دۇنيەجۇزى قازاقتارىنىڭ قاۋىمداستىعى
دۇنيەجۇزى قازاقتارى قاۋىمداستىعى الەم قازاقتارىنىڭ اتىنان ەلباسىن جانە بارشا نۇروتاندىقتاردى 20 ناۋرىزدا وتكەن سايلاۋدا «نۇر وتان» پارتياسىنىڭ جارقىن جەڭىسكە جەتۋىمەن قۇتتىقتايدى.
شەتەلدەردە تۇراتىن قانداستارىمىز تاريحي اتامەكەنىندەگى ساياسي ناۋقانعا كوز تىگىپ, ەل بولاشاعىنا ەلەڭدەپ وتىردى.
ەلباسىنىڭ سان جىلعى سىندارلى ساياساتى كەزەكتى رەت حالىقتىڭ قولداۋىنا يە بولىپ, «نۇر وتان» پارتياسىنىڭ جارقىن جەڭىسكە جەتۋىن زور ىقىلاسپەن قابىل الدى.
بۇل سايلاۋ – الەم قازاقتارىنىڭ كوشباسشىسى, ەلباسى نۇرسۇلتان ءابىش ۇلى نازارباەۆ قازاقستاننىڭ الدىنا قويعان بارلىق ستراتەگيالىق ماقساتتار مەن مىندەتتەردى جۇزەگە اسىرۋ جولىندا ماڭىزدى تاريحي وقيعا.
وسىناۋ سىندارلى ساتتە ءاربىر قازاقستاندىقتىڭ داۋىس بەرۋگە بەلسەنە قاتىسقانى قوعامىمىزدىڭ جوعارى كونستيتۋتسيالىق ءپاتريوتيزمىن تانىتتى.
ەل اۋماعىنان تىس جەرلەردە ۇيىمداستىرىلعان سايلاۋ ۋچاسكەلەرى تۋعان جەرىنەن جىراقتا جۇرگەن مىڭداعان قازاقستاندىققا ەلدىڭ ساياسي ومىرىنەن تىس قالماي, بولاشاعىن ايقىنداۋعا اتسالىسۋعا مۇمكىندىك بەردى.
ءبىز, دۇنيەجۇزى قازاقتارى قاۋىمداستىعى, حالىقتىڭ سەنىم مانداتىنا يە بولعان وزگە دە پارتيالاردى جەتىستىگىمەن قۇتتىقتايمىز.
جاڭادان سايلانعان كوپپارتيالى پارلامەنت «100 ناقتى قادام» ۇلت جوسپارىن جۇزەگە اسىرۋدا مەملەكەتىمىزگە قۋاتتى قۇقىقتىق تىرەك بولاتىنىنا سەنىم بىلدىرەمىز.
تالعات ماماشەۆ,
دۇنيەجۇزى قازاقتارى قاۋىمداستىعى
توراعاسىنىڭ ورىنباسارى.
قازاقستان جازۋشىلارى وداعى
بىزدەر, ەل قالامگەرلەرى, قازاقستان جازۋشىلار وداعى مەن ەلىمىزدىڭ زيالى جۇرتشىلىعى اتىنان ەلباسى نۇرسۇلتان ءابىش ۇلى نازارباەۆتى, سونداي-اق, ميلليونعا جۋىق نۇروتاندىقتى جانە بارشا قازاقستاندىقتاردى پارلامەنت ءماجىلىسى مەن ءماسليحاتتار دەپۋتاتتارىنىڭ سايلاۋلارىنداعى ايقىن جەڭىسىمەن قۇتتىقتايمىز!
كەشە ءورىسى كەڭ وركەنيەتكە بەت تۇزەگەن قوعامىمىز بولاشاعى ءبىرتۇتاس ەل بولۋدا تاعى ءبىر تاعدىرشەشتى قادام جاسادى.
حالقىمىز پارلامەنتتىڭ جاڭا قۇرامىن ايقىنداۋعا قىزۋ اتسالىسىپ, الەم الدىندا ءوزىنىڭ ازاماتتىق ۇستانىمى مەن اۋىزبىرلىگىن تانىتتى.
قازاقستاندىقتاردىڭ سايلاۋعا بەلسەنە قاتىسۋى دەموكراتيالىق قۇندىلىقتاردى بيىك ۇستايتىن ەڭسەلى ەل ەكەنىمىزدى مۇلتىكسىز دالەلدەدى.
ازاماتتارىمىزدىڭ ەركىن تاڭداۋ جاساۋىنا مەملەكەت تاراپىنان بارلىق جاعداي جاسالدى. سايلاۋ اشىق جانە ءادىل ءوتتى. وعان قاتىسقان بارشا پارتيالار مەن ۇمىتكەرلەرگە تەڭ مۇمكىندىكتەر بەرىلدى.
وسىنداي ءادىل باسەكەدە «نۇر وتاننىڭ» توپ جارۋى ەلباسىنىڭ سارابدال ساياساتى حالىقتىڭ تولىق قولداۋىنا يە ەكەنىنە, ونىڭ ساياسي تىرەگى – «نۇر وتان» پارتياسى ناعىز حالىقتىق پارتيا ەكەنىنە حالىقتىڭ دا, قاداعالاۋشىلاردىڭ دا كوزىن جەتكىزدى.
اسا كۇردەلى جاھاندىق احۋالدا قازاقستاندىقتار بىرلىكتى, تۇراقتىلىق پەن جاسامپازدىقتى تاڭدادى. بۇل قۇندىلىقتار ماڭگىلىك ەلدىڭ ىرگەتاسىن قالاۋدا اداستىرماس تەمىرقازىق بولارى ءسوزسىز.
«نۇر وتاننىڭ» جەڭىسى – ەلدىگىمىزدىڭ, ەرتەڭگە دەگەن ۇرپاق پەن ۇلت سەنىمىنىڭ جەڭىسى. ورتاق جەڭىسىمىز قۇتتى بولسىن!
نۇرلان ورازالين,
قازاقستان جازۋشىلار وداعى باسقارماسىنىڭ توراعاسى.
قازاقستان رەسپۋبليكاسىنىڭ ۇلتتىق عىلىم اكادەمياسى
ءبىز, قازاقستان رەسپۋبليكاسى ۇلتتىق عىلىم اكادەمياسى ەلباسى نۇرسۇلتان نازارباەۆتى جانە قازاقستاندىقتاردى «نۇر وتان» پارتياسىنىڭ جارقىن جەڭىسىمەن قۇتتىقتايمىز!
حالقىمىز تاعى ءبىر ساياسي سىننان ءوتتى. ءماجىلىس جانە ءماسليحاتتار دەپۋتاتتارىنىڭ سايلاۋىنا ءبىر ادامداي قاتىسقان قازاقستاندىقتار قۇقىقتىق ساۋاتىن تانىتىپ, ەل بولاشاعىن ايقىنداۋعا ۇلەس قوستى.
ەلىمىزدىڭ ورتالىق سايلاۋ كوميسسياسى ساياسي دوداعا قاتىسقان پارتيالار مەن ۇمىتكەرلەرگە كونستيتۋتسيالىق قۇقىقتارىن تولىق پايدالانۋعا تەڭ جاعداي جاسادى.
وسىنىڭ ارقاسىندا الەمدىك قوعامداستىق قازاقستاننىڭ قۋاتى مىقتى, ەكونوميكاسى الەۋەتتى, ساياسي جۇيەسى بەرىك ەل ەكەنىنە كوز جەتكىزدى.
ەلىمىزدەگى ەڭ بەدەلدى ساياسي كۇش, ەلباسىمىزدىڭ ساياسي تىرەگى – «نۇر وتانعا» داۋىس بەرگەن قازاقستاندىقتار مىزعىماس بىرلىكتى, تۇراقتى دامۋ مەن جاسامپاز بولاشاقتى تاڭدادى.
«نۇر وتان» – ميلليونعا جۋىق مۇشەسى بار قۋاتتى پارتيا. ونىڭ ۇستانعان باعىتى كەلەشەككە دەگەن سەنىمىمىزدى نىعايتىپ, ۇلتىمىزدى ۇلى ءىستەرگە باستاي بەرمەك.
مۇرات جۇرىنوۆ,
ۇلتتىق عىلىم اكادەمياسىنىڭ پرەزيدەنتى.
«قازاقستان-2050» جالپىۇلتتىق قوزعالىسى
مەملەكەت باسشىسى مەن «نۇر وتان» پارتياسىن سايلاۋداعى تاماشا جەڭىستەرىمەن قۇتتىقتايمىز.
وتكەن ەلەكتوراتتىق ناۋقاننىڭ قورىتىندىلارى مەن ازاماتتارىمىزدىڭ سايلاۋعا بەلسەندى قاتىسۋلارى قازاقستاندىقتاردىڭ تاڭداپ الىنعان رەفورمالار باعىتىمەن ىنتىماقتاستىعىنىڭ كورسەتكىشى بولدى.
ءوز تاڭداۋلارىن جاساعان قازاقستان حالقى الەمگە رۋح بىرلىگى مەن جوعارى پاتريوتيزم ۇلگىسىن پاش ەتتى.
«نۇر وتاننىڭ» جەڭىسى ازاماتتىق قوعام ينستيتۋتتارىنىڭ بەلسەندىلىگىن ارتتىرۋعا جاڭا ءمۇمكىندىكتەر اشىپ, وعان بارلىق قوعامدىق كۇشتەردى تارتۋعا جاعداي تۋعىزادى.
پارلامەنت ءماجىلىسىنىڭ جاڭارعان كوپپارتيالى قۇرامى 5 ينستيتۋتتىق رەفورمانى جۇزەگە اسىرۋعا سونى سەرپىن بەرەتىنىنە سەنىمدىمىز.
ەلباسىنىڭ باسشىلىعىمەن, «نۇر وتان» پارتياسىمەن بىرگە ەلىمىزدىڭ بارلىق ساياسي جانە ەكونوميكالىق سەكتورلارىندا ناقتى ءوسىم قامتاماسىز ەتىلەتىنىنە ەشقانداي كۇمان جوق.
اسەل شارىباەۆا, اتقارۋشى ديرەكتور.
«باس رەداكتورلار كلۋبى» قوعامدىق بىرلەستىگى
«باس رەداكتورلار كلۋبى» مەملەكەت باسشىسىن, «نۇر وتان» پارتياسىن كەزەكتەن تىس سايلاۋدا سەنىمدى دە تالاسسىز جەڭىسكە جەتۋىمەن قۇتتىقتايدى.
20 ناۋرىزدا بولىپ وتكەن پارلامەنت ءماجىلىسى مەن جەرگىلىكتى ءماسليحاتتار سايلاۋلارى بۇكىل ەلەكتوراتتىق تسيكلدىڭ جوعارى دەڭگەيدە ۇيىمداستىرىلعانىن كورسەتىپ بەردى.
بۇعان بايقاۋشى كوميسسيالاردىڭ جۇمىستارىنا بەلسەندى قاتىسقان كوپتەگەن قازاقستاندىق جانە شەتەلدىك ساراپشىلاردىڭ, سونداي-اق, ءبىزدىڭ ءارىپتەستەرىمىز – جۋرناليستەردىڭ وڭ باعامدارى ايعاق بولىپ تابىلادى.
سايلاۋدىڭ قورىتىندىلارى قازىرگى تاڭدا جۇزەگە اسىرىلىپ جاتقان رەفورمالار باعىتىنىڭ دۇرىستىعىن دالەلدەپ قانا قويماي, ونى بۇكىل قوعامىمىزدىڭ جان-جاقتى قولدايتىنىن كورسەتىپ بەردى.
ءماجىلىستىڭ جاڭا قۇرامىندا نۇروتاندىقتار كورسەتىلگەن سەنىم مانداتىن 100 پايىزعا ورىنداپ, مەملەكەت دامۋىنىڭ بارلىق شەشۋشى سالالارىندا جاڭعىرتۋ باعىتىن ءتيىمدى جۇزەگە اسىراتىنىنا سەنىمدىمىن.
بيبىگۇل جەكسەنباي,
«باس رەداكتورلار كلۋبى» قب پرەزيدەنتى.
«اتامەكەن» ۇلتتىق كاسىپكەرلەر پالاتاسى
قازاقستاننىڭ بۇكىل بيزنەس قاۋىمداستىعىنىڭ اتىنان ءبىز مەملەكەت باسشىسى, «نۇر وتان» پارتياسىنىڭ توراعاسى نۇرسۇلتان ءابىش ۇلى نازارباەۆتى, بارلىق نۇروتاندىقتاردى قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن سايلاۋدا زاڭدى جەڭىسكە جەتۋىمەن قۇتتىقتايمىز.
وتكەن ەلەكتوراتتىق ناۋقان قازاقستاندىقتاردىڭ جوعارى ازاماتتىق بەلسەندىلىگىنىڭ, ەلىمىزدى ءارى قاراي جاڭعىرتۋعا ءوزدەرىنىڭ ۇلەستەرىن قوسۋعا دەگەن ۇمتىلىستارىنىڭ جارقىن ايعاعى بولدى.
بۇگىنگى الەمدىك داعدارىس جاعدايىندا دەپۋتاتتىق كورپۋستى جاڭعىرتۋ – بۇل قازاقستان پارلامەنتاريزمىنىڭ تاريحىنداعى جاڭا ءداۋىر.
«نۇر وتان» پارتياسىنىڭ جەڭىسى ەكونوميكامىزدى رەفورمالاۋدى ءارى قاراي سەنىمدى جالعاستىرۋعا جاعداي تۋعىزىپ, ەلباسىنىڭ بارلىق ستراتەگيالىق يدەيالارىن ءىس جۇزىنە اسىرۋعا مۇمكىندىك بەرەتىن بولادى.
«نۇر وتان» ەلدى يندۋستريالىق-يننوۆاتسيالىق دامىتۋ جونىندەگى بارلىق سەرپىندى جوبالاردى قاشاندا قولداپ كەلەدى.
بۇل پارتيا – ناقتى ىستەر مەن ناتيجەلەردىڭ پارتياسى.
پرەزيدەنتىمىزدىڭ پارتياسىمەن بىرگە ءبىز ءومىرىمىزدىڭ بارلىق سالاسىن ينستيتۋتتىق تۇرعىدان جاڭعىرتۋ ءىسىن جالعاستىراتىن بولامىز.
بۇل الەمدەگى ەڭ وزىق 30 ەكونوميكاعا جولدىڭ سەنىمدى باستاۋى بولىپ تابىلادى.
ابىلاي مىرزاحمەتوۆ, «اتامەكەن» ۇكپ توراعاسى.
قازاقستان كاسىپكەرلەر فورۋمى
قازاقستان كاسىپكەرلەرىنىڭ اتىنان «نۇر وتان» پارتياسىن قازاقستان رەسپۋبليكاسى پارلامەنتى ءماجىلىسىنىڭ سايلاۋىندا تاماشا جەڭىسكە جەتۋىمەن قۇتتىقتايمىز.
پارتيانىڭ تابىسى – بۇل ەلباسى بەدەلىنىڭ, رەفورمالار باعىتى مەن داعدارىسقا قارسى رەفورمالاۋ باعدارلامالارىن بۇكىلحالىقتىق قولداۋدىڭ كورسەتكىشى.
سايلاۋدىڭ تالاسسىز ناتيجەلەرى قازاقستان ازاماتتارىنىڭ باسىم كوپشىلىگىنىڭ مۇددەسىن بىلدىرەتىن ەلىمىزدەگى جەتەكشى ساياسي كۇشكە دەگەن جوعارى سەنىمدى كەزەكتى مارتە ايعاقتاپ بەردى.
پارتيانىڭ سايلاۋالدى باعدارلاماسىندا مالىمدەلگەن بارلىق باعدارلامالىق مىندەتتەردىڭ لايىقتى جۇزەگە اسىرىلىپ, ەلىمىزدە ءجۇرگىزىلىپ جاتقان 5 ينستيتۋتتىق رەفورمانىڭ ءتيىمدى جۇزەگە اسىرىلۋى قامتاماسىز ەتىلەتىنىنە سەنىمدىمىن.
جاڭا پارلامەنتكە تابىس پەن جەمىستى جۇمىس تىلەيمىن.
رايىمبەك باتالوۆ,
قازاقستان كاسىپكەرلەر فورۋمى كەڭەسىنىڭ توراعاسى.
«مەملەكەتتىك ءتىلدى دامىتۋ قورى» قوعامدىق قورى
«مەملەكەتتىك ءتىلدى دامىتۋ قورى» قوعامدىق قورى ەلباسى نۇرسۇلتان ءابىش ۇلى نازارباەۆتى جانە «نۇر وتان» پارتياسىن ءماجىلىس جانە بارلىق دەڭگەيدەگى ءماسليحاتتار دەپۋتاتتارى سايلاۋلارىندا ايقىن باسىمدىقپەن جەڭىسكە جەتۋىمەن قۇتتىقتايدى.
بۇل قۋانىشتى جاڭالىقتى بولاشاعىنا ەلەڭدەيتىن ءاربىر قازاقستاندىق اسا زور ىقىلاسپەن قابىل الدى. سەبەبى, «نۇر وتان» – ەلىمىزدى عانا ەمەس, الەمدى تولقىتقان تالاي تۇراقسىز كەزەڭدەردە تابىسىمىزدى ساقتاپ قانا قويماي, ەسەلەي تۇسۋگە جاعداي جاساپ, حالىقتىڭ سەنىمىنەن شىققان بىردەن-ءبىر پارتيا.
سوندىقتان, جاھاندى تولقىتقان داعدارىس جاعدايىندا قازاقستاندىقتار پارتيانىڭ ۇرانىمەن ۇندەس – بىرلىكتى, تۇراقتىلىق پەن جاسامپازدىقتى تاڭدادى.
سايلاۋداعى جەڭىس – ۇلكەن جەتىستىكپەن قاتار, زور جاۋاپكەرشىلىك.
كۇردەلى كەزەڭدە قازاقستاندى دامۋدىڭ دارا جولىنا باستاۋ جاۋاپكەرشىلىگى ەلدەگى ەڭ قۋاتتى ساياسي كۇش – «نۇر وتانعا» جۇكتەلىپ وتىر. بۇل ىستە ناعىز حالىقتىق پارتياعا تەك ساتتىلىك ءتىلەيمىز.
ماجىلىسكە ەنگەن وزگە دە پارتيالاردىڭ وكىلدەرى ورتاق مۇددە توڭىرەگىندە ۇيىسىپ, حالىققا ادال قىزمەت ەتەدى دەپ سەنەمىز.
ازات شاۋەەۆ,
مەملەكەتتىك ءتىلدى دامىتۋ قورىنىڭ ديرەكتورى.
قازاقستان كاسىپوداقتارىنىڭ فەدەراتسياسى
«نۇر وتاننىڭ» توراعاسى, ەلباسى نۇرسۇلتان نازارباەۆقا پارتيانىڭ سايلاۋداعى تاماشا جەڭىسىنە وراي ءوز قۇتتىقتاۋىمىزدى جولدايمىز!
بۇل تاۋەلسىز قازاقستان دامۋىنىڭ جاڭا كەزەڭى باستالۋىمەن بەرىك ۇندەسكەن شىن مانىندەگى تاريحي وقيعا!
داعدارىسقا قارسى باتىل ءىس-ارەكەتتەر كەزەڭىندەگى قازاقستاندىقتاردىڭ تاڭداۋى زاڭ شىعارۋشى جانە جەرگىلىكتى وكىلدى بيلىككە دەگەن حالىق سەنىمىن تاعى ءبىر رەت ايعاقتاپ بەردى.
«نۇر وتان» پارتياسىنىڭ سايلاۋالدى باعدارلاماسىندا ۇسىنىلعان «100 ناقتى قادام» ۇلت جوسپارى ۇلتتىق بىرلىكتىڭ وزەكتى ارقاۋىنا اينالدى.
الەمدىك ەكونوميكالىق داعدارىس جاعدايىندا پارلامەنت جۇمىسى وتاندىق ەكونوميكانىڭ باسەكەگە قابىلەتتىلىگىن دامىتۋدىڭ, الەمدىك جوعارى ستاندارتتارعا ساي كەلەتىن جاڭا ۇلگىدەگى ەڭبەك قاتىناستارىن قالىپتاستىرۋدىڭ جاڭا ۆەكتورىن پاش ەتەدى.
ءبىز پارلامەنت ءماجىلىسى دەپۋتاتتارىنىڭ جاڭا شاقىرىلىمىنا سارقىلماس قاجىر-قايرات جانە بارشا قازاقستاندىقتاردىڭ يگىلىگى جولىنداعى جەمىستى جۇمىس تىلەيمىز.
ابىلعازى قۇسايىنوۆ,
قازاقستان كاسىپوداقتارى فەدەراتسياسىنىڭ توراعاسى.
قازاقستان ايەلدەرىنىڭ كەڭەسى
ءوز ۇيىمىمىزدىڭ اتىنان ءبىز مەملەكەت باسشىسىن جانە «نۇر وتان» پارتياسىن پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىنداعى جەڭىسىمەن قۇتتىقتايمىز.
سايلاۋدى ۇيىمداستىرۋ جانە وتكىزۋ ءبىزدىڭ ازاماتتارىمىزدىڭ ۇلت جوسپارى رەفورمالارىنىڭ باعىتىن قولداۋداعى ماقساتتارى مەن قۇندىلىقتارىنىڭ بىرلىگىن تاعى ءبىر رەت كورسەتىپ بەردى.
وكىلدى ورگانداردىڭ سايلاۋى قازاقستاندى دامىتۋدىڭ بارلىق سالالارىن ينستيتۋتتىق رەفورمالاۋدىڭ ىسكە اسىرىلىپ جاتقان باعىتىن ساباقتاستىرا جالعاستىرۋى ماڭىزدى.
قازاقستان حالقى بىرلىكتىڭ, تۇراقتىلىقتىڭ جانە ءبىزدىڭ وتانىمىزدىڭ يگىلىگى جولىنداعى جاسامپازدىقتىڭ وزىندىك تاريحي جولىن ايعاقتادى.
قازىر ءبىزدىڭ الدىمىزدا تاتۋلىق پەن كەلىسىمدى نىعايتۋدىڭ ورتاق ءىسىن بىرلەسە جالعاستىرۋ ءمىندەتى تۇر.
الەمدە بولىپ جاتقان تەكەتىرەستەر مەن جانجالدار, دۇنيەجۇزىلىك نارىقتاعى ەكونوميكالىق تۇراقسىزدىق جاعدايىندا قازاقستان الداعى ماقساتقا – تۇراقتى بولاشاق پەن دايەكتى دامۋعا قاراي سەنىمدى تۇردە ىلگەرى باسىپ كەلەدى.
بۇل ءبىزدىڭ پرەزيدەنتىمىز بەن «نۇر وتان» پارتياسىنىڭ ەڭبەگى دەپ بىلەمىز!
نينا كايۋپوۆا,
قازاقستان ايەلدەرى كەڭەسىنىڭ ءتورايىمى.
«قازاقستان جاستارىنىڭ كونگرەسى» زاڭدى تۇلعالار بىرلەستىگى
20 ناۋرىزدا «نۇر وتان» پارتياسى پارلامەنت ءماجىلىسى دەپۋتاتتارىنىڭ سايلاۋىندا جارقىن جەڭىسكە جەتتى.
«نۇر وتان» پارتياسىنىڭ باستى ۇراندارى – بىرلىك, تۇراقتىلىق جانە جاسامپازدىق – قازاقستاندىقتاردىڭ باسىم كوپشىلىگىنىڭ جوعارى قولداۋىنا يە بولدى.
قازاقستان جاستارىنىڭ اتىنان ەلباسىن, «نۇر وتان» پارتياسىن وسى جەڭىسىمەن قۇتتىقتايمىز!
بارلىق قازاقستاندىقتار وزدەرىنىڭ بەلسەندى قاتىسۋى ارقىلى ۇلكەن سەنىم ءبىلدىرىپ, مەملەكەت باسشىسىنىڭ دانا باسشىلىعىمەن 5 ينستيتۋتتىق رەفورمانى ىسكە اسىرۋعا, قازاقستاننىڭ الەمنىڭ نەعۇرلىم دامىعان جانە وزىق 30 ەلىنىڭ قاتارىنا كىرۋى ورايىنداعى ماقساتتار مەن مىندەتتەرگە جەتۋگە ازىرلىگىن پاش ەتتى.
حالىقارالىق بايقاۋشىلاردىڭ وڭ پىكىرلەرى – بۇل الەمدىك قوعامداستىق تانىعان ءبىزدىڭ مەملەكەتىمىزدىڭ كەمەلدىگىنىڭ ايعاعى.
ءبىز, جاستار ءۇشىن بارلىق ساياسي پارتيالار قاتىسقان سايلاۋ ناۋقانىنىڭ جوعارى دەڭگەيىنىڭ ۇلگىسى ەرەكشە ماڭىزدى.
بارلىق كونستيتۋتسيالىق نورمالاردىڭ ىسكە اسىرىلۋى مەن قازاقستان ازاماتتارىنىڭ سايلاۋ جانە سايلانۋ قۇقىقتارىنىڭ ساقتالۋى – بيىل ءبىز 25 جىلدىعىن اتاپ وتەتىن تاۋەلسىزدىكتىڭ اسا ماڭىزدى جەتىستىگى.
ايدىن ءسابيتوۆ,
«قازاقستان جاستارىنىڭ كونگرەسى» زاڭدى تۇلعالار بىرلەستىگىنىڭ اتقارۋشى ديرەكتورى.
«استانا-بايتەرەك» ايەلدەر كلۋبى» قوعامدىق بىرلەستىگى
«استانا-بايتەرەك» ايەلدەر كلۋبى ەلباسى نۇرسۇلتان ءابىش ۇلى نازارباەۆتى جانە «نۇر وتان» پارتياسىنىڭ بارلىق مۇشەلەرىن قازاقستان رەسپۋبليكاسى پارلامەنتى ءماجىلىسىنىڭ سايلاۋىنداعى لايىقتى جەڭىسىمەن قۇتتىقتايدى.
ەلدىڭ جەتەكشى ساياسي پارتياسىنىڭ جەڭىسى داعدارىسقا قارسى ءتيىمدى شارالاردى دەر كەزىندە ىسكە اسىرۋعا جانە قازاقستان رەسپۋبليكاسىندا ينستيتۋتتىق رەفورمالار باعدارلاماسىن ەنگىزۋ ءۇشىن قولايلى جاعدايلار قالىپتاستىرۋعا كومەكتەسەدى دەپ ەسەپتەيمىز.
بولىپ وتكەن سايلاۋ ناتيجەلەرى قازاقستاندىق قوعام ەلباسى توڭىرەگىنە توپتاسا وتىرىپ, بارلىق قيىندىقتاردى ەڭسەرىپ شىعا الاتىنىن تاعى ءبىر رەت كورسەتتى.
كەزەكتەن تىس سايلاۋ ءبىزدىڭ ەلىمىزگە قوعامدى اۋقىمدى جاڭعىرتۋدىڭ باستاپقى كەزەڭىندە داعدارىسقا قارسى پارلامەنت جاساقتاۋعا مۇمكىندىك بەردى, ءبىزدىڭ مەملەكەتىمىزدىڭ دەموكراتيالىق قۇندىلىقتارعا, بىرلىك پەن تاتۋلىق يدەيالارىنا جاقتاستىعىن تاعى ءبىر رەت راستاي وتىرىپ, قوعامدى توپتاستىردى.
تامارا لاۆرينەنكو,
«استانا-بايتەرەك» ايەلدەر كلۋبى»
قوعامدىق بىرلەستىگىنىڭ ءتورايىمى.
«جۇلدىز» بالالار ۇيىمدارىنىڭ رەسپۋبليكالىق وداعى
قوعامدىق بىرلەستىگى
«جۇلدىز» بالالار ۇيىمدارىنىڭ رەسپۋبليكالىق وداعى «نۇر وتان» پارتياسىنىڭ ءتوراعاسى, مەملەكەت باسشىسى نۇرسۇلتان ءابىش ۇلى نازارباەۆتى وتكەن سايلاۋداعى پارتيانىڭ سەنىمدى جەڭىسىمەن قۇتتىقتايدى.
قازاقستان حالقى شىن جۇرەكتەن داۋىس بەردى. پارتيا باعدارلاماسى ەلدىڭ تاياۋ بولاشاقتاعى دامۋىنىڭ بارلىق كوكجيەكتەرىن, سونىڭ ىشىندە, حالىقتى الەۋمەتتىك قولداۋدىڭ جاي-كۇيىن شىنايى بەينەلەيدى.
ءبىزدىڭ ۇيىمنىڭ وكىلدەرى پارتيانىڭ ناقتى ىستەرىنەن انا مەن بالانى قورعاۋ مەن قولداۋ سالاسىنداعى بارلىق مەملەكەتتىك باستامالاردىڭ جاسامپازدىق نەگىزىن كورەدى.
زاڭ شىعارۋشى بيلىك قۇرامىندا نۇروتاندىقتار الدىندا «100 ناقتى قادام» ۇلت جوسپارىندا بەلگىلەنگەن ەلدىڭ باستى رەفورمالارىن ىلگەرى جىلجىتۋ ورايىندا كوپ مىندەتتەر تۇرعاندىعى ماڭىزدى.
بۇل قازاقستاندىقتاردىڭ باسىم كوپشىلىگىنىڭ كۇتكەن ۇمىتىنە ساي كەلەدى جانە تاياۋ بولاشاقتاعى ءىس-قيمىلدىڭ ناقتى ىرعاق-سەرپىنىن كوزگە ەلەستەدى.
جاڭا پارلامەنتكە الەۋمەتتىك رەفورمالاردىڭ بەلگىلەنگەن باعىتىن جالعاستىرۋدى جانە بارلىق قازاقستاندىقتاردىڭ ءال-اۋقاتىن جاقسارتۋدى تىلەيمىز.
ەلەنا دميتريەنكو,
«جۇلدىز» بالالار ۇيىمدارىنىڭ رەسپۋبليكالىق وداعى قوعامدىق بىرلەستىگىنىڭ پرەزيدەنتى.