استانا. 16 ءساۋىر. ۋرۋگۆايدىڭ وڭتۇستىك-باتىس ايماعىنداعى دولورەس قالاسىندا بولعان جويقىن داۋىلدىڭ سالدارىنان 4 ادام مەرت بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
مەملەكەت پرەزيدەنتى تابارە ۆاسكەس اتالعان قالادا توتەنشە جاعداي رەجىمى قابىلدانعانىن مالىمدەدى. تابيعات اپاتىنان ونداعان عيمارات قيراپ, بايلانىس جەلىلەرى ءۇزىلدى. «پايس» باسىلىمىنىڭ حابارلاۋىنشا, پوليتسيا قىزمەتكەرلەرى اپات جاعدايىندا ۇرلىق جاساپ جۇرگەن بىرنەشە ادامدى قولعا ءتۇسىردى.
قازىرگى كەزدە وقيعا ورنىندا ءورت سوندىرۋشىلەر مەن قۇتقارۋشىلار توبى قىزمەت ەتۋدە. ۋرۋگۆايدىڭ قورعانىس مينيسترلىگى دولورەس قالاسىنا قوسىمشا تەحنيكالار مەن مامانداردى جىبەردى.
ايان ءابدۋالي.
دەرەك: تاسس.
فوتو: ntv.ru.