قازاقستان بىرقاتار ەلدەردىڭ ازاماتتارى قۇربان بولعان 2016 جىلعى 19 ناۋرىزدا ىستامبۇلدا ورىن العان تەررورلىق ارەكەتتى ءۇزىلدى-كەسىلدى ايىپتايدى. قازاقستان تۇركيا ۇكىمەتىنە تولىق قولداۋ كورسەتەتىنىن راستايدى جانە ونىڭ تەرروريزمگە قارسى كۇرەسىنە نيەتتەستىك بىلدىرەدى.
الەمدىك قوعامداستىقتىڭ ءمۇشەسى رەتىندە قازاقستان تۇركياداعى جاعدايعا الاڭداۋشىلىعىن ءبىلدىرە وتىرىپ, تەرروريزمدى ونىڭ بارلىق تۇرلەرىندە جانە كورىنىستەرىندە ءۇزىلدى-كەسىلدى ايىپتايدى جانە بۇل قۇبىلىستى جويۋ ءۇشىن الەمدىك قوعامداستىقتىڭ بىرلەسە كۇش سالۋىن قولدايدى. قازاقستان تەررورلىق ارەكەتتەر بۇكىل الەمنىڭ قاۋىپسىزدىگى ءۇشىن قاۋىپ-قاتەر دەپ سانايدى.
حالىقارالىق قۇقىق قاعيدالارىنا جانە بىرىككەن ۇلتتار ۇيىمى قاۋىپسىزدىك كەڭەسىنىڭ ءتيىستى قارارىنا جۇگىنە وتىرىپ, قازاقستان الەمنىڭ بارلىق ەلدەرىن تەرروريزم مەن ەكسترەميزمنىڭ جايىلۋىنا قارسى بۇۇ اياسىندا بىرلەسە ارەكەت جاساۋعا شاقىرادى. سوندىقتان, قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ بۇۇ شەڭبەرىندە جاساعان بايانداماسىندا جاھاندىق تەرروريزمگە قارسى كواليتسيا قۇرۋ جايىندا باستامانى جاريالاعان بولاتىن.