سىناق

قورعانىس مينيسترلىگى ورتالىق اپپاراتىنىڭ اسكەري قىزمەتشىلەرى دابىل بويىنشا كوتەرىلىپ, دالالىق لاگەرگە جول تارتتى كەشە قورعانىس ءمينيسترىنىڭ نۇسقاۋى بويىنشا «ايبالتا – 2016» وقۋ-جاتتىعۋى شەڭبەرىندە قورعانىس مينيسترلىگى مەن قا­رۋلى كۇشتەر باس شتابىنىڭ دەپارتامەنتتەرى جانە باس باس­قار­مالارى دابىل بويىنشا كوتەرىلدى. – بۇل ءىس-شارا ستراتەگيالىق دەڭگەيدەگى باسقارۋ ورگاندارىن دايارلاۋدىڭ قۇرامدى بولىگى بولىپ تابىلادى. سوندىقتان «ايبالتا – 2016» وقۋ-جاتتىعۋى اياسىندا بىزگە اسكەرلەردى باسقارۋ ماسەلەلەرىن شىنايى پىسىقتاۋعا تۋرا كەلەدى, دەدى قورعانىس ءمينيسترى يمانعالي تاسماعامبەتوۆ. اسكەري قىزمەتشىلەرگە ارنال­عان ساباقتار ەكى كۇنگە سوزىلادى. جەكە قۇرام دالالىق جاعدايدا جۇمىس جاسايدى. اسكەرلەردى جەدەل باسقارۋ ءۇشىن اسكەرلەردى اۆتوماتتاندىرىلعان باسقارۋ ەلە­مەنتتەرى بار كوماندالىق-شتاب­تىق ماشينالاردى, پالاتكالاردى, دالالىق اس ۇيلەر مەن اۆتونومدى ەلەكتر اگرەگاتتارىن قولدانا وتىرىپ, جاۋىنگەرلىك قىزمەتتى قامتاماسىز ەتۋدىڭ بارلىق ەلەمەنتتەرى بار باسقارۋ پۋنكتتەرى قيمىل-قوزعالىسقا كەلتىرىلدى. ساباقتار بارىسىندا باس­قا­رۋ پۋنكتتەرىمەن شتابتىق جات­تىقتىرۋ وتكىزىلەدى. وفي­تسەرلەر مەن گەنەرالدار شتاتتىق اتىس قارۋىنان وق اتادى, 5 شاقىرىمعا شاڭعىمەن جۇگىرۋدەن نورماتيۆتەر تاپسىرادى. وسىعان بايلانىستى 83205-اسكەري ءبولىمىنىڭ اسكەري قىزمەتشىلەرى جىلۋى بار پالاتكالار ورناتتى. دالالىق قالاشىقتا اسكەريلەردىڭ تاماقتانۋىن ۇيىم­داستىرۋ ءۇشىن بارلىق قاجەت­تى جاعداي جاسالعان. وندا ساني­تارلىق كەشەن دە بار, دەپ حابارلادى قورعانىس مينيسترلىگىنىڭ ءباسپاسوز قىزمەتى.