«قازمەديا» ورتالىعىنداعى «حابار» تەلەارناسىندا قر پارلامەنتى ءماجىلىسى دەپۋتاتتىعىنا پارتيالىق ءتىزىمىن ۇسىنعان ساياسي پارتيالار اراسىندا تەلەپىكىرسايىس ۇيىمداستىرىلدى.
وعان «نۇر وتان» پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆ, قازاقستاننىڭ «اق جول» پارتياسىنىڭ توراعاسى ازات پەرۋاشەۆ, «اۋىل» حالىقتىق-دەموكراتيالىق پارتياسىنىڭ توراعاسى ءالي بەكتاەۆ, قازاقستاننىڭ كوممۋنيستىك حالىق پارتياسىنىڭ قۇرمەتتى حاتشىسى ۆلاديسلاۆ كوسارەۆ, جالپىۇلتتىق سوتسيال-دەموكراتيالىق پارتياسىنىڭ وكىلى زاۋرەش باتتالوۆا جانە «بىرلىك» پارتياسىنىڭ مۇشەسى روزا قۋانىشەۆا قاتىستى.
پىكىرسايىس 3 راۋند بويىنشا ءوتتى. العاشقى راۋند «الەمدىك ەكونوميكانىڭ ناقتىلىعى: پروبلەمالارى مەن پەرسپەكتيۆالارى», ەكىنشى راۋند «قازىرگى جاعدايداعى ينفراقۇرىلىم, كولىك, لوگيستيكا» دەپ اتالدى. ال ءۇشىنشى راۋندتا پىكىرسايىسقا قاتىسۋشى پارتيالاردىڭ وكىلدەرى ءوز سايلاۋشىلارىنا ءۇندەۋ ارنادى.
ءاليسۇلتان قۇلانباي,
«ەگەمەن قازاقستان».