لوتەرەيالار جانە لوتەرەيا قىزمەتى تۋرالى
وسى زاڭ قازاقستان رەسپۋبليكاسىندا لوتەرەيا جانە لوتەرەيا قىزمەتى سالاسىنداعى قوعامدىق قاتىناستاردى رەتتەيدى, ونى ۇيىمداستىرۋ مەن وتكىزۋدىڭ ءتارتىبى مەن شارتتارىن ايقىندايدى, لوتەرەيا جانە لوتەرەيا قىزمەتى سالاسىنداعى مەملەكەتتىك رەتتەۋدىڭ ۇيىمدىق نەگىزدەرىن بەلگىلەيدى.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگىزگى ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) باس جۇلدە – تيراجدىڭ ۇتىس ويىنىن وتكىزۋ بارىسىندا ويناتىلماعان جانە لوتەرەيانى وتكىزۋ شارتتارىنا سايكەس ءبىر تيراجدان كەلەسى تيراجعا اۋىساتىن تيراجدىق لوتەرەيانىڭ جۇلدە قورىنىڭ ءبىر بولىگى;
2) جۇلدە قورى – لوتەرەيا بيلەتتەرىن, تۇبىرتەكتەرىن نەمەسە وزگە دە قۇجاتتاردى وتكىزۋ جانە (نەمەسە) لوتەرەيا مولشەرلەمەلەرىن تىركەۋ ەسەبىنەن نە لوتەرەيا وپەراتورىنىڭ دەربەس قاراجاتى ەسەبىنەن قالىپتاستىرىلاتىن جانە لوتەرەياعا قاتىسۋشىلارعا ۇتىس تۇرىندە تولەنەتىن اقشا جانە (نەمەسە) وزگە دە م ۇلىك;
3) جۇلدە قورىنىڭ ۇتىس ويىنى – لوتەرەيا بيلەتتەرىن, تۇبىرتەكتەرىن نەمەسە وزگە دە قۇجاتتاردى وتكىزگەننەن ءجانە (نەمەسە) لوتەرەيا مولشەرلەمەلەرىن تىركەگەننەن كەيىن ءجۇرگىزىلەتىن جانە ۇتقان لوتەرەياعا قاتىسۋشىنى (قاتىسۋشىلاردى) انىقتاۋعا باعىتتالعان پروتسەسس;
4) لوتەرەيا – وسى زاڭعا, لوتەرەيانى وتكىزۋ تالاپتارىنا جانە شارتتارىنا سايكەس وتكىزىلەتىن, ەگەر ول لوتەرەيانى وتكىزۋ شارتتارىنا سايكەس ۇتقان دەپ تانىلاتىن بولسا, ءبىر تاراپ (لوتەرەيا وپەراتورى) جۇلدە قورىنىڭ ۇتىس ويىنىن وتكىزەتىن, ال ەكىنشى تاراپ (لوتەرەياعا قاتىسۋشى) ۇتىسقا قۇقىق الاتىن ويىن. كوممەرتسيالىق ۇيىمداردىڭ تاۋارلاردى (كورسەتىلەتىن قىزمەتتەردى) ساتۋىن ىنتالاندىرۋعا باعىتتالعان جۇلدەلەردىڭ ۇتىس ويىنى لوتەرەيا بولىپ تابىلمايدى;
5) لوتەرەيالىق اقپاراتتى وڭدەۋ ورتالىعى – بايلانىس جەلىلەرىنە قوسىلعان جانە قابىلدانعان لوتەرەيا ءمولشەرلەمەلەرىن تىركەۋگە, تاراتىلعان لوتەرەيا بيلەتتەرى, ءتۇبىرتەكتەر نەمەسە وزگە دە قۇجاتتار, تىركەلگەن لوتەرەيا ءمولشەرلەمەلەرى, وتكىزىلگەن لوتەرەيا بيلەتتەرىنەن, ءتۇبىرتەكتەردەن نەمەسە وزگە دە قۇجاتتاردان تۇسكەن ءتۇسىم, تولەنگەن ۇتىستار تۋرالى اقپاراتتى الۋعا, ساقتاۋعا جانە ەسەپكە الۋعا جانە ونى لوتەرەيا وپەراتورىنان لوتەرەيالىق ەسەپتىلىك ورتالىعىنا بەرۋگە ارنالعان اپپاراتتىق-باعدارلامالىق كەشەن;
6) لوتەرەيا بيلەتى, تۇبىرتەك نەمەسە وزگە دە قۇجات – لوتەرەيانى وتكىزۋ شارتتارىندا كوزدەلگەن, لوتەرەياعا قاتىسۋ قۇقىعىن كۋالاندىراتىن, ونىڭ ىشىندە ەلەكتروندىق نىسانداعى قۇجات;
7) لوتەرەيا ەسەپتىلىگىنىڭ ورتالىعى – بايلانىس جەلىلەرى ارقىلى لوتەرەيا اقپاراتىن وڭدەۋ ورتالىعىنا قوسىلعان, تاراتىلعان لوتەرەيا بيلەتتەرى, تۇبىرتەكتەر نەمەسە وزگە دە قۇجاتتار, تىركەلگەن لوتەرەيا مولشەرلەمەلەرى تۋرالى, وتكىزىلگەن لوتەرەيا بيلەتتەرىنەن, تۇبىرتەكتەردەن نەمەسە وزگە دە قۇجاتتاردان تۇسكەن ءتۇسىم, تولەنگەن ۇتىستار تۋرالى اقپاراتتى لوتەرەيا وپەراتورىنان ۋاقتىلى الۋعا مۇمكىندىك بەرەتىن اپپاراتتىق-باعدارلامالىق كەشەن;
8) لوتەرەيا جابدىعى – ۇتىس كومبيناتسياسىن انىقتاۋعا ارنالعان قۇرىلعى نەمەسە قۇرىلعىلار (كەزدەيسوق سانداردىڭ گەنەراتورى, مەحانيكالىق, ەلەكترلىك, ەلەكتروندىق نەمەسە وزگە دە تەحنيكالىق قۇرىلعىلار);
9) لوتەرەيالار جانە لوتەرەيا قىزمەتى سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – لوتەرەيالار جانە لوتەرەيا قىزمەتى سالاسىنداعى باسشىلىقتى جۇزەگە اسىراتىن ورتالىق اتقارۋشى ورگان;
10) لوتەرەيا كومبيناتسياسى – لوتەرەيانى وتكىزۋ شارتتارىندا كوزدەلگەن, لوتەرەيا بيلەتىندە, تۇبىرتەكتە نەمەسە وزگە دە قۇجاتتا كورسەتىلگەن نىشاندار (جازبالار, ساندار, بەلگىلەر, سۋرەتتەر) جيىنتىعى;
11) لوتەرەياعا قاتىسۋشى – جۇلدە قورىنىڭ ۇتىس ويىنىنا قاتىسۋ قۇقىعىن بەرەتىن لوتەرەيا بيلەتىن, تۇبىرتەكتى نەمەسە وزگە دە قۇجاتتى يەلەنگەن, ون سەگىز جاسقا تولعان جەكە تۇلعا;
12) لوتەرەيا مولشەرلەمەسى – اقىسى تولەنگەن ءبىر لوتەرەيا كومبيناتسياسىنىڭ قۇنى;
13) لوتەرەيا وپەراتورى – لوتەرەيالاردى جۇرگىزۋ جونىندەگى قىزمەتتى جۇزەگە اسىراتىن, قازاقستان رەسپۋبليكاسىنىڭ ۇكىمەتى ايقىندايتىن زاڭدى تۇلعا;
14) لوتەرەيانى وتكىزۋ – لوتەرەيا بيلەتتەرىن, تۇبىرتەكتەردى نەمەسە وزگە دە قۇجاتتاردى دايىنداۋ نە ولاردى دايىنداۋعا ارنالعان شارتتاردى جاساسۋ, سونداي-اق لوتەرەيالىق جابدىقتى جانە لوتەرەيانى وتكىزۋ ءۇشىن قاجەتتى وزگە دە جابدىقتى, باعدارلامالىق ونىمدەردى دايىنداۋشىمەن شارتتاردى جانە (نەمەسە) لوتەرەيانى وتكىزۋ ءۇشىن قاجەتتى وزگە دە شارتتاردى (كەلىسىمشارتتاردى) جاساسۋدى, لوتەرەيا بيلەتتەرىن, تۇبىرتەكتەردى نەمەسە وزگە دە قۇجاتتاردى تاراتۋ مەن ەسەپكە الۋدى, جۇلدە قورىنىڭ ۇتىسىن ويناتۋدى, ۇتىس شىققان لوتەرەيا بيلەتتەرىنە, تۇبىرتەكتەرگە نەمەسە وزگە دە قۇجاتتارعا ساراپتاما جاساۋدى, لوتەرەياعا قاتىسۋشىلارعا ۇتىستاردى تولەۋدى, لوتەرەيانى وتكىزۋ ءۇشىن قاجەتتى وزگە دە ءىس-قيمىل مەن ءىس-شارالاردى جۇزەگە اسىرۋدى قامتيتىن ءىس-شارالاردى جۇزەگە اسىرۋ;
15) لوتەرەيا تەرمينالى – لوتەرەيا مولشەرلەمەلەرىن قابىلداۋعا (لوتەرەيا كومبيناتسيالارىن تاڭداۋعا نە ەنگىزۋگە) جانە (نەمەسە) لوتەرەيا بيلەتتەرىن, تۇبىرتەكتەردى نەمەسە وزگە دە قۇجاتتاردى وتكىزۋگە (رەسىمدەۋگە) ارنالعان جابدىق;
16) مەزەتتىك لوتەرەيا – ۇتىستاردى ايقىنداۋعا مۇمكىندىك بەرەتىن نىشاندار (جازبالار, ساندار, بەلگىلەر, سۋرەتتەر) جيىنتىعى, لوتەرەيا بيلەتتەرىن, تۇبىرتەكتەردى نەمەسە وزگە دە قۇجاتتاردى دايىنداۋ ساتىسىندا جانە ولار لوتەرەياعا قاتىسۋشىلار اراسىندا وتكىزىلگەنگە دەيىن نەمەسە لوتەرەيالىق مولشەرلەمەلەردى قابىلداۋعا دەيىن سالىناتىن لوتەرەيا ءتۇرى. مەزەتتىك لوتەرەيانى وتكىزۋ كەزىندە مۇنداي لوتەرەياعا قاتىسۋشى لوتەرەيا بيلەتىن, تۇبىرتەكتى نەمەسە وزگە دە قۇجاتتى تولەگەننەن كەيىن جانە لوتەرەيا بيلەتىن, تۇبىرتەكتى نەمەسە وزگە دە قۇجاتتى بەرگەننەن (رەسىمدەگەننەن) كەيىن تىكەلەي ءوز ۇتىسىنىڭ بار ەكەنىن جانە مولشەرىن نەمەسە ونىڭ جوق ەكەنىن ايقىندايدى;
17) تيراج – لوتەرەيانى وتكىزۋ شارتتارىنا سايكەس جۇلدە قورىنىڭ (جۇلدە قورىنىڭ ءبىر بولىگىنىڭ) ۇتىس ويىنىنا قاتىساتىن وتكىزىلگەن لوتەرەيا بيلەتتەرىنىڭ, تۇبىرتەكتەردىڭ نەمەسە وزگە دە قۇجاتتاردىڭ, تىركەلگەن لوتەرەيا ءمولشەرلەمەلەرىنىڭ سانى;
18) تيراجدىق لوتەرەيا – لوتەرەياعا قاتىسۋشىلار اراسىندا جۇلدە قورىنىڭ ۇتىس ويىنى لوتەرەيا جابدىعىن پايدالانۋ ارقىلى لوتەرەيا بيلەتتەرى, تۇبىرتەكتەر نەمەسە وزگە دە قۇجاتتار وتكىزىلگەننەن جانە (نەمەسە) لوتەرەيا مولشەرلەمەلەرى تىركەلگەننەن كەيىن ءبىر مەزگىلدە وتكىزىلەتىن لوتەرەيا ءتۇرى;
19) ۇتىس – لوتەرەيا وپەراتورى لوتەرەيانى وتكىزۋ شارتتارىنا سايكەس جەڭىمپاز دەپ تانىلعان لوتەرەياعا قاتىسۋشىعا لوتەرەيانى وتكىزۋ شارتتارىنا سايكەس مولشەرمەن جانە نىساندا (اقشامەن نەمەسە زاتتاي) تولەيتىن جۇلدە قورىنىڭ ءبىر بولىگى.
2-باپ. قازاقستان رەسپۋبليكاسىنىڭ لوتەرەيالار جانە لوتەرەيا قىزمەتى تۋرالى زاڭناماسى
1. قازاقستان رەسپۋبليكاسىنىڭ لوتەرەيالار جانە لوتەرەيا قىزمەتى تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە وسى زاڭنان جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى.
2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا قامتىلعاننان وزگە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.
3-باپ. لوتەرەيا جانە لوتەرەيا قىزمەتى سالاسىنداعى نەگىزگى قاعيداتتار
لوتەرەيا جانە لوتەرەيا قىزمەتى سالاسىنداعى نەگىزگى قاعيداتتار:
1) لوتەرەياعا قاتىسۋشىلاردىڭ ۇتىسقا مۇمكىندىكتەرىنىڭ تەڭدىگى بولجاناتىن, لوتەرەياعا قاتىسۋ شارتتارىنىڭ تەڭدىگىن قامتاماسىز ەتۋ;
2) لوتەرەيانى وتكىزۋ شارتتارىنىڭ جانە تيراجدىق لوتەرەيالاردىڭ جۇلدە قورىنىڭ ۇتىس ويىنى ناتيجەلەرىنىڭ مىندەتتى تۇردە جاريالانۋى بولجاناتىن جاريالىلىقتى قامتاماسىز ەتۋ بولىپ تابىلادى.
4-باپ. لوتەرەياعا قاتىسۋشىلار قۇقىقتارىنىڭ كەپىلدىكتەرى
1. لوتەرەيا وپەراتورى مەن لوتەرەياعا قاتىسۋشى اراسىنداعى شارت لوتەرەياعا قاتىسۋشى لوتەرەيا بيلەتىنىڭ, تۇبىرتەكتىڭ نەمەسە وزگە دە قۇجاتتىڭ قۇنىن, لوتەرەيا مولشەرلەمەسىن تولەگەن جانە لوتەرەيا بيلەتىن, تۇبىرتەكتى نەمەسە وزگە دە قۇجاتتى بەرگەن (رەسىمدەگەن) كەزدەن باستاپ جاسالعان دەپ تانىلادى.
2. لوتەرەيا بيلەتىن, تۇبىرتەكتى نەمەسە وزگە دە قۇجاتتى ساتىپ الۋ ازاماتتىق-قۇقىقتىق مىندەتتەمەنىڭ تۋىنداۋىنا نەگىز بولادى, وعان سايكەس لوتەرەياعا قاتىسۋشى لوتەرەيا وپەراتورىنان مىنالاردى:
1) لوتەرەيانى وتكىزۋ شارتتارىن ساقتاۋدى;
2) ۇتىستى تولەۋدى تالاپ ەتۋگە قۇقىلى.
3. لوتەرەياعا قاتىسۋشى لوتەرەيا وپەراتورىنىڭ شەشىمدەرىن جانە ارەكەتتەرىن (ارەكەتسىزدىگىن) سوتتا داۋلاۋعا قۇقىلى.
4. لوتەرەيا وپەراتورىنىڭ قازاقستان رەسپۋبليكاسىنىڭ زاڭدارىندا كوزدەلگەن جاعدايلاردى قوسپاعاندا, لوتەرەيانى ۇتقان قاتىسۋشى تۋرالى مالىمەتتەردى, ەگەر ونىڭ جازباشا كەلىسىمى الىنباسا, جاريا ەتۋگە قۇقىعى جوق.
5. لوتەرەيا وپەراتورى مارتەبەسىنەن ايىرىلعان جاعدايدا, لوتەرەيا وپەراتورى لوتەرەيا بيلەتتەرىن, تۇبىرتەكتەردى نەمەسە وزگە دە قۇجاتتاردى تاراتۋدى (وتكىزۋدى), لوتەرەيا مولشەرلەمەلەرىن قابىلداۋدى جانە تىركەۋدى توقتاتۋعا, بۇل تۋرالى لوتەرەياعا قاتىسۋشىلاردى مەرزىمدى ءباسپاسوز باسىلىمدارى جانە لوتەرەيا وپەراتورىنىڭ ينتەرنەت-رەسۋرسى ارقىلى حاباردار ەتۋگە, ۇتىس ويىنى وتكىزىلگەن ءتيىستى لوتەرەيا بويىنشا ۇتىستارعا ءۇش اي ىشىندە تولەم جۇرگىزۋگە جانە جۇلدە قورىنىڭ ۇتىس ويىنى وتكىزىلمەگەن, ساتىلعان لوتەرەيا بيلەتتەرى, تۇبىرتەكتەرى نەمەسە وزگە دە قۇجاتتار ءۇشىن اقشانى قايتارۋعا مىندەتتى.
5-باپ. لوتەرەيالاردىڭ تۇرلەرى
1. لوتەرەيا ونى وتكىزۋ تاسىلىنە قاراي مىناداي:
1) مەزەتتىك;
2) تيراجدىق تۇرلەرگە بولىنەدى.
2. وسى زاڭدا كوزدەلگەن تارتىپپەن ۇيىمداستىرىلاتىن جانە وتكىزىلەتىن لوتەرەيالاردى قوسپاعاندا, قازاقستان رەسپۋبليكاسىندا وزگەشە لوتەرەيالاردى ۇيىمداستىرۋعا جانە وتكىزۋگە تىيىم سالىنادى.
3. قۇمار ويىنداردى جانە (نەمەسە) ءباس تىگۋدى لوتەرەيا تۇرىندە وتكىزۋگە جول بەرىلمەيدى.
4. لوتەرەيا وپەراتورى بولىپ تابىلمايتىن تۇلعانىڭ لوتەرەيا وتكىزۋىنە تىيىم سالىنادى.
2-تاراۋ. لوتەرەيا جانە لوتەرەيا قىزمەتى سالاسىنداعى مەملەكەتتىك رەتتەۋ
6-باپ. قازاقستان رەسپۋبليكاسى ۇكىمەتىنىڭ قۇزىرەتى
قازاقستان رەسپۋبليكاسىنىڭ ۇكىمەتى:
1) لوتەرەيا جانە لوتەرەيا قىزمەتى سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەيدى جانە ولاردى جۇزەگە اسىرۋدى ۇيىمداستىرادى;
2) ۋاكىلەتتى ورگاندى ايقىندايدى;
3) لوتەرەيا وپەراتورىن جانە وعان لوتەرەيا وتكىزۋ قۇقىعىن بەرۋ مەرزىمىن ايقىندايدى;
4) وزىنە قازاقستان رەسپۋبليكاسىنىڭ كونستيتۋتسياسىمەن, زاڭدارىمەن جانە قازاقستان رەسپۋبليكاسى پرەزيدەنتىنىڭ اكتىلەرىمەن جۇكتەلگەن وزگە دە فۋنكتسيالاردى اتقارادى.
7-باپ. ۋاكىلەتتى ورگاننىڭ قۇزىرەتى
ۋاكىلەتتى ورگان:
1) لوتەرەيا جانە لوتەرەيا قىزمەتى سالاسىنداعى مەملەكەتتىك ساياساتتى ىسكە اسىرۋدى جۇزەگە اسىرادى;
2) لوتەرەيالار جانە لوتەرەيا قىزمەتى تۋرالى قازاقستان رەسپۋبليكاسى زاڭناماسىنىڭ ساقتالۋىنا مەملەكەتتىك باقىلاۋدى جۇزەگە اسىرادى;
3) قازاقستان رەسپۋبليكاسىنىڭ كاسىپكەرلىك كودەكسىنە سايكەس تاۋەكەلدى باعالاۋدىڭ ولشەمشارتتارىن, تەكسەرۋ پاراقتارىن ازىرلەيدى جانە بەكىتەدى;
4) وسى زاڭمەن, قازاقستان رەسپۋبليكاسىنىڭ وزگە دە زاڭدارىمەن, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىمەن كوزدەلگەن وزگە دە وكىلەتتىكتەردى جۇزەگە اسىرادى.
3-تاراۋ. لوتەرەيانى وتكىزۋ
8-باپ. لوتەرەيا وپەراتورىنا قويىلاتىن جالپى تالاپتار
1. لوتەرەيا وپەراتورىنىڭ لوتەرەيا وتكىزۋدەن باسقا كاسىپكەرلىك قىزمەتتىڭ وزگە دە تۇرلەرىمەن اينالىسۋعا قۇقىعى جوق.
2. مىنا:
1) قازاقستان رەسپۋبليكاسىنىڭ زاڭناماسىنا سايكەس قارجى-شارۋاشىلىق قىزمەتى توقتاتىلا تۇرعان;
2) تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار تىزبەسىنە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ەنگىزىلگەن;
3) اتقارۋشىلىق قۇجاتتار بويىنشا ورىندالماعان مىندەتتەمەلەرى بار جانە اتقارۋشىلىق قۇجاتتاردىڭ ورىندالۋىن قامتاماسىز ەتۋ سالاسىنداعى ۋاكىلەتتى ورگان بورىشكەرلەردىڭ ءتيىستى تىزىلىمىنە ەنگىزگەن;
4) قۇرىلتايشىلارى (قاتىسۋشىلارى) جانە (نەمەسە) اتقارۋشى ورگانى جانە (نەمەسە) ولاردىڭ ۇلەستەس تۇلعاسى ۋاكىلەتتى ورگان باسشىلارىنىڭ جاقىن تۋىستارى, جۇبايى (زايىبى) نەمەسە جەكجاتتارى بولىپ تابىلاتىن;
5) قۇرىلتايشىلارى (قاتىسۋشىلارى) جانە (نەمەسە) اتقارۋشى ورگانى جانە (نەمەسە) ولاردىڭ ۇلەستەس تۇلعاسى ەكونوميكا سالاسىنداعى قىلمىسى ءۇشىن نە اۋىرلىعى ورتاشا قاساقانا قىلمىسى, اۋىر قىلمىسى, اسا اۋىر قىلمىسى ءۇشىن الىنباعان نەمەسە وتەلمەگەن سوتتالعاندىعى بار جانە (نەمەسە) تەرروريزمدى جانە ەكسترەميزمدى قارجىلاندىرۋمەن بايلانىستى تۇلعالار تىزبەسىنە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ەنگىزىلگەن تۇلعالار بولىپ تابىلاتىن زاڭدى تۇلعالار لوتەرەيا وپەراتورى رەتىندە ارەكەت ەتە المايدى.
3. لوتەرەيا وپەراتورى ۋاكىلەتتى ورگاندا لوتەرەيا ەسەپتىلىگىنىڭ ورتالىعىن ورنالاستىرۋدى قامتاماسىز ەتۋگە ءتيىس.
لوتەرەيا وپەراتورى لوتەرەيا اقپاراتىن وڭدەۋ ورتالىعى ارقىلى تاراتىلعان لوتەرەيا بيلەتتەرى, تۇبىرتەكتەر نەمەسە وزگە دە قۇجاتتار, تىركەلگەن لوتەرەيا مولشەرلەمەلەرى, وتكىزىلگەن لوتەرەيا بيلەتتەرىنەن, تۇبىرتەكتەردەن نەمەسە وزگە دە قۇجاتتاردان تۇسكەن ءتۇسىم, تولەنگەن ويىن ۇتىستارى تۋرالى اقپاراتتى جيناۋدى, قالىپتاستىرۋدى, ساقتاۋدى جانە ەسەپكە الۋدى جانە ونى لوتەرەيا ەسەپتىلىگىنىڭ ورتالىعىنا ايىنا ءبىر رەتتەن سيرەتپەي ۇسىنۋدى قامتاماسىز ەتۋگە ءتيىس.
9-باپ. لوتەرەيا تەرمينالىنا, لوتەرەيالىق اقپاراتتى وڭدەۋ ورتالىعىنا, لوتەرەيا ەسەپتىلىگىنىڭ ورتالىعىنا, لوتەرەيا جابدىعىنا قويىلاتىن تالاپتار
1. لوتەرەيا تەرمينالدارى «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىنە (سالىق كودەكسىنە) سايكەس مودەلدەرى باقىلاۋ-كاسسا ماشينالارىنىڭ مەملەكەتتىك تىزىلىمىنە ەنگىزىلگەن باقىلاۋ-كاسسا ماشينالارىمەن جاراقتاندىرىلۋعا ءتيىس.
لوتەرەيا تەرمينالدارى, تولەم كوزىنەن جەكە تابىس سالىعىن ۇستاپ قالۋدى ەسەپكە الا وتىرىپ, ۇتىستاردى تولەۋدى جۇزەگە اسىرۋ مۇمكىندىگىن دە كوزدەي الادى.
2. لوتەرەيالىق اقپاراتتى وڭدەۋ ورتالىعى قازاقستان رەسپۋبليكاسىنىڭ اۋماعىندا ورنالاسۋعا ءتيىس.
لوتەرەيالىق اقپاراتتى وڭدەۋ ورتالىعى مەن لوتەرەيا ەسەپتىلىگىنىڭ ورتالىعى اقپاراتتى جوعالۋدان, ۇرلانۋدان, بۇرمالانۋدان, جالعان اقپارات جاساۋدان, رۇقساتسىز قولجەتىمدىلىكتەن جانە ونى تاراتۋ, بۇعاتتاۋ, جويۋ, تۇرلەندىرۋ, كوشىرۋ جونىندەگى ارەكەتتەردەن جانە وزگە دە زاڭسىز ارەكەتتەردەن قورعاۋدى قامتاماسىز ەتۋگە ءتيىس.
3. لوتەرەيا جابدىعىنىڭ تەحنيكالىق سيپاتتامالارى ءجۇلدە قورىن ۇتىس ويىنىنا سالۋ كەزىندە ۇتىستاردى ءبولۋدىڭ كەزدەيسوق بولۋىن قامتاماسىز ەتۋگە ءتيىس.
4. لوتەرەيا جابدىعىنىڭ جۇلدە قورىنىڭ ۇتىس ويىنىن وتكىزۋ ناتيجەلەرىن وسىنداي ۇتىس ويىنى باستالعانعا دەيىن الدىن الا ايقىنداۋعا مۇمكىندىك بەرەتىن جاسىرىن مۇمكىندىكتەرى جانە (نەمەسە) راسىمدەرى مەن الگوريتمدەرى بولماۋعا ءتيىس.
5. لوتەرەيا جابدىعى لوتەرەيا مولشەرلەمەسىن قابىلداۋدى جانە تىركەۋدى قامتاماسىز ەتپەۋگە ءتيىس, سونداي-اق بايلانىس جەلىسى ارقىلى لوتەرەيا تەرمينالدارىمەن قوسىلماۋعا ءتيىس.
10-باپ. لوتەرەيانى وتكىزۋ شارتتارى
1. لوتەرەيانى وتكىزۋ شارتتارىن لوتەرەيا وپەراتورى ءازىرلەيدى جانە بەكىتەدى.
2. لوتەرەيانى وتكىزۋ شارتتارى مىناداي مالىمەتتەردى:
1) لوتەرەيانىڭ اتاۋىن;
2) لوتەرەيا ءتۇرىنىڭ كورسەتىلۋىن;
3) ورنالاسقان جەرى, بانكتىك دەرەكتەمەلەرى, بيزنەس سايكەستەندىرۋ ءنومىرى كورسەتىلگەن لوتەرەيا وپەراتورىنىڭ اتاۋىن;
4) لوتەرەيا وتكىزىلەتىن مەرزىمدەردى;
5) لوتەرەيا تۇجىرىمداماسىنىڭ سيپاتتاماسىن;
6) لوتەرەيانىڭ ۇيىمداستىرۋشىلىق-تەحنولوگيالىق سيپاتتاماسىن;
7) لوتەرەياعا قاتىسۋشىلاردىڭ قۇقىقتارى مەن مىندەتتەرىن;
8) ۇتتى دەپ تانىلعان لوتەرەياعا قاتىسۋشىعا ۇتىستى تولەۋ ءتارتىبى مەن مەرزىمدەرىن, سونداي-اق ۇتىس شىققان لوتەرەيا بيلەتتەرىنە, تۇبىرتەكتەرگە نەمەسە وزگە دە قۇجاتتارعا ساراپتاما جۇرگىزۋ مەرزىمدەرىن;
9) لوتەرەياعا قاتىسۋشىلاردى لوتەرەياعا قاتىسۋ قاعيدالارى جانە جۇلدە قورىن ۇتىسقا سالۋ ناتيجەلەرى تۋرالى حاباردار ەتۋ ءتارتىبىن;
10) لوتەرەيا بيلەتتەرىن, تۇبىرتىكتەردى نەمەسە وزگە دە قۇجاتتاردى تاراتۋ (وتكىزۋ), لوتەرەيا مولشەرلەمەلەرىن قابىلداۋ مەن تىركەۋ ءتارتىبىن;
11) لوتەرەيا بيلەتىنىڭ, تۇبىرتەكتىڭ نەمەسە وزگە دە قۇجاتتىڭ (لوتەرەيا مولشەرلەمەلەرىنىڭ مولشەرىن) باعاسىن;
12) ۇتىستىڭ مولشەرى مەن نىسانىن (اقشالاي نەمەسە زاتتاي);
13) جۇلدە قورىنىڭ جوسپارلانىپ وتىرعان مولشەرىن;
14) جۇلدە قورىنىڭ ۇتىس ويىنىن وتكىزۋ ءتارتىبىن, ۇتىستاردى ايقىنداۋ الگوريتمىن, باس جۇلدەنى (بار بولسا) قالىپتاستىرۋ مەن ۇتىسقا سالۋ قاعيدالارىن قامتۋعا ءتيىس.
3. لوتەرەيا وپەراتورى بەكىتىلگەن لوتەرەيانى وتكىزۋ شارتتارىنىڭ تۇپنۇسقا داناسىن ونى وتكىزۋ باستالعانعا دەيىن كۇنتىزبەلىك ون كۇننەن كەشىكتىرمەي ۋاكىلەتتى ورگانعا جىبەرۋگە جانە لوتەرەيانى وتكىزۋ شارتتارىن ونى وتكىزۋ باستالعانعا دەيىن كۇنتىزبەلىك ءبىر كۇننەن كەشىكتىرمەي ءوزىنىڭ ينتەرنەت-رەسۋرسىندا ورنالاستىرۋعا مىندەتتى.
11-باپ. جۇلدە قورىن قالىپتاستىرۋ جانە ءبولۋ
1. لوتەرەيا وپەراتورى وتكىزىلگەن لوتەرەيا بيلەتتەرىنەن, تۇبىرتەكتەردەن نەمەسە وزگە دە قۇجاتتاردان, ناقتى لوتەرەيانىڭ تىركەلگەن لوتەرەيا مولشەرلەمەلەرىنەن تۇسكەن ءتۇسىمنىڭ كەمىندە ەلۋ پايىزى مولشەرىندە جۇلدە قورىن قالىپتاستىرۋدى قامتاماسىز ەتۋگە مىندەتتى.
2. جۇلدە قورى وسى باپقا جانە لوتەرەيانى وتكىزۋ شارتتارىنا سايكەس قالىپتاستىرىلادى.
3. تيراجدىق لوتەرەيانىڭ جۇلدە قورى ونى ۇتىس ويىنىنا سالۋ باستالعانعا دەيىن قالىپتاستىرىلادى.
4. لوتەرەيا وپەراتورىنا, لوتەرەياعا قاتىسۋشىلار الدىنداعى ۇتىستاردى تولەۋ جونىندەگى مىندەتتەمەلەردى قوسپاعاندا, جۇلدە قورىنا قانداي دا ءبىر مىندەتتەمەلەرمەن اۋىرتپالىق سالۋعا, سونداي-اق جۇلدە قورىنىڭ قاراجاتىن ۇتىستاردى تولەۋدەن باسقاعا پايدالانۋعا تىيىم سالىنادى.
5. جۇلدە قورىن (باس جۇلدەنى) بىرنەشە تيراج بويىنا جيناقتاپ قالىپتاستىرۋ قاعيداتى وتكىزۋ شارتتارىندا پايدالانىلاتىن تيراجدىق لوتەرەيانى قوسپاعاندا, تيراجدىق لوتەرەيانىڭ جۇلدە قورى وعان قاتىسى بار تيراج شەڭبەرىندە تولىعىمەن ۇتىسقا سالىنۋعا ءتيىس.
6. ۇتىستاردى تولەۋ وسى زاڭعا جانە لوتەرەيانى وتكىزۋ شارتتارىنا سايكەس جۇزەگە اسىرىلادى.
ۇتىستاردى تولەۋ ءتيىستى تيراج وتكىزىلگەننەن كەيىن وتىز كۇن مەرزىمنەن كەشىكتىرىلمەي باستالۋعا جانە وسى تيراجدىڭ (جۇلدە قورىن ۇتىسقا سالۋدىڭ) ناتيجەلەرى جاريالانعان كەزدەن باستاپ كەمىندە التى اي بويى جالعاسۋعا ءتيىس. بۇل مەرزىم اياقتالعان سوڭ تالاپ ەتىلمەگەن ۇتىستار بويىنشا نارازىلىقتار لوتەرەيانى وتكىزۋ شارتتارىندا كوزدەلگەن تارتىپپەن قابىلدانادى.
7. لوتەرەيا وپەراتورى لوتەرەيا وتكىزۋ شارتتارىندا بەلگىلەنگەن مەرزىمدە تالاپ ەتىلمەگەن ۇتىستاردى ءتيىستى تيراجدىڭ ناتيجەسى (جۇلدە قورىن ۇتىسقا سالۋ) جاريالانعان كەزدەن باستاپ ءۇش جىل بويى ساقتايدى, ودان كەيىن ولار سالىقتىق ەمەس تولەم تۇرىندە بيۋدجەت كىرىسىنە ەسەپكە جاتقىزىلادى.
12-باپ. لوتەرەيا بيلەتتەرىنە, تۇبىرتەكتەرگە نەمەسە وزگە دە قۇجاتتارعا قويىلاتىن تالاپتار
1. لوتەرەيا بيلەتتەرىندە, تۇبىرتەكتەردە نەمەسە وزگە دە قۇجاتتاردا مىناداي مىندەتتى اقپارات:
1) لوتەرەيانىڭ اتاۋى;
2) لوتەرەيا وپەراتورىنىڭ اتاۋى, ورنالاسقان جەرى, تەلەفون نومىرلەرى جانە ينتەرنەت-رەسۋرسى;
3) تيراجدىڭ ءنومىرى نەمەسە اتاۋى (تيراجدىق لوتەرەيالار ءۇشىن);
4) لوتەرەيا بيلەتىنىڭ, تۇبىرتەكتىڭ نەمەسە وزگە دە قۇجاتتىڭ ءنومىرى;
5) لوتەرەيا بيلەتىنىڭ, تۇبىرتەكتىڭ نەمەسە وزگە دە قۇجاتتىڭ باعاسى;
6) جۇلدە قورىنىڭ ۇتىس ويىنىن وتكىزۋ كۇنى مەن ورنى (تيراجدىق لوتەرەيا ءۇشىن);
7) ۇتىستى الۋ ورنى مەن مەرزىمدەرى تۋرالى دەرەكتەر;
8) جۇلدە قورىنىڭ مولشەرى قامتىلۋعا ءتيىس.
2. لوتەرەيا بيلەتتەرىندەگى, تۇبىرتەكتەردەگى نەمەسە وزگە دە قۇجاتتارداعى اقپارات قازاقستان رەسپۋبليكاسى تىلدەر تۋرالى زاڭناماسىنىڭ تالاپتارىنا ساي بولۋعا ءتيىس.
3. لوتەرەيا بيلەتىنىڭ, تۇبىرتەكتىڭ نەمەسە وزگە دە قۇجاتتىڭ ەلەكتروندىق نىسانى ەلەكتروندىق تسيفرلىق قولتاڭبا ارقىلى كۋالاندىرۋدى تالاپ ەتپەيدى.
13-باپ. جۇلدە قورىنىڭ ۇتىس ويىنىن وتكىزۋگە قويىلاتىن تالاپتار
1. جۇلدە قورىنىڭ ۇتىس ويىنىن وتكىزۋ وسى زاڭعا جانە لوتەرەيانى وتكىزۋ شارتتارىنا سايكەس جۇزەگە اسىرىلادى.
2. تيراجدىق لوتەرەيانىڭ جۇلدە قورىنىڭ ۇتىس ويىنىن لوتەرەياعا قاتىسۋشى ءوز ۇتىسىن انىقتاۋ ماقساتىندا گەنەراتسيالاۋ ارقىلى كەزدەيسوق ۇتقان لوتەرەيا كومبيناتسياسىن وسى ۇتىس ويىنىنداعى لوتەرەيا كومبيناتسياسىمەن سالىستىرۋعا ءتيىس لوتەرەيا جابدىعى جۇزەگە اسىرادى.
3. تيراجدىق لوتەرەيانىڭ جۇلدە قورىنىڭ ۇتىس ويىنىن وتكىزۋ كەزىندە لوتەرەيا وپەراتورى تيراجدىق كوميسسيا قۇرادى.
تيراجدىق كوميسسيانىڭ قۇرامىنا قوعامدىق بىرلەستىكتەردىڭ نەمەسە وزگە دە كوممەرتسيالىق ەمەس ۇيىمداردىڭ وكىلدەرى ەنگىزىلۋگە ءتيىس.
4. تيراجدىق كوميسسيانىڭ مىندەتتەرى:
1) تيراجدىڭ ۇتىس ويىنىنا قاتىساتىن لوتەرەيا بيلەتتەرىنىڭ, تۇبىرتەكتەردىڭ نەمەسە وزگە دە قۇجاتتاردىڭ جانە (نەمەسە) تىركەلگەن لوتەرەيا مولشەرلەمەلەرىنىڭ سانىن راستاۋ;
2) تيراجدى وتكىزۋ ناتيجەلەرىن راستاۋ.
تيراجدى وتكىزۋ ناتيجەلەرىن راستاۋ تيراجدىق كوميسسيا مۇشەلەرىنىڭ تيراجدىق كوميسسيا حاتتاماسىنا جانە تيراجدى وتكىزۋ ناتيجەلەرىنىڭ رەسمي كەستەسىنە قول قويۋ ارقىلى تىركەلەدى.
5. لوتەرەيا وپەراتورى ۇتىستاردى ايقىنداۋ ءراسىمىن كورسەتە وتىرىپ, تيراجدىق لوتەرەيانىڭ جۇلدە قورىنىڭ ۇتىس ويىنىن تەلەارنادا تىكەلەي ەفيردە نەمەسە ينتەرنەت جەلىسىندە ترانسلياتسيالاۋدى قامتاماسىز ەتەدى.
6. جۇلدە قورىنىڭ ءاربىر ۇتىس ويىنىن جانە لوتەرەيا بيلەتتەرى, تۇبىرتەكتەر نەمەسە وزگە دە قۇجاتتار, تيراجدىق لوتەرەيانىڭ تىركەلگەن لوتەرەيا مولشەرلەمەلەرى بويىنشا ۇتىستاردىڭ ناتيجەلەرىن لوتەرەيا وپەراتورى كورسەتىلگەن ۇتىس ويىنى وتكىزىلگەن كەزدەن باستاپ ءۇش جۇمىس كۇنى ىشىندە قازاقستان رەسپۋبليكاسىنىڭ بۇكىل اۋماعىندا تارالاتىن مەرزىمدى ءباسپاسوز باسىلىمدارىندا جاريالايدى نەمەسە ون ەكى ساعات ىشىندە لوتەرەيا وپەراتورىنىڭ ينتەرنەت-رەسۋرسىندا ورنالاستىرادى.
7. تيراجدىق لوتەرەيانى وتكىزۋ توقتاتىلعان جاعدايدا, باس جۇلدەنى قوسا العاندا, ونىڭ جۇلدە قورى تولىق ويناتىلۋعا ءتيىس.
8. مەزەتتىك لوتەرەيانىڭ جۇلدە قورىنىڭ ۇتىس ويىنى:
1) لوتەرەياعا قاتىسۋشىنىڭ لوتەرەيا بيلەتىن, تۇبىرتەك نەمەسە وزگە دە قۇجاتتا دايىنداۋ كەزەڭىندە وعان سالىنعان جاسىرىن لوتەرەيا كومبيناتسياسىن انىقتاۋىنان;
2) لوتەرەياعا قاتىسۋشى انىقتاعان اقپاراتتى لوتەرەيانى وتكىزۋ شارتتارىمەن سالىستىرىپ-تەكسەرۋدەن تۇرادى.
9. مەزەتتىك لوتەرەيانىڭ جۇلدە قورىنىڭ مۇنداي ۇتىس ويىنىن وتكىزۋ ناتيجەسىن ۇتىس ويىنى باستالعانعا دەيىن الدىن الا ايقىنداۋعا مۇمكىندىك بەرەتىن راسىمدەر مەن الگوريتمدەردى پايدالانۋعا تىيىم سالىنادى.
14-باپ. لوتەرەيادان اۋدارىمدار
لوتەرەيا وپەراتورى وتكىزىلگەن لوتەرەيا بيلەتتەرىنەن, تۇبىرتەكتەردەن نەمەسە وزگە دە قۇجاتتاردان, تىركەلگەن لوتەرەيا مولشەرلەمەلەرىنەن تۇسكەن ءتۇسىم مەن جۇلدە قورى اراسىنداعى ايىرمانىڭ كەمىندە ون پايىزىن سپورتتى دامىتۋعا توقسان سايىن باعىتتاۋعا مىندەتتى.
4-تاراۋ. قازاقستان رەسپۋبليكاسىنىڭ لوتەرەيالار جانە لوتەرەيا قىزمەتى تۋرالى زاڭناماسىن بۇزعانى ءۇشىن جاۋاپتىلىق. قازاقستان رەسپۋبليكاسىنىڭ لوتەرەيالار جانە لوتەرەيا قىزمەتى تۋرالى زاڭناماسىنىڭ ساقتالۋىنا مەملەكەتتىك باقىلاۋ
15-باپ. قازاقستان رەسپۋبليكاسىنىڭ لوتەرەيالار جانە لوتەرەيا قىزمەتى تۋرالى زاڭناماسىن بۇزعانى ءۇشىن جاۋاپتىلىق
قازاقستان رەسپۋبليكاسىنىڭ لوتەرەيالار جانە لوتەرەيا قىزمەتى تۋرالى زاڭناماسىن بۇزۋ قازاقستان رەسپۋبليكاسىنىڭ زاڭدارىندا بەلگىلەنگەن جاۋاپتىلىققا الىپ كەلەدى.
16-باپ. قازاقستان رەسپۋبليكاسىنىڭ لوتەرەيالار جانە لوتەرەيا قىزمەتى تۋرالى زاڭناماسىنىڭ ساقتالۋىنا مەملەكەتتىك باقىلاۋ
1. قازاقستان رەسپۋبليكاسىنىڭ لوتەرەيالار جانە لوتەرەيا قىزمەتى تۋرالى زاڭناماسىنىڭ ساقتالۋىنا مەملەكەتتىك باقىلاۋ تەكسەرۋ نىسانىندا جۇزەگە اسىرىلادى.
2. تەكسەرۋ قازاقستان رەسپۋبليكاسىنىڭ كاسىپكەرلىك كودەكسىنە سايكەس جۇزەگە اسىرىلادى.
5-تاراۋ. قورىتىندى جانە وتپەلى ەرەجەلەر
17-باپ. وتپەلى ەرەجەلەر
لوتەرەيالاردى ۇيىمداستىرۋ جانە وتكىزۋ سالاسىنداعى قىزمەتتى جۇزەگە اسىراتىن ليتسەنزياتتار وسى زاڭ قولدانىسقا ەنگىزىلگەن كۇننەن باستاپ التى اي ىشىندە باس جۇلدەلەردى قوسا العاندا, ءتيىستى لوتەرەيالاردىڭ جۇلدە قورلارىن تولىق ۇتىسقا سالۋ, ۇتىستاردى تولەۋدى جۇرگىزۋگە جانە جۇلدە قورىن ويناتۋ وتكىزىلمەگەن, ساتىلعان لوتەرەيا بيلەتتەرى, تۇبىرتەكتەر نەمەسە وزگە دە قۇجاتتار ءۇشىن اقشانى قايتارۋعا مىندەتتى.
18-باپ. وسى زاڭدى قولدانىسقا ەنگىزۋ ءتارتىبى
وسى زاڭ كۇشىنە ەنگىزىلگەن كۇننەن باستاپ التى اي وتكەن سوڭ قولدانىسقا ەنگىزىلەتىن وسى زاڭنىڭ 5-بابىنىڭ 2 جانە 4-تارماقتارىن قوسپاعاندا, وسى زاڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ
استانا, اقوردا, 2016 جىلعى 9 ءساۋىر
№ 495-V قرز