ءسان الەمىندەگى سونى باستاما

جوبا كلاسسيكالىق ءمو­­بيل­دى قوسىمشا ەمەس. Telegram Mini App فور­ماتىندا ازىرلەنگەن. سون­دىق­­تان پايدا­لانۋشىعا قوسىم­شا جۇكتەپ, تەلەفون جادىسىن تولتى­رۋ­دىڭ قاجەتى جوق.

– مەن كوپ جىل بويى جەكە كونسۋلتاتسيا وتكىزىپ, ادامداردىڭ گار­دەروبىن تالدادىم. سوندا باي­­قاعانىم, كوپشىلىكتىڭ شكافى كيىم­­گە تولى بولعانىمەن, ولار نە كيە­تىنىن بىلمەي ءبىراز اۋرە بولادى. ماسەلە كيىمنىڭ ازدىعىندا ەمەس, ونى ۇيلەستىرە بىلمەۋدە. ءبىر ادامنىڭ ءستيلىن انىقتاۋعا بىر­نەشە ساعات كەتەدى. ال جەكە كونسۋل­­تاتسيا بارشاعا بىردەي قول­جەتىمدى ەمەس. سوندىقتان ءبىلىم مەن تاجىريبەنى تەحنولوگيا ارقىلى كوپ ادامعا جەتكىزۋدىڭ جولىن ىز­دەي باستادىم. «SoulSis» يدەياسى وسىلاي دۇنيەگە كەلدى, – دەيدى جوبا اۆتورى.

پلاتفورمانىڭ جۇمىسى قارا­پايىم. پايدالانۋشى ءوز كيىمدەرى­نىڭ سۋرەتىن جۇكتەيدى. جاساندى ينتەللەكت قانداي كيىم­دەردىڭ ءبىر-بىرىمەن ۇيلەسەتى­نىن كور­سەتەدى, ارتىق زاتتاردى انىق­تايدى جانە قانداي بازالىق كيىم جەتىس­پەيتىنىن ۇسىنادى. ءسويتىپ, بۇرىن­نان بار كيىمدەردەن بىرنەشە جاڭا وبراز قۇراستىرۋعا كومەكتەسەدى.

جوباداعى ەڭ قىزىقتى قۇرال­دار­­­دىڭ ءبىرى – «ShopAssist» فۋنك­تسياسى. مىسالى, دۇكەننەن ۇناعان كيىمنىڭ سۋرەتىن ءتۇسىرىپ جۇكتەسە, جۇيە ونىڭ قازىرگى كيىمدەرىڭىزگە قانشالىقتى سايكەس كەلەتىنىن پايىزبەن كورسەتەدى.

– كەيدە ادام ەموتسياعا بەرىلىپ اسا قاجەت ەمەس بۇيىمداردى ساتىپ الادى. بىراق ول زات كەيىن ەش­بىر كيىممەن ۇيلەسپەي جاتادى. «ShopAssist» وسىنداي ارتىق شى­عىن­نىڭ الدىن الۋعا كومەك­تە­سە­دى, – دەيدى كاسىپكەر.

«SoulSis» پلاتفورماسىندا «Molly» اتتى ۆيرتۋالدى كومەكشى دە بار. ول چات فورماتىندا جۇمىس ىستەيدى. پايدالانۋشى «تويعا نە كيسەم بولادى؟» نەمەسە «ىسكەر­لىك كەزدەسۋگە قانداي وبراز تاڭ­داۋ كەرەك؟» دەگەن سۇراقتار قويا الادى. جاساندى ينتەللەكت پايدالانۋ­شىنىڭ قولدانىستاعى كيىمدەرىن نەگىزگە الا وتىرىپ جاۋاپ بەرەدى.

جوبا اۆتورىنىڭ ايتۋىنشا, «Molly» ءالى دە ۇيرەنۋ كەزەڭىندە.

– جاساندى ينتەللەكت دايىن ءونىم ەمەس. ونى تۇراقتى تۇردە وقى­­تىپ وتىرۋ قاجەت. قازىر «Molly» بەس جاسار بالا سەكىلدى. كۇن سايىن جاڭا نارسە ۇيرەنىپ كەلەدى, – دەيدى ول.

«SoulSis» جوباسىن ازىرلەۋگە شامامەن 40-50 مىڭ دوللار كولەمىندە ينۆەستيتسيا سالىنعان. پلاتفورما ىسكە قوسىلعان العاش­قى ايدىڭ وزىندە 350 اقىلى قولدانۋشى جيناعان. سونىمەن قاتار Instagram مەن ۆەبينارلار ارقىلى ەكى مىڭنان استام ءوتىنىم قابىلدانعان. قازىر جۇيە ەلىمىزدەن بولەك, وزبەكستان, قىرعىزستان جانە رەسەي قولدانۋشىلارى اراسىندا دا تارالا باستاعان.

– ءبىزدىڭ ماقساتىمىز – تەك كيىم ۇسىنۋ ەمەس. ادامداردىڭ تۇتىنۋ مادەنيەتىن وزگەرتۋ. ءار ادام ءوز گاردەروبىن ۇقىپتى پايدالانىپ, قاجەتسىز ساتىپ الۋلاردى ازايتسا ەكەن, – دەيدى ءمولدىر.

«SoulSis» جوباسىنىڭ ارتىندا ءسان سالاسىنداعى ۇزاق جىلدىق تاجىريبە جاتىر. جوبا جەتەكشىسى بۇعان دەيىن جەكە ستيليست رەتىندە جۇمىس ىستەپ, ونلاين كۋرستار ۇيىم­داستىرعان. سونىمەن قاتار كيىم ساۋداسىمەن اينالىسىپ, بىر­نەشە قالادا جۇمىس ىستەگەن دۇكەن­دەر جەلىسىن دامىتۋعا اتسالىسقان.

كەيىنگى جىلدارى الەمدە ءسان يندۋس­ترياسى مەن تەحنولوگيانى ۇش­تاستىراتىن fashion-tech باعىتى قارقىندى دامىپ كەلەدى. ساراپ­شىلار جاساندى ينتەللەكتىنىڭ كومەگىمەن جەكە ۇسىنىستار بەرۋ, تۇتىنۋشى تالعامىن بولجاۋ جانە كيىم تاڭداۋ ۇدەرىسىن جەڭىلدەتۋ الداعى جىلدارى بۇل سالانىڭ نەگىز­گى ترەندتەرىنىڭ بىرىنە اينالاتىنىن ايتادى. «SoulSis» كومانداسى دا وسى باعىتتى نەگىزگە العان.

كومپانيا الداعى ۋاقىتتا پلات­فورمانىڭ مۇمكىندىكتەرىن كەڭەي­تۋدى جوسپارلاپ وتىر. ماسە­لەن, جازىلىم يەلەرىنە ارنال­عان ارنايى بولىمدە سەرىكتەس برەند­تەر­دىڭ ونىمدەرىن ءتيىمدى باعامەن ساتىپ الۋ مۇمكىندىگى ۇسىنىلماق.