قۇراما شتاتتاردىڭ كاليفورنيا شتاتىندا تۇراتىن 67 جاستاعى لينەا لاتتانتسيو ەسىمدى ايەل ءوزىنىڭ بەس جاتىن جايى بار كوتتەدجىنەن اۋلاعا قويىلعان ترەيلەرىنە كوشىپ بارۋعا ءماجبۇر بولدى.
بۇعان «كەڭ سارايداي بوز ءۇيىن» تۇگەلدەي مىسىقتاردىڭ باسىپ قالعانى سەبەپكەرلىك ەتىپتى. زەينەتكەر ايەل سول كەزگە دەيىن ۇيىندە 800 ەرەسەك مىسىق پەن ولاردىڭ 300 بالاسىن اسىراپ كەلگەن ەكەن. ول مىسىقتاردى مۇندا جاي ۇستاپ قانا كەلمەگەن, باقپاندىلارىنا بارىنشا جاقسى جاعداي جاساعان. ءۇيدى الاڭسىز جايلاپ العان مىسىقتار وندا تورلاردا وتىرماعان, بولمەلەردە ەمىن-ەركىن ءجۇرىپ-تۇرعان. ال وقيعانىڭ باسى كۇيەۋى دە, بالالارى دا جوق لينەا لاتتانتسيونىڭ جالعىزدىقتى جەڭۋ ءۇشىن وزىنە ەرمەك ىزدەۋىنەن باستالعان. ول 400 شارشى مەترلىك ءۇيدىڭ اۋقىمىن سوسىن وزىنە سەرىك بولادى دەپ ەسەپتەگەن مىسىقتارمەن تولتىرماق بولعان. بۇل ءۇشىن ءوزىنىڭ التىن اشەكەيلەرى مەن ءاۆتوموبيلىن ساتىپ, الىنعان اقشاعا مىسىقتار مەكەنىن جاساعان. ايەل بۇعان الىنعان مىسىقتىڭ ءبارىن كوشەدەن تەرىپ اكەلگەن. مۇنى 1992 جىلى قولعا العان لينەا كەلەسى جىلى ۆەتەرينار ماماندىعىن مەڭگەرىپ شىعادى. قازىر جاناشىر جان ترەيلەردە تۇرىپ جاتىر, ال جانۋارلارعا ارنايى كەلگەن ۆولونتەرلەر قارايدى.
دامير قوجامقۇل.