استانا. 21 ءساۋىر. اقش-تا ريتم-ەند-بليۋز ستيلىندە ءان شىرقايتىن تانىمال پرينس رودجەرس نەلسون 58 جاسىندا قايتىس بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ونىڭ اگەنتى يۆەتت نوەل-شۋرە ءپرينستىڭ دەنەسى ميننەاپوليس قالاسىنا تاياۋ جەردەگى ءوز ۇيىندە تابىلعانىن مالىمدەدى. ءانشىنىڭ نەدەن قايتىس بولعانى ازىرگە بەلگىسىز. الايدا, سوڭعى اپتالاردا تۇماۋ اۋرۋىمەن اۋىرىپ جۇرگەنى بەلگىلى بولاتىن. وسىعان بايلانىستى 15 ءساۋىر كۇنى ونىڭ جەكە ۇشاعى جاعدايىنىڭ كۇرت ناشارلاۋىنا بايلانىستى يللينويس شتاتىنا قونۋعا ءماجبۇر بولعان. بىراق كەلەسى كۇنى ول تىڭدارماندارىنىڭ الدىندا كونتسەرتىن وتكىزدى.
پرينس رودجەرس نەلسون 1982 جىلى ءوزىنىڭ «1999» دەگەن اتپەن شىققان البومىنىڭ ارقاسىندا بۇكىل الەمگە تانىلعان. تىڭدارماندارى ونى ايگىلى مايكل دجەكسوننان كەيىنگى دارىندى ءانشى دەپ ەسەپتەيتىن. تالانتىنىڭ ارقاسىندا «وسكار», «گرەممي» جانە «التىن گلوبۋس» سىندى بىرقاتار جۇلدەلەردىڭ جەڭىمپازى اتانعان.
ايان ءابدۋالي.
دەرەك: تاسس.
فوتو: pinterest.com.