«نۇر وتاننىڭ» جەڭىسى – حالىقتىڭ جەڭىسى

سارابدال ساياساتتىڭ سالتاناتى

كەشە استانانىڭ تورىندەگى «سارى­ارقا» ۆەلوترەگىندە «نۇر وتان» پارتياسىنىڭ پارلامەنت­تىك سايلاۋداعى جەڭىسىنە ارنال­عان «بىرلىك! تۇراقتىلىق! جاسام­پاز­دىق!» ۇرانى اياسىندا جەڭىمپازدار فورۋمى بولىپ ءوتتى. كەشە ەرتەڭگىلىك  ورتالىق سايلاۋ كوميسسياسى پارلامەنت ءماجىلىسى سايلاۋىنىڭ  الدىن الا ناتيجەلەرىن جاريا ەتتى. ونىڭ قورىتىندىسى بويىنشا, «نۇر وتان» پارتياسىنا  – 82,15, قازاقستان كوممۋنيستىك حالىق پارتياسىنا  – 7,14, قازاقستاننىڭ «اق جول» دەموكراتيالىق پارتياسىنا – 7,18, «بىرلىك» ساياسي پارتياسىنا – 0,29,  جالپىۇلتتىق سوتسيال-دەموكراتيالىق پارتياعا  – 1,18, «اۋىل» حالىقتىق-دەموكراتيالىق پاتريوتتىق پارتياسىنا  2 پايىز سايلاۋشىلاردىڭ داۋىسى بەرىلگەن. ءسويتىپ, بيلىك پارتياسى – «نۇر وتاننىڭ» تاعى دا جەڭىسكە جەتكەنىنەن قالىڭ جۇرت حاباردار بولدى. «سارىارقادا» باس قوسقان نۇروتاندىق قولداۋشىلار ناعىز مەرەكەلىك كوڭىل كۇيدە ەكەنى كوزگە ۇرىپ تۇردى. ۆەلوترەكتىڭ بەلىن قايىستىرعان قالىڭ قاۋىمنىڭ جەلپىنىسى جەلدەي ەسەدى. جال-جال تولقىن ءتارىزدى سول جاق سەكتوردان باستالعان ادەمى قيمىلدى ىلە-شالا باسقا سەكتورداعىلار اسەرلى تۇردە ءىلىپ الا جونەلەدى. جالاۋشالار ۇستاعان جاستاردىڭ جىگەرمەن اتقارىلعان قيمىل-ارەكەتىنىڭ اسەرى سونشالىق, اينالاسىنداعىلارعا دا ەرەكشە قۋات ءبىتىرىپ, جەڭىس رۋحىن سىيلايدى. جەڭىمپازدار فورۋمىنىڭ تىنىسى اۋەلى وتاندىق ەسترادا انشىلەرىنىڭ اۋەزدى اۋەندەرىمەن ايشىقتالدى. نۇروتاندىق ءۇمىت­كەر­لەردىڭ ساناتىندا تىزىمگە ەنگەن قايرات نۇرتاستىڭ ساحناعا شىعۋى پارتيا قولداۋشىلارى تاراپىنان ەرەكشە ىقىلاس تۋعىزدى. استانا تۋرالى انىمەن جۇرتشىلىقتى باۋ­راپ الدى. قايراتتان كەيىن «ريزا­مىن مەن» دەپ ءان شىرقاعان جانار دو­عا­لوۆانىڭ ءوزى دە فورۋم قاتى­سۋ­شىلارىنىڭ ريزاشى­لى­عىنا بولەندى. ودان كەيىن جەڭىس جەلپىنىسىنە جىگەر قوسقان «الاش­ ۇلى» مەن «فورمات» توپتارى شىر­قاعان اندەر دە جەڭىمپازدار فورۋمىنىڭ كورىگىن قىزدىرا ءتۇستى. انشىلەردىڭ اسقاق اۋەنىنە ارقا­لانعان ساتتەن كەيىن ساحناعا «نۇر وتان» پارتياسىنىڭ پارلامەنت ءماجىلىسىنىڭ سايلاۋ دوداسىندا جەڭىسكە جەتكەن جەڭىمپاز­دارى, پارتيانىڭ سايلاۋالدى شتابىنىڭ ءمۇ­شەلەرى كوتەرىلدى. ساحنا ءتورىن­دەگى ەلگە تانىمال تۇل­عالاردى الىپ ەكراننان كور­سەتكەن سايىن جي­نال­عان جۇرت ءبىر دۋىل­داسىپ قالا­دى. اسىرەسە, جاستار جاعى ايگىلى سپورتشىلار سە­رىك ساپيەۆ, يليا يلين, الەك­ساندر ۆي­نوكۋروۆ پەن انشىلەر قاي­رات نۇرتاس, جانار دوعالوۆانى كور­گەن­دە ىقىلاسپەن قول سوعىپ جاتتى. قازاقستان رەسپۋبليكاسىنىڭ پرەزيدەنتى, «نۇر وتان» پارتيا­سى­نىڭ توراعاسى نۇرسۇلتان نازارباەۆتى جەڭىمپازدار فورۋمى­نا قاتىسۋشىلار ايرىقشا قوشە­مەت­پەن قارسى الدى. مەملە­كەت باسشىسى پارتيانىڭ قولداۋ­شى­لارىن جەڭىسىمەن قۇتتىقتادى. نۇرسۇلتان ءابىش ۇلى ءوز سوزىندە قازىر­گىدەي الاساپىران زاماندا ءبىزدىڭ ەلىمىزدەگىدەي ءاۋىزبىر­شىلىكتى ەشبىر ەل, ەشبىر حالىق كور­سە­تىپ وتىرماعاندىعانا, قازاقستان­دىقتاردىڭ باستى ەرەكشەلىگى دە وسىندا ەكەندىگىنە توقتالدى. «تاۋەلسىزدىگىمىزدىڭ 25 جىلدىق مەرەيتويى قارساڭىندا 60 مەملەكەت پەن قازاقستاننىڭ ءوز باي­قاۋ­شىلارى, سونداي-اق, 200-دەن استام باق وكىلدەرى, دۇنيەجۇزىنىڭ اقپا­رات قۇرالدارىنىڭ ورتالىق­تارى ءبىزدىڭ سايلاۋىمىزدى دەمو­كراتيانىڭ شىڭىندا دەپ ايتتى. بۇل – ءبىزدىڭ جەتىستىگىمىز. قازاقستان بۇدان بىلاي ءوزىنىڭ شىنايى دەموكراتيالى ەل ەكەنىن, وسىنداي اشىق, زاڭدى تۇردە سايلاۋ وتكىزەتىنىن ءجا­نە كوپپارتيالىق بولاتىنىن ءبۇ­­كىل الەمگە دالەلدەدى. مىنە, ءبىز­­دىڭ جە­تىس­تىگىمىزدىڭ ەڭ ۇلكەنى وسى», – دەپ اتاپ ءوتتى مەملەكەت باس­شى­سى. ەلباسى كەشەگى وتكەن سايلاۋدىڭ ورنى بولەك ەكەندىگىن, ونىڭ ەلدىڭ بولاشاق جەڭىستەرىنە باستاۋ بولا­تىندىعىن اتاپ كورسەتتى. «سايلاۋعا قاتىسۋ كور­سەت­كىشى 77 پايىزدان استى, قازاق­ستان­دىق­تار­دىڭ 82 پايىزى «نۇر وتان» پار­تياسىنا داۋىس بەردى. بۇل – ەلى­مىز ءۇشىن رەكوردتىق كورسەتكىش. ءبىز بۇكىل الەمگە رەسپۋبليكامىزدا اشىق, ايقىن ءارى ءادىل سايلاۋ ءوتىپ جات­قانىن, سونىڭ ناتيجەسىندە پار­لامەنتتە كوپپارتيالى جۇيە جۇمىس ىستەيتىنىن پاش ەتتىك. ساي­لاۋ­­دىڭ ءوتۋ بارىسىن جان-جاقتى جا­زىپ-جاريالاپ, الەمدىك قوعام­داس­تىققا كورسەتكەن شەتەل­دىك جانە قا­زاقستاندىق بۇقارالىق اقپارات قۇ­رال­دارىنىڭ وكىلدەرىنە العىس اي­تامىن. بۇل – ەل تاۋەل­سىز­دىگى­نىڭ 25 جىلدىعىندا قول جەت­كەن زور دەموكراتيالىق جەتىس­تىگىمىز. وسى­عان بايلانىستى رەسپۋب­ليكالىق جانە وڭىرلىك شتاب مۇشە­لەرىنە, ءاربىر ساي­لاۋشىعا ساياساتىمىزدى ءتۇسىن­دىرگەن جانە جۇرتتى بىرلىك پەن بولاشاق تابىستارعا جىگەرلەن­دىرگەن سايلاۋ الدىنداعى جۇمىسقا قاتى­سۋشىلاردىڭ بارلىعىنا العىس بىلدىرەمىن. ءبىزدىڭ ۇستانعان باعى­تىمىزدى قولداعانى ءۇشىن بار­لىق قازاقستاندىقتارعا راحمەت. ءبىز ءبىرتۇتاس ەكەنىمىزدى, كەز كەل­گەن قيىندىقتى ەڭسەرىپ, قا­زاق­ستان­­دى گۇلدەنگەن ەلگە اينالدىرا الا­تى­نىمىزدى كورسەتتىك», – دەدى مەم­لەكەت باسشىسى. ەل پرەزيدەنتى ءوز سوزىندە پار­تيا­­نىڭ قول جەتكىزگەن جەڭىسىنىڭ سالماق­تى جاۋاپكەرشىلىگى بار ەكە­نىنە دە توقتالدى. نۇرسۇلتان ءابىش­ ۇلىنىڭ: «نۇر وتان» پارتياسىنىڭ جەڭىسى – حالقىمىزدىڭ جەڭىسى. ساي­لاۋدا بۇرىن-سوڭدى بولماعان بەل­سەندىلىك بايقالدى, 77 پايىزدان استام سايلاۋشى كەلىپ, 82 پايىزى «نۇر وتانعا» داۋىس بەردى. بۇل دە­گەن – ۇلكەن قولداۋ, سەنىم, وسى سەنىم­­دى اقتاۋ ءۇشىن جۇمىس ىستەۋىمىز كەرەك», – دەگەنى وسىنى ايعاقتاي تۇسەدى. سونداي-اق, نۇرسۇلتان نازارباەۆ سايلاۋعا بەلسەنە قاتى­سىپ, «نۇر وتانعا» قولداۋ ءبىلدىر­گەن جاس­­تارعا العىسىن بىلدىرە وتىرىپ, ولارعا باتالى تىلەگىن ءبىلدىردى. «مەن بولاشاق ۇرپاققا حال­قى­مىزدىڭ بىرلىگى مەن تۇتاستىعىن ساق­تاۋدى اماناتتايمىن. ءبىز قا­زاق­­ستان­نىڭ ءوسىپ-وركەندەپ, بۇكىل الەم­دە بەدەلدى بولۋى ءۇشىن تى­نىش­­تىق پەن كەلىسىمنىڭ نەگىزىن قا­لا­­دىق. وسىنىڭ ءبارىن ءبىز قازاق­ستان جاس­تارى ءۇشىن جاساپ جاتىر­مىز», – دەي كەلىپ, مەملەكەت باس­­شىسى جاستارعا مەملەكەتتىڭ تاۋەل­سىز­دىگىن نىعايتۋعا, ەلدىڭ بىرلىگىن ساق­تاۋعا قىزمەت ەتۋى ءتيىس دەگەن امانا­تىن دا ارقالاتتى. ءسوزىنىڭ سوڭىندا مەملەكەت باسشىسى قازاقستاندىقتاردى ناۋرىز مەرەكەسىمەن قۇتتىقتاپ, ولارعا باق-بەرەكە تىلەدى. پارتيا توراعاسىنىڭ ءبىرىنشى ورىنباسارى اسقار مىرزاحمەتوۆ ءوز سوزىندە سايلاۋدا «نۇر وتاننىڭ» ەلباسىنىڭ ەڭبەگى مەن بەدەلىنىڭ ارقاسىندا جەڭىسكە جەتكەندىگىنە ەرەكشە توقتالدى: «بۇل جەڭىس – ەڭ الدىمەن ەلباسى ساياساتىنىڭ جەڭى­سى, ەلباسىنىڭ جەڭىسى. قا­زاقستاندىقتار وسى ۋاقىتقا دەيىن جەتكەن جەتىستىكتەرىمىزگە وڭ باعا­سىن بەرىپ, بولاشاق ءۇشىن ارنال­عان باعدارلامالارعا سەنە­تىنىن كور­سەتتى. بىرلىكتىڭ, تۇراق­تىلىق­تىڭ, جاسام­پازدىقتىڭ ماڭىز­دى ەكەنىن كور­سەتتى. ەندىگى جەردە,الدىمىزدا ۇلت جوسپا­رى, «نۇرلى جول», باسقا دا ستراتە­گيالىق قۇجاتتارعا نەگىزدەل­گەن پار­تيانىڭ جاڭا سايلاۋالدى باعدار­لا­ماسىن ورىن­داۋ مىندەتى تۇر», – دە­دى ا.مىر­زاح­مەتوۆ. تاۋەل­سىزدىك قۇرداستارى اتىنان, پاۆلودار وبلىسى تۇرعىن­دارى اتىنان, قازاقستان حالقى اسسام­بلەياسى جاستار قاناتى اتىنان مەملەكەت باسشىسىن, نۇروتان­دىقتاردى جارقىن جەڭىسىمەن قۇ­ت­تىقتاعان پاۆلودار وبلىسى قحا جاستار بىرلەستىكتەرى قاۋىمداس­تىعىنىڭ ءتورايىمى ەلينا پاۋلي جەڭىس بەيبىتشىلىك پەن كەلىسىمنىڭ ارقاسىندا سالتانات قۇرعانىن ايتتى. ءوزىنىڭ مەملەكەت باسشىسىنىڭ ساياساتىنا دەگەن ريزاشىلىعىن ءبىلدىردى: «وتكەن سايلاۋ بار­لىق قازاقستاندىقتاردىڭ ءبىراۋىز­دىلىعىن, ءححى عاسىردا ەلدى جان-جاقتى جاڭعىرتۋعا باعىتتال­عان ءسىزدىڭ باعىتىڭىزدى قولداي­تىن­دىعىن كەزەكتى مارتە دالەلدەدى. ءبىز ارقاشاندا سىزبەن بىرگەمىز, «نۇر وتانمەن» بىرگەمىز»,– دەپ تۇيىندەدى ءسوزىن ەلينا پاۋلي. «ءسىزدى جانە نۇروتاندىقتاردى جارقىن جەڭىسىمەن قۇتتىقتايمىن. بۇگىنگى جەڭىس بۇكىل قازاقستان حالقىنىڭ تاڭداۋى»,– دەپ باستادى ءسوزىن ل.ن.گۋميلەۆ اتىنداعى ەۋ­رازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ. ءارى قاراي ەل­دەگى بىرلىك پەن ىنتىماقتىڭ ۇيىت­قىسى مەملەكەت باسشىسى ەكەندىگىن ايتتى: «بۇگىندە ميلليوننان استام ادام سوعىس جاعدايىندا ءومىر ءسۇرىپ جاتىر. ءۇيىن تاستاپ, وتباسى­نان بەزىپ, جان ساۋعالاپ جۇرگەن­دەر قانشاما. ال بىزدە, بەيبىتشى­لىكتىڭ بەسىگىنە اينالعان قازاق­ستان­دا الاڭسىز, ەركىن ءومىر ءسۇرىپ جاتىر­مىز. بۇگىنگى بىرلىگىمىز, تۇراقتى­لى­عىمىز جايلى ءومىرىمىز بەن جار­قىن كەلەشەگىمىز ءۇشىن سىزگە قارىز­دارمىز. ۇلى دالانىڭ ۇلى مۇرا­تىن – ۇلت جوسپارىن جۇزەگە اسى­رۋعا بار كۇش-جىگەرىمىزدى جۇمساي­مىز. ال ماڭگىلىك ەلدىڭ مىعىم ىرگە­تا­سىن سىزبەن بىرگە, ءسىزدىڭ پار­تيا­ڭىز – «نۇر وتانمەن» بىرگە قالاي­مىز», – دەپ ءسوزىن تۇيىندەدى ەرلان سىدىقوۆ. «لوكوموتيۆ» اق ءماشينيسىنىڭ كومەكشىسى گەننادي شيپوۆسكيح بارشا فورۋمعا قاتىسۋشىلاردى «نۇر وتاننىڭ» جارقىن جەڭىسىمەن قۇتتىقتاي وتىرىپ, سانى 150 مىڭ­نان اساتىن قازاقستاندىق وتباسى مۇشەلەرىن قوسقاندا جالپى سانى ميلليونعا جەتىپ جىعىلاتىن جۇرتتىڭ ءبارى دە «نۇر وتاندى» قولداپ داۋىس بەرگەندىگىن جەتكىزدى. «ءويت­كەنى, ونىڭ توراعاسى ءسىزسىز, نۇر­سۇلتان ءابىش ۇلى. قازىرگىدەي داع­دارىس كەزىندە بىرقاتار ەلدەردە ءوندىرىس تۇرالاپ قالدى, جۇمىس ورنى قىسقارىپ جاتىر. ءسىزد­ىڭ ارقاڭىزدا ءبىز بولاشاققا سەنىم­دىمىز»,– دەپ قايىردى ءسوزىن گەننادي شي­پوۆسكيح. سويتسە, تەمىرجولشىلار وكى­لىنىڭ قازاقشا ءسوز سويلەگەنى ءوز ال­دىنا, جىر شۋماقتارىن دا توگىل­دىرتەدى ەكەن. ارينە, ءتورت اياعى تەڭ باسقان دەمەسەك تە, جەڭىمپازدار جيىنىندا وقىلعان ولەڭ جولدارى ادامنىڭ كوكىرەگىنە كادىمگىدەي جىلىلىق ۇيالاتادى. قادام باسىپ كەلەمىن الداعى كۇنگە سەنىممەن, بولاشاعىم «نۇر وتانمەن» بولىنگەن. جان-جاققا جاريا ەتەم مەن بۇگىن: باقىتتىمىن ەلباسىممەن, ەلىممەن! جەڭىمپازدار فورۋمى وسىلايشا گەننادي شيپوۆسكيحتىڭ جىر جولدارىمەن ورنەكتەلىپ, فورۋم سوڭى مەرەكەلىك كونتسەرتكە ۇلاستى. عابيت ىسكەندەر ۇلى, «ەگەمەن قازاقستان». سۋرەتتەردى تۇسىرگەندەر س.بوندارەنكو, ب.وتارباەۆ.