىمەن كەلىسىمدەرگە قول قويدى. تاياۋ شەتەلدەرگە ەلەكتر ەنەرگياسىن ەكسپورتتاۋ ءوندىرىستىڭ, قىزمەتتىڭ جانە تابىستىڭ قوسىمشا كولەمدەرىن قامتاماسىز ەتەدى. بيىل رەسەيگە ەلەكتر قۋاتىن ەكسپورتتاۋدىڭ كۇتىلەتىن كولەمى 1,8 ملرد. كۆت/ساع. بولىپ وتىر. قازىرگى جاعدايدا ەسەپتەسەك, ەكسپورتتىڭ كولەمى 445,3 ملن. كۆت/ساع-تى قۇرايدى. ال قىرعىزستانمەن جاسالعان شارتقا سايكەس, بيىلعى جىلى جەتكىزىلەتىن ەلەكتر ەنەرگياسىنىڭ كولەمى 218 ملن. كۆت/ساع. قۇرايتىن بولادى. بۇگىنگە دەيىن ەكسپورتتىڭ ناقتى كولەمى 57,6 ملن. كۆت/ساع. قۇرادى.
سونداي-اق, ترانسفورماتسيا تۇرعىسىندا ءسوز وربىتكەن سپيكەر ترانسفورماتسيانىڭ «سامۇرىق-ەنەرگو» اق ستراتەگياسىن ىسكە اسىرۋدىڭ نەگىزگى ەلەمەنتى ەكەندىگىن اتاپ ءوتتى. ترانسفورماتسيا – كومپانيانىڭ ستراتەگيالىق ماقساتتارىنا جەتۋ مەن باسەكەگە قابىلەتتىلىك دەڭگەيىن ارتتىرۋعا اپاراتىن جول. «سامۇرىق-ەنەرگو» اق-تى ترانسفورماتسيالاۋ باعدارلاماسىنىڭ نەگىزگى مىندەتى – اكتسيونەر ءۇشىن كومپانيانىڭ تابىستىلىعىن ۇلعايتۋ ماقساتىندا حولدينگتى باسقارۋدىڭ, فۋنكتسيالاردى ورتالىقتاندىرۋدىڭ, اۆتوماتتاندىرۋدىڭ جانە وزىق الەمدىك تاجىريبەنى ەندىرۋدىڭ وپەراتسيالىق مودەلىنە كوشۋگە قولداۋ جاساۋ بولىپ تابىلادى. ترانسفورماتسيالاۋ اياسىندا سامۇرىق-ەنەرگو جاڭا ۇيىمدىق قۇرىلىمعا كوشۋدى قامتاماسىز ەتكەن.
ەلميرا ماتىباەۆا,
«ەگەمەن قازاقستان»