ىسكەر ايەلدەر اسسوتسياتسياسىنىڭ قازاقستان پرەزيدەنتىنىڭ «بەسىنشى شاقىرىلعان قازاقستان رەسپۋبليكاسى پارلامەنتىنىڭ ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن وتكىزۋ تۋرالى» جارلىعىنا قاتىستى
مالىمدەمەسى
ىسكەر ايەلدەر اسسوتسياتسياسى مەملەكەت باسشىسىنىڭ قازاقستان پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى شەشىمىن تولىقتاي قولدايدى. بۇل قادام مەيلىنشە ستراتەگيالىق ماقساتتان – بۇكىل قازاقستاندىقتاردى, ەلدىڭ بۇكىل ساياسي كۇشتەرىن مەملەكەت دامۋىنىڭ قازىرگى ساتىداعى كوكەيكەستى ماسەلەلەرىنە جۇمىلدىرۋ ماقساتىنان تۋىنداپ وتىر دەپ ەسەپتەيمىز. مەملەكەت باسشىسى قازاقستاننىڭ بۇكىل قوعامدىق كۇشتەرىنە رەفورمالاردى جۇزەگە اسىرۋ جونىندەگى جۇمىسقا بەلسەندى ارالاسۋ ءۇشىن بىرەگەي مۇمكىندىك ۇسىندى. جاڭا دەپۋتاتتىق كورپۋستى قالىپتاستىرۋ – جاھاندىق ەكونوميكالىق داعدارىسقا قارسى تۇرۋدى كۇشەيتۋ, سونداي-اق ەلدى جاڭعىرتۋدىڭ كەلەسى ساتىسىندا زاڭشىعارۋشىلىق جۇمىستىڭ تيىمدىلىگىن ارتتىرۋ مۇمكىندىگى. قازاقستاننىڭ ايەلدەرى, ونىڭ ىشىندە بيزنەس-قاۋىمداستىق وكىلدەرى ءار كەزدە دە ەل پرەزيدەنتىنىڭ بارلىق باستامالارىنىڭ بەلسەندى قاتىسۋشىلارى بولعان جانە بولىپ قالا بەرەدى. پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن مەملەكەت دامۋىنىڭ ءدال وسى ساتىسىندا وتكىزۋ ونىڭ جۇمىسىنا جاڭا سەرپىن بەرۋگە جاعداي جاسايدى. جاڭارعان دەپۋتاتتىق كورپۋس ءبىزدىڭ قوعامىمىزدى توپتاستىرادى جانە