الماتى. 20 ءساۋىر. الماتى قالاسىندا قازاق مەملەكەتتىك قىزدار ۋنيۆەرسيتەتىندە رەسپۋبليكالىق «ى.التىنسارين-2016» پاندىك وليمپياداسى اياقتالدى. بۇل تۋرالى «قىزدار ۋنيۆەرسيتەتى» مەديا ورتالىعىنا سىلتەمە جاساعان egemen.kz ءتىلشىسى حابارلادى.
ەلىمىزدىڭ مەكتەپ بىتىرۋشىلەرى اراسىندا وتكىزىلگەن پاندىك وليمپيادا اقپان ايىنىڭ اياعىندا ەلىمىزدىڭ جەتى بىردەي وبلىسىندا باستالعان بولاتىن. قازاق ءتىلى مەن ادەبيەتى, ورىس ءتىلى مەن ادەبيەتى, اعىلشىن ءتىلى, فيزيكا, بيولوگيا, گەوگرافيا, دۇنيەجۇزى تاريحى جانە حيميا پاندەرى بويىنشا وتكىزىلدى.
شارانىڭ باستى ماقساتى – رەسپۋبليكامىزدىڭ تالانتتى جاستارىن انىقتاپ, قولداۋ كورسەتۋ, دارىندى جاستاردىڭ ءوز قابىلەتتەرىن جۇزەگە اسىرۋىنا ىقپال ەتۋ, مەكتەپ ءبىتىرۋشى تۇلەكتەرگە ماماندىق تاڭداۋعا كومەكتەسۋ, دارىندى تالاپكەر قىزداردى قازاق مەملەكەتتىك قىزدار پەداگوگيكالىق ۋنيۆەرسيتەتىنە شاقىرۋ بولىپ تابىلادى. وسىمەن بەسىنشى رەت وتكىزىلگەن جارىستىڭ ەرەكشەلىگى – وعان تەك قانا قىز بالالار قاتىسادى.
ناۋرىز مەرەكەسىمەن تۇسپا-تۇس كەلگەن مەرەيتويلىق وليمپيادانىڭ ماراپاتتاۋ ءراسىمىن ۋنيۆەرسيتەت رەكتورى دينار نوكەتاەۆا سالتاناتتى تۇردە اشىپ, بارشا جۇلدەگەرلەردى جەڭىستەرىمەن قۇتتىقتادى.
بيىل رەسپۋبليكالىق دەڭگەيدە وتكەن «ى. التىنسارين-2016» پاندىك وليمپياداسىنا ەلىمىزدىڭ بارلىق وبلىستارىنان 3500-گە جۋىق وقۋشىلار قاتىستى. 600-گە جۋىق قاتىسۋشى ۋنيۆەرسيتەتتىڭ وقۋ تولەماقىسىنا 10 پايىزدىق جەڭىلدىك قۇقىعىنا يە بولدى. ال رەكتور گرانتىن 24 وقۋشى جەڭىپ الدى.
ايناش ەسالي.
دەرەك, فوتو: «قىزدار ۋنيۆەرسيتەتى» مەديا ورتالىعى.