• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
قوعام 25 ناۋرىز, 2016

ءماجىلىس دەپۋتاتتارىنا كۋالىكتەرى تاپسىرىلدى

323 رەت
كورسەتىلدى

كەشە ورتالىق سايلاۋ كوميسسياسىنىڭ وتىرىسى ءوتتى. كۇن تارتىبىندە VI شاقىرىلاتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن تىركەۋ ماسەلەسى قارالدى.

سونىمەن قاتار, وتىرىستا «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 12, 45, 46, 97-1 جانە 98-باپتارىنا سايكەس, ورتالىق سايلاۋ كوميسسياسىنىڭ قاۋلىسى جا­ريالاندى. قاۋلىنى وقىعان كوميس­سيا توراعاسى قۋاندىق تۇرعان­قۇلوۆ: «بىرىنشىدەن, VI شاقىرىلاتىن قازاقستان رەسپۋبليكاسى پارلا­مەنتى ءما­جى­لىسىنىڭ دەپۋتاتتارى تىركەلسىن. «نۇر وتان» پارتيا­سىنىڭ پارتيالىق ءتىزىمى بويىنشا – 84 دەپۋتات, قازاقستاننىڭ «اق جول» دەموكراتيالىق پار­تيا­سىنىڭ پارتيالىق ءتىزىمى بويىنشا – 7 دەپۋتات, قازاقستان كوممۋ­نيس­تىك حالىق پارتياسىنىڭ پارتيا­لىق ءتىزىمى بويىنشا – 7 دەپۋ­تات جانە قازاقستان حالقى اسسام­بلەياسى سايلاعان 9 دەپۋتات. ەكىنشىدەن, تىركەلگەن بار­لىق دەپۋتاتتارعا ورتالىق ساي­لاۋ كوميسسياسىنىڭ وتىرىسىن­دا كۋا­لىكتەر مەن ومىراۋعا تاعاتىن بەلگىلەر تاپسىرىلسىن. ۇشىن­شىدەن, وسى اقپارات بۇقارالىق اقپارات قۇرالدارىندا جاريالانسىن», – دەدى. وسىعان وراي, پارتيالىق ءتى­زىم بويىنشا تىركەلگەن جانە قا­زاق­ستان حالقى اسسامبلەياسى سايلا­عان بارلىعى 107 دەپۋتاتقا كۋالىك­تەرى مەن ومىراۋعا تاعاتىن بەل­گىلەرى تاپسىرىلدى. جيىن سوڭىن­دا ق.تۇرعانقۇلوۆ بارلىق دە­پۋتاتتى قۇتتىقتاپ, جۇمىس­تارىنا جەمىس تىلەدى.

ەلامان قوڭىر,

«ەگەمەن قازاقستان»

سوڭعى جاڭالىقتار