اقتوبە. 8 ءساۋىر. اقتوبەدە جاڭا قوناق ءۇي كەشەنى اشىلدى. بۇل تۋرالى egemen.kz ءتىلشىسى حابارلادى. قالانىڭ ەسكى بولىگىندە ورنالاسقان «تاڭجارىق» قوناقۇي كەشەنىنىڭ جالپى اۋدانى — 1,6 مىڭ شارشى مەتر. بولمەلەرى, كاراوكە-بارى, ءدامحاناسى بار قوناق ءۇي كەشەنى قۇرىلىسىنا 1,7 ميلليون تەڭگە قارجى جۇمسالعان. كەشەندى جەكە كاسىپكەر ك.توكەشوۆا سالىپ, پايدالانۋعا بەردى. ازىرگە مۇندا 30 ادام ەڭبەك ەتەدى. بولاشاقتا ولاردىڭ قاتارى تاعى 50 ادامعا كوبەيەتىن بولادى.
جاڭا نىساننىڭ اشىلۋ سالتاناتىنا ءسوز العان قالا اكىمى بەكبول ساعىن شاعىن جانە ورتا بيزنەستى قولداۋ ماقساتىندا مەملەكەت تاراپىنان جاسالىپ جاتقان جەڭىلدىكتەر تۋرالى ايتىپ ءوتتى.
مىسالى, وسى جوباعا, «بيزنەستىڭ جول كارتاسى — 2020» باعدارلاماسى اياسىندا, نەسيەنىڭ پايىزدىق مولشەرلەمەسىن سۋبسيديالاۋ تۇرىندە قولداۋ كورسەتىلگەن. 100 ميلليون تەڭگە كولەمىندەگى نەسيەنى كاسىپكەرلەر «حالىق بانكى» اق-نىڭ وبلىستىق فيليالىنان العان.
قوناق ءۇيدىڭ سالتاناتتى اشىلۋىنا قاتىسۋشىلار كەشەندى ارالاپ كورىپ, ريزاشىلىقتارىن ءبىلدىردى.
ساتىبالدى ءساۋىرباي.
دەرەك, فوتو: egemen.kz