قاراعاندى. 28 قاڭتار. قاراعاندىدا پاتەرلەردىڭ بىرىننەن ءورت شىعىپ, ءۇي ىشىندە بولعان ەكى بالا ءيىس ءتيىپ قايتىس بولدى. بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
الدىن الا جاسالعان بولجام بويىنشا, ءۇش جانە بەس جاستاعى ۇل مەن قىز بالا وت جاعىپ ويناعان. باسىندا ولار وتىرعان كەرەۋەت بىقسىپ جانسا كەرەك. بالالار قورقىپ, جۋىنۋ بولمەسىنە تىعىلعان. ءتۇتىننىڭ ءيسىن سەزىپ, بالالاردىڭ جىلاعانىن ەستىگەن كورشىلەر ەسىكتى بالتالاپ ءجۇرىپ, ارەڭ دەگەندە بۇزىپتى. بىراق قويۋ تۇتىننەن ىشكە كىرە الماعان. وسى ۋاقىتتا جەدەل جەتكەن ءورت سوندىرۋشىلەر بالالاردى ۆاننا بولمەسىن الىپ شىعادى. الايدا قاتتى يىستەنگەن سابيلەر اۋرۋحانادا شەتىنەپ كەتتى.
قايرات ءابىلدينوۆ.
دەرەك, سۋرەت: قاراعاندى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.