ىشكى ىستەر ءمينيسترى قالمۇحانبەت قاسىموۆتىڭ توراعالىق ەتۋىمەن مينيسترلىكتىڭ ورتالىق اپپاراتىنىڭ, ۇلتتىق ۇلاننىڭ باسشىلىق قۇرامىنىڭ, وڭىرلىك ىشكى ىستەر, توتەنشە جاعدايلار جانە قىلمىستىق-اتقارۋ جۇيەسى دەپارتامەنتتەرى, سونداي-اق جەرگىلىكتى پوليتسيا قىزمەتى جانە ۆەدومستۆولىق وقۋ ورىندارى باسشىلارىنىڭ قاتىسۋىمەن ءىىم-ءنىڭ القا ءماجىلىسى ءوتتى.
وندا اعىمداعى جىلعى 1-توقسانداعى جەدەل-قىزمەتتىك جۇمىستىڭ قورىتىندىسى قارالدى. جەرگىلىكتى پوليتسيا قىزمەتى ءبولىنىستەرىنىڭ قىلمىستىڭ جانە قۇقىق بۇزۋشىلىقتىڭ الدىن الۋدا ءىشكى ىستەر ورگاندارىنىڭ وزگە دە قىزمەتتەرىمەن, جەرگىلىكتى اتقارۋشى ورگاندارمەن, قوعامدىق بىرلەستىكتەرمەن بىرلەسكەن پراكتيكالىق جۇمىستارىن جەتىلدىرۋ جانە ۇيىمداستىرۋ ماسەلەلەرى تالقىلاندى.
القا ءماجىلىسىنىڭ بارىسىندا سۋ تاسقىنىن ەسكەرتۋ, سۋ تاسقىنىنىڭ سالدارلارىن جويۋ, زارداپقا ۇشىراعان وڭىرلەردىڭ تىنىس-تىرشىلىگىن قالپىنا كەلتىرۋ ءۇشىن جەرگىلىكتى اتقارۋشى ورگاندارعا كومەك كورسەتۋ بويىنشا قابىلدانىپ جاتقان شارالار دا قارالدى.
القا ءماجىلىسىنىڭ قورىتىندىسى بويىنشا مينيسترلىكتىڭ ورتالىق اپپاراتى قىزمەتتەرىنىڭ جانە وڭىرلىك دەپارتامەنتتەردىڭ باسشىلارىنا ناقتى تاپسىرمالار بەرىلدى, دەپ حابارلادى ءىىم ءباسپاسوز قىزمەتى.