استانا. 22 ناۋرىز. امەريكانىڭ بەلگىلى Intel كورپوراتسياسىنىڭ نەگىزىن قالاعان ەندريۋ كروۋۆ 79 جاسىندا قايتىس بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«ءبىز Intel كورپوراتسياسىنىڭ بۇرىنعى ديرەكتورلار كەڭەسىنىڭ توراعاسى جانە باس ديرەكتورى ەندي گروۋۆتىڭ دۇنيەدەن وتكەنىنە بايلانىستى كوڭىل ايتامىز. ول مامانداردىڭ, كاسىپكەرلەردىڭ جانە بيزنەسمەندەردىڭ تۇتاس ۇرپاعىن جىگەرلەندىرە وتىرىپ, قولدان كەلگەننىڭ بارلىعىن جاسادى», - دەلىنگەن مالىمدەمەدە.
ەندريۋ گروۋۆ 1936 جىلى بۋداپەشتتە دۇنيەگە كەلگەن. 20 جىلدان كەيىن اقش-قا قونىس اۋدارىپ, ول جاقتا جوعارى ءبىلىم الدى. 1968 جىلى باسقا دا ماماندارمەن بىرگە Intel كورپوراتسياسىنىڭ نەگىزىن قالادى.
Intel – ەلەنكتروندى قۇرىلعىلار جانە چيپسەتتەر مەن ميكروسحەمالاردان پروتسەسسورلارعا دەيىن كومپيۋتەر بولشەكتەرىن جاسايتىن تەحنولوگيالىق كومپانيا.
ايان ءابدۋالي.
دەرەك: تاسس.
سۋرەت: kp.ru.