كەشە ءماجىلىس سپيكەرى باقتىقوجا ىزمۇحامبەتوۆتىڭ توراعالىعىمەن ءماجىلىس بيۋروسى ءوتىپ, الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى وسى پالاتانىڭ ءباسپاسوز قىزمەتى.
وندا دەپۋتاتتار تالقىسىنا ماكەدونيامەن ينۆەستيتسيالاردى كوتەرمەلەۋ جانە ءوزارا قورعاۋ تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسى ۇسىنىلعالى وتىر.
بۇل كەلىسىمگە 2012 جىلى 2 ءشىلدەدە ماكەدونيا رەسپۋبليكاسى پرەزيدەنتىنىڭ ءبىزدىڭ ەلىمىزگە رەسمي ساپارى كەزىندە قول جەتكىزىلگەن. ول قوس مەملەكەتتىڭ ينۆەستيتسيالىق احۋالىن جاقسارتۋعا جانە ءوزارا ساۋدا-ەكونوميكالىق ىنتىماقتاستىقتى ودان ءارى نىعايتۋعا ىقپال ەتەدى.
سونداي-اق, جالپى وتىرىستا ىلەسپەلى قۇجاتپەن «جايىلىمدار تۋرالى» زاڭ جوباسى بويىنشا بەيىندى كوميتەتكە قورىتىندى ءازىرلەۋ مەرزىمىن تاعايىنداۋ ءجونىندە قاۋلى قابىلدانباق.
اتالعان زاڭ جوباسى تىكەلەي ءماجىلىس دەپۋتاتتارى باستاماشىلىعىمەن ازىرلەنگەن. وندا ەلىمىزدىڭ جايىلىمدىق جەرلەرىندە ورىن الىپ وتىرعان ولقىلىقتار ەسكەرىلىپ, ءتيىمدى باسقارۋ تەتىكتەرى قاراستىرىلادى.