قۇرمەتتى فورۋمعا قاتىسۋشىلار! قازاقستاننىڭ جاس ازاماتتارى زامانداستار!
ءبىز, وڭىرارالىق جاستار فورۋمىنا قاتىسۋشىلار قازاقستان جاستارىن ەلىمىزدىڭ وركەندەپ دامۋى جولىندا ايانباي ەڭبەك ەتۋگە جانە ازاماتتىق بەلسەندىلىك تانىتۋعا شاقىرامىز.
ءبىز, اقتوبە وبلىسىنىڭ جاستارى قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «بولاشاققا 25 قادام» ءىس-شارالار دەستەسى باستالعاندىعىن جاريالايمىز! مەرەكەلىك ناۋقان اياسىندا:
«25 يگى ءىس» قايىرىمدىلىق مارافونى («ارداگەرلەردى ارداقتايىق» ارداگەرلەر مەن مۇگەدەكتەرگە كومەك كورسەتۋ, «قامقورلىق» جەتىم بالالار مەن از قامتىلعان وتباسىلارىنان شىققان بالالاردى قولداۋ جونىندەگى اكتسيالار, جاستاردىڭ بويىندا جانە جالپى قوعامدا الەۋمەتتىك سانانى قالىپتاستىرۋ مەن الەۋمەتتىك باستامالارعا ىنتالاندىرۋ ماقساتىنداعى شارالار);
«ءار كۇن سپورتپەن شۇعىلدان!» سپورتتىق ەستافەتاسى (جاستار اراسىندا سپورتتىق سايىستار, سالاماتتى ءومىر سالتىن, بۇقارالىق جانە اۋلا سپورتى تۇرلەرىن ناسيحاتتاۋعا باعىتتالعان اكتسيالار);
«بابالار ىزىمەن» تاريحي-مادەني جوباسى (قازاقستان حالقىنىڭ ۇلى تاريحي-مادەني يگىلىكتەرىن, شىعارماشىلىق پەن ونەردىڭ بىرەگەي ۇلگىلەرىن ناسيحاتتاۋعا ارنالعان مادەني شارالار);
«ەكوترەند» ەكولوگيالىق مارافونى (قورشاعان ورتانى قورعاۋعا, ەنەرگوتيىمدىلىكتى دامىتۋعا ارنالعان ەكولوگيالىق اكتسيالار, جاستار سەنبىلىكتەرى);
«بولاشاقتىڭ 25 يدەياسى» جوباسى (ونەرتاپقىشتار مەن جاس عالىمداردىڭ يننوۆاتسيالىق جوبالارىنىڭ كونكۋرستارى, كورمەلەرى).
ءبىز قازاقستان جاستارىن ءبىزدىڭ باستامالارىمىزدى بۇكىل ەل كولەمىندە قولداۋعا شاقىرامىز.
ءبىز وتانىمىزدىڭ وركەندەۋى مەن نىعايۋى جولىندا كۇشىمىزدى بىرىكتىرۋمىز قاجەت.
بۇل ءاربىر جاس قازاقستاندىقتىڭ پارىزى دەپ سانايمىز.
ءبىزدىڭ جەتىستىكتەرىمىز – بۇكىل ەلىمىزدىڭ جەتىستىگى!
العا, قازاقستانىم!!!
«مەنىڭ جەتىستىگىم – تاۋەلسىزدىكتىڭ جەتىستىگى»
وڭىرارالىق جاستار فورۋمىنا قاتىسۋشىلار.
اقتوبە, 27 قاڭتار 2016 جىل.