«ارداگەر» قوعامدىق بىرلەستىگىنىڭ مۇشەلەرى قر پرەزيدەنتى ن.ءا.نازارباەۆتىڭ پارلامەنت ءماجىلىسىن تاراتۋ جانە ونىڭ دەپۋتاتتارىنىڭ كەزەكتەن تىس سايلاۋىن وتكىزۋ تۋرالى شەشىمىن قولدايدى.
ءبىزدىڭ ەلىمىزدە, پرەزيدەنت ساياساتىنىڭ ارقاسىندا, تاتۋلىق, تۇراقتىلىق, قوعامدىق كەلىسىم قامتاماسىز ەتىلۋدە, سونداي-اق, حالىقتىڭ الەۋمەتتىك ءالسىز توپتارىنا قولداۋ كورسەتۋ بويىنشا شارالار كەشەنى ءجۇزەگە اسىرىلۋدا. ەلدى قورعاۋ مەن ادامدارعا قامقورلىق ساياساتى, ءتىپتى, ەڭ قيىن داعدارىستى جىلداردا دا وزگەرىسسىز كۇيىندە قالدى.
ەلباسىنىڭ كەزەكتەن تىس سايلاۋ وتكىزۋ تۋرالى شەشىمى تۇراقتىلىقتى نىعايتۋعا جانە جاھاندىق داعدارىس زارداپتارىن ەڭسەرۋ ءۇشىن قولايلى مۇمكىندىكتەر تۋعىزۋ جونىندەگى باعىتقا قولداۋ كورسەتۋگە بۇرىنعىدان بەتەر جاعداي جاسايتىن بولادى.
ۇلت جوسپارىندا جانە پرەزيدەنتتىڭ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى جولداۋىندا الەۋمەتتىك ساياسات سالاسىنداعى ماسەلەلەردىڭ ۇلكەن بلوگى بەينەلەنگەن. سونىمەن بىرگە, كۇردەلى ماسەلەلەردى شەشۋ بۇكىل ازاماتتار ءۇشىن مىندەت بولۋى ءتيىس ەكەندىگى دە ايتىلدى. ءبىز مۇنىڭ ادامي جانە ماتەريالدىق رەسۋرستارعا يە جانە ادامداردىڭ پروبلەمالارىن كورۋگە جانە شەشۋگە قابىلەتتى ساياسي پارتيالار ءۇشىن ايرىقشا كوكەيكەستى ەكەنىن تۇسىنەمىز.
سوندىقتان دا ءبىز كەزەكتەن تىس سايلاۋ وتكىزۋ تۋرالى جارلىققا قول قويۋ تۋرالى شەشىمدى رەفورمالار ستراتەگياسى مەن داعدارىسقا قارسى شارالاردى جۇزەگە اسىرۋ بويىنشا زاڭدى قادام رەتىندە قابىلدادىق.
ءبىز پاتەرناليزمنەن اۋلاقپىز جانە زەينەتكەرلەردى ءوز ۇيىمىمىزدىڭ شەڭبەرىندە بىرىكتىرە وتىرىپ, ءماجىلىستىڭ كەزەكتەن تىس سايلاۋىن وتكىزۋ تۋرالى شەشىمگە قولداۋ بىلدىرەمىز.
ءبىز داعدارىسقا قارسى رەفورمالاردى جۇرگىزۋ جانە ءبىزدىڭ پرەزيدەنتىمىزدىڭ باسقا دا باستامالارىن جۇزەگە اسىرۋ جونىندەگى جۇمىسقا بەلسەندى اتسالىسۋعا دايىنبىز.