استانا. 20 ءساۋىر. ءۇندىستاندا سوڭعى ەكى اپتا ىشىندە اۋا رايىنىڭ قولايسىزدىعىنان 200 ادام كوز جۇمدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
اۋا رايىنىڭ كۇرت ىسۋىنان اسىرەسە, وديشي, تەلەنگانا جانە اندحرا-پرادەشا شتاتتارىنىڭ تۇرعىندارى زارداپ شەكتى. قايتىس بولعانداردىڭ باسىم بولىگى تەلەنگانا ايماعىنىڭ حالقى. بۇل جاقتا 100-دەن استام ادام كوز جۇمعان.
اتالعان شتاتتاردا بۇرىن-سوڭدى بولماعان تەمپەراتۋرا تىركەلدى. مالىمەتتەر بويىنشا تسەلسي باعامى بويىنشا 46 گرادۋسقا دەيىن بارعان. بۇل ورتاشا اۋا تەمپەراتۋراسىنان 5-6 گرادۋسقا ىستىق.
عالىمداردىڭ بولجامى بويىنشا ەلدىڭ وڭتۇستىگىندە بيىل تاعى دا كۇن ەرەكشە ىستىق بولادى. وتكەن جىلى وسىعان بايلانىستى 2 مىڭنان استام ادام قايتىس بولعان. وسىنىڭ الدىن الۋ ءۇشىن بيلىك بىرنەشە ايماقتا توتەنشا جاعداي رەجىمىن قابىلدادى. سونداي-اق, تۇرعىندارعا كۇندىز ساعات 11:00-13:00 اراسىندا سىرتقا شىقپاۋعا كەڭەس بەردى.
ايان ءابدۋالي.
دەرەك: تاسس.
فوتو: bbc.com.