قىزىلوردا. 17 اقپان. 15-17 اقپان ارالىعىندا وبلىس اۋماعىندا شەتەلدىكتەردىڭ قۇقىقتارىن ساقتاي وتىرىپ, ولار تاراپىنان ورىن الاتىن زاڭ بۇزۋشىلىقتاردى دەر كەزىندە انىقتاپ, ءتيىستى شارا كورۋگە باعىتتالعان «ميگرانت» جەدەل-پروفيلاكتيكالىق ءىس-شاراسى وتكىزىلۋدە. بۇل تۋرالى وبلىستىق ىشكى ىستەر دەپارتامەنتىنە سىلتەمە جاساعان egemen.kz حابارلادى.
وسى ءىس-شاراعا ءوىىد-ءنىڭ 347 قىزمەتكەرى جۇمىلدىرىلىپ, كوشى-قون زاڭنامالارىن بۇزۋ دەرەكتەرىن انىقتاۋ, ولاردى اكىمشىلىك جاۋاپكەرشىلىكتەرگە تارتۋ ماقساتىندا شەتەلدىكتەردىڭ ۋاقىتشا تىركەلگەن مەكەن-جايلارى, سالىنىپ جاتقان قۇرىلىس نىساندارى, بازارلار مەن ءدامحانالار تەكسەرىلىپ, رەيدتىك ءىس-شارالار جۇرگىزىلدى. ناتيجەسىندە, شارانىڭ 1 كۇنىندە شەتەلدىكتىڭ نەمەسە ازاماتتىعى جوق ادامنىڭ قر حالىقتىڭ كوشى-قون سالاسىنداعى زاڭناماسىن بۇزۋ دەرەگى بويىنشا (قر اقبتك-ءنىڭ 517-بابى) 139 شەتەل ازاماتى انىقتالىپ, شەتەلدىكتەردى جانە ازاماتتىعى جوق ادامداردى قابىلدايتىن جەكە نەمەسە زاڭدى تۇلعالاردىڭ حالىقتىڭ كوشى-قون سالاسىنداعى زاڭناماسىن بۇزۋ دەرەگى بويىنشا 9 ازاماتقا, شەتەلدىك جۇمىس كۇشىن جانە ەڭبەكشى كوشىپ-كەلۋشىلەردى قر زاڭناماسىن بۇزا وتىرىپ تارتۋ, شەتەلدىكتىڭ نەمەسە ازاماتتىعى جوق ادامنىڭ قر ەڭبەك قىزمەتىن زاڭسىز جۇزەگە اسىرۋ دەرەگى بويىنشا ەكى ازاماتقا اكىمشىلىك شارالار قولدانىلدى.
شىعارىپ جىبەرۋ تۋرالى سوت شەشىمىن ورىنداماعان وزبەكستان رەسپۋبليكاسىنىڭ ءبىر ازاماتىنا قاتىستى قر قىلمىستىق كودەكسىنىڭ 393-بابى بويىنشا قىلمىستىق ءىس قوزعالىپ, تاعى ەكى ازاماتقا قر ازاماتتىق-پروتسەسسۋالدىق كودەكسىنىڭ 382-بابى بويىنشا (شەتەلدىكتى نەمەسە ازاماتتىعى جوق ادامدى قر-نىڭ زاڭناماسىن بۇزعانى ءۇشىن قر-نىڭ شەگىنەن شىعارىپ جىبەرۋ) رەسپۋبليكا اۋماعىنان الاستاتىلدى.
سونىمەن قاتار, ءىس-شارا بارىسىندا جەكە باستارىن انىقتايتىن قۇجاتتارى جوق وزبەكستان رەسپۋبليكاسىنىڭ 9 ازاماتى قىىب-نىڭ قابىلداۋ- تاراتۋ ورنىنا جاتقىزىلدى.
ەرجان بايتىلەس.
دەرەك, سۋرەت: egemen.kz