مامىر ايىنداعى تەگىن پويىز

سوعىس ارداگەرلەرىنىڭ ساپارلارىنا ساتتىلىك تىلەيدى ەلىمىزدەگى ۇلى وتان سوعى­سىنىڭ ارداگەرلەرى وسى جىل­دىڭ مامىر ايىندا تمد ەل­دەرىنە بارۋ ءۇشىن كەز كەلگەن پويىزعا تەگىن وتىرا الادى. بۇل – كەشەگى سۇراپىل سوعىستا ەرلىكتىڭ ەرەن ۇلگىسىن كورسەتكەن مايدانگەرلەرگە مەملەكەتتىڭ كورسەتىپ وتىرعان قامقورلىعى مەن قۇرمەتى. وتكەن جىلى ءدال وسىنداي ءمۇم­كىندىك 688 ارداگەرگە بەرىلگەن ەدى. بيىل مۇنداي شەكتەۋ بولماي­دى, دەيدى ماماندار. ول ءۇشىن قاريا­لار ءوزىن ۇوس ارداگەرى ەكەنىن انىق­تايتىن قۇجاتتى پايدالانۋى ءتيىس. ايتا كەتەيىك, قازىرگى تاڭدا ەلى­مىزدە 3917 ۇلى وتان سوعى­سى­نا قاتىسۋشىلار مەن مۇگە­دەك­تەر بار بولسا, ولارعا تەڭەس­تىرىلگەن تىل جانە ەڭبەك اردا­گەرلەرى قاتارى 22 867 ادامدى قۇ­رايدى. جىل سايىن جەڭىس كۇنى قار­ساڭىندا ولارعا وسىنداي قۇر­مەت پەن قىزمەت كورسەتىپ تۇرۋ ەلى­مىز­دە بەرىك داستۇرگە اينالىپ كەلە­دى. ماسەلەن, بيىل جەڭىستىڭ 71 جىل­دىعىنا وراي ارداگەرلەرگە ءبىر­جولعى ماتەريالدىق كومەك كور­سەتۋ ءۇشىن جەرگىلىكتى بيۋدجەت­تەردەن 2,6 ميلليارد تەڭگە قاراس­تى­رىلىپ وتىر. تالعات رايىمبەك, «ەگەمەن قازاقستان»