استانا. 21 ناۋرىز. مەملەكەت باسشىسى ناۋرىز مەرەكەسىنە قاتىسىپ, قازاقستاندىقتاردى ۇلىستىڭ ۇلى كۇنىمەن قۇتتىقتادى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى.
ەلباسى ەتنو-اۋىلدى ارالاپ كوردى. مۇندا كونتسەرتتىك باعدارلاما, تەاترلاندىرىلعان كورىنىستەر, سپورت سايىستارى, كولونەرشىلەر اۋىلى مەن ۇلتتىق سالت-ءداستۇردى تانىستىرۋ شارالارى ۇيىمداستىرىلدى. نۇرسۇلتان نازارباەۆ بارشا قازاقستاندىقتاردى ناۋرىز مەرەكەسىمەن قۇتتىقتاپ, باقىت پەن باق-بەرەكە تىلەدى.
«وسىناۋ ىزگى مەرەكە پارلامەنت سايلاۋىن وتكىزۋ شاراسىمەن قاتار كەلدى. قازاقستاندىقتار ءبىر ءۇيدىڭ بالاسىنداي تۇتاستىعىن كورسەتتى. حالقىمىزدىڭ وسى بىرلىگى مىزعىمايتىن بولسىن. ءبىزدىڭ جاساپ جاتقانىمىزدىڭ ءبارى قازاقستاندىقتاردىڭ كەيىنگى ۇرپاعىنا مۇرا بولىپ قالادى. ءبىزدىڭ بولاشاققا اپاراتىن جولىمىز زور جەتىستىكتەر مەن تاۋەلسىزدىگىمىزدىڭ يگىلىكتەرى ارقىلى جارقىراپ تۇراتىن بولسىن. بارشا تابيعات جاڭارعان ناۋرىز مەرەكەسىندە ادامدار ءاردايىم ءبىر-بىرىنە دەگەن وكپە-رەنىشىن كەشىرگەن, مۇقتاجدارعا كومەكتەسكەن, باقىت تىلەپ, اعاش وتىرعىزعان جانە بۇلاق كوزىن اشقان. حالىق بۇل كۇنى تىلەگەن تىلەكتەر مىندەتتى تۇردە ورىندالاتىنىن ايتادى. مەن ءاربىر شاڭىراققا باقىت, شاتتىق شۋاعىن جانە بار جاقسىلىقتى تىلەيمىن», – دەدى قازاقستان پرەزيدەنتى.
تالعات رايىمبەك.
دەرەك, سۋرەت: akorda.kz.