قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ اۋىل شارۋاشىلىعى جانە اۋىلدىق وڭىرلەردى دامىتۋ جونىندەگى ەۋروپالىق كوميسسار فيل حوگانمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
تاراپتار قازاقستان رەسپۋبليكاسى-ەۋروپالىق وداق جەلىسى بويىنشا ءوزارا ءىس-قيمىلداردىڭ جاعدايى مەن پەرسپەكتيۆالارىنا, سونىڭ ىشىندە, 2015 جىلدىڭ 21 جەلتوقسانىندا قول قويىلعان كەڭەيتىلگەن ارىپتەستىك جانە ىنتىماقتاستىق تۋرالى كەلىسىمگە قاتىستى ماسەلەلەر اۋقىمىن تالقىلادى.
پرەمەر-ءمينيستردىڭ ءبىرىنشى ورىنباسارى ەۋروپالىق وداقتىڭ قازاقستاننىڭ سىرتقى ساياساتىنىڭ ماڭىزدى ۆەكتورلارىنىڭ ءبىرى جانە ساۋدا-ەكونوميكالىق ءوزارا ءىس-قيمىلداردىڭ باسىم باعىتى بولىپ تابىلاتىنىن اتاپ كورسەتتى.
باقىتجان ساعىنتاەۆ كەڭەيتىلگەن ارىپتەستىك جانە ىنتىماقتاستىق تۋرالى قول قويىلعان كەلىسىمنىڭ قازاقستان مەن ەۋرووداق اراسىنداعى ساياسي, ەكونوميكالىق جانە مادەني بايلانىستاردى جان-جاقتى دامىتۋ ءۇشىن بەرىك نەگىز قالاۋدى ماقسات ەتەتىنىن اتاپ ءوتتى.
قۇجات ەكىجاقتى ءوزارا ءىس-قيمىلدار ءۇشىن, سونىڭ ىشىندە اگرارلىق ازىق-ت ۇلىك سالاسىندا, اۋىل شارۋاشىلىعىن دامىتۋدا, ازىق-ت ۇلىك قاۋىپسىزدىگى سالاسىنداعى وزەكتى سىن-تاۋەكەلدەردى شەشۋدە جاڭا مۇمكىندىكتەر اشادى.
ءوز كەزەگىندە فيل حوگان اۋىل شارۋاشىلىعى سالاسىندا ىنتىماقتاستىقتىڭ كەڭ اۋقىمدى پەرسپەكتيۆالارى بار ەكەنىن اتاپ وتە وتىرىپ, قازاقستان مەن ەۋرووداق اراسىنداعى ۇنقاتىسۋدىڭ دامۋ ديناميكاسىنا وڭ باعا بەردى. سونداي-اق, ەۋروپالىق كوميسسار كەڭەيتىلگەن ارىپتەستىك جانە ىنتىماقتاستىق تۋرالى كەلىسىمنىڭ ساۋدا-ينۆەستيتسيالىق باعىتتارداعى ءوزارا ءىس-قيمىلداردى بۇرىنعىدان بەتەر نىعايتا تۇسەتىنىنە سەنىم ءبىلدىردى.
كەزدەسۋ قورىتىندىسى بويىنشا تاراپتار اۋىل شارۋاشىلىعى سالاسىنداعى, اگروونەركاسىپ كەشەنىندەگى بىرلەسكەن جوبالاردى جۇزەگە اسىرۋدىڭ كەشەندى ماسەلەلەرىن سىندارلى تالقىلاۋدى ودان ءارى جالعاستىرا بەرۋگە نيەتتى ەكەندىكتەرىن راستادى.