جاقىندا عانا وبلىستىق ءماسليحاتتىڭ دەپۋتاتى اتانىپ, العاشقى سەسسياسىنا قاتىسىپ ۇلگەرگەن ايدارحان ورىنباساروۆ «اسا ءىرى كولەمدە اقشا بوپسالادى» دەگەن كۇدىكپەن سوت سانكتسياسىمەن قاماۋعا الىندى. سوت وكىلدەرى «دەپۋتاتقا قاتىستى ىسپەن ۇلتتىق قاۋىپسىزدىك كوميتەتى اينالىسىپ جاتىر», دەگەننەن ارتىققا بارا المايدى. ءبىزدىڭ انىقتاعانىمىز, ايدارحان ورىنباساروۆ قك 194-بابى 4-تارماعىنىڭ 2-بولىمىمەن «اسا ءىرى كولەمدە بوپسالاۋ» بويىنشا ءال-فارابي اۋداندىق سوتىنىڭ سانكتسياسىمەن ۇستالعان.
بۇگىندەرى ول اۋرۋحانادا.
– ايدارحان ورىنباساروۆتى بىزگە يزولياتوردان جەدەل جاردەم ماشيناسىمەن الىپ كەلدى, – دەيدى وقو كارديولوگيا ورتالىعىنىڭ باس دارىگەرى سپانديار بەكجىگىتوۆ.
ناۋقاستىڭ بۇرىننان جۇرەك تالماسى بار, سونىسى قايتالانعان. اۋا جەتپەي تۇنشىعا بەرەدى. ءدارىگەرلەردىڭ كومەگىنەن كەيىن جەكە پالاتاعا شىققان ول قارۋلى كۇزەتتىڭ باقىلاۋىندا. بۇرىنعى كاسىپكەر ءوزىنىڭ تەرىس ارەكەتى ءۇشىن وسىلاي پۇشايمان كۇيگە ءتۇستى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى