مەن رەسەيدىڭ ماكۋشينو اۋدانىندا تۇرامىن. ءبىراز ۋاقىت كەڭشار, شارۋا قوجالىعىن باسقاردىم. زەينەتكە شىقسام دا, قوعامدىق جۇمىستارعا بەلسەنە قاتىسامىن. بىرقاتار تۋىستارىم قىزىلجار وڭىرىندە تۇراتىندىقتان, ءجيى ارالاسىپ تۇرامىز. قازاقستاندا وتەتىن پارلامەنت ءماجىلىسى مەن ءتۇرلى دەڭگەيدەگى ءماسليحاتتار دەپۋتاتتارىن سايلاۋعا قاتىسۋ تۋرالى ءوتىنىش تۇسكەندە بىردەن كەلىستىم. «مىڭ ەستىگەننەن ءبىر كورگەن ارتىق» دەمەكشى, جاقسى ونەگەلەردەن تاعىلىم الىپ, تاجىريبەدە قولدانعاننىڭ ەش ارتىقشىلىعى جوق.
قورعان وبلىسىنان تمد ميسسياسىنىڭ اتىنان 12 بايقاۋشى كەلىپ, ساياسي ناۋقانعا باستان-اياق قاتىسۋ مۇمكىندىگىنە يە بولدىق. قىزىلجار اۋدانىنىڭ سايلاۋ ۋچاسكەلەرىن ارالاپ, دايىندىق جۇمىستىڭ ءناتيجەلەرىمەن تانىستىق. ازاماتتاردىڭ ەركىن قالاۋىن بىلدىرۋگە بارلىق جاعدايدىڭ جاسالعانىن, داۋىس بەرۋ ۇدەرىسىنىڭ بيىك دەڭگەيدە وتكەرىلگەنىن, «قر سايلاۋ تۋرالى» زاڭ تالاپتارى مۇلتىكسىز ساقتالعانىن كوزبەن كوردىك. ەلدى مەكەندەردىڭ قاشىقتىعىنا قاراماستان, قاتىناۋدا ەش ىركىلىستى بايقامادىق. مەرەكەلىك كوڭىل-كۇيدەگى قازاقستاندىقتاردىڭ شات ءجۇزىن كورىپ, الەۋمەتتىك-تۇرمىس جاعدايلارى قالىپتى ەكەن دەگەن وي تۇيدىك. اۋىلدىقتاردىڭ قولىنان ناۋرىز كوجەنىڭ ءدامىن تاتىپ, ەمەن-جارقىن اڭگىمەمىز جاراستىق تاپتى. قاريالارعا دەيىن «توسكەيدە مالى, توسەكتە باسى قوسىلعان» ەكى ەلدىڭ دوستىعىن تىلەپ, تاۋەلسىزدىكتىڭ ارايلى تاڭىنا امان-ەسەن جەتكەندەرىنە شۇكىرشىلىك ەتەدى.
ءتۇرلى قوعامدىق ۇيىمدار مەن بىرلەستىكتەردىڭ جۇرگىزگەن ساۋالنامالارىمەن, الدىن الا جاريالاعان قورىتىندىلارىمەن تانىسا وتىرىپ, ەل اراسىندا «نۇر وتان» پارتياسىنىڭ بەدەل-ابىرويى زور ەكەنىن اتاپ كورسەتكىم كەلەدى. مۇنىڭ ءوزى حالىقتى ورتاق ماقساتقا جۇمىلدىرىپ, باعدارلامالار مەن تۇعىرنامالاردىڭ ويداعىداي ورىندالىپ جاتقانىن بايقاتسا كەرەك. سايلاۋ قورىتىندىسى بويىنشا 82 پايىز داۋىس جيناۋى – ۇلكەن سەنىمنىڭ بەلگىسى.
بورانباي بيجىگىتوۆ,
حالىقارالىق بايقاۋشى (رەسەي).
سولتۇستىك قازاقستان وبلىسى.
سۋرەتتى تۇسىرگەن
تالعات تانىباەۆ.