قازاقستان رەسپۋبليكاسىنىڭ سىرتقى ىستەر مينيسترلىگىندە قازاقستان رەسپۋبليكاسىنىڭ ۇكىمەتى مەن سلوۆاك رەسپۋبليكاسىنىڭ ۇكىمەتى اراسىنداعى قۇپيا اقپاراتتى ءوزارا قورعاۋ تۋرالى كەلىسىمگە قول قويۋ ءراسىمى ءوتتى.
قۇجاتقا قول قويۋ ەكى ەل اراسىنداعى شارتتىق-قۇقىقتىق بازانى كەڭەيتىپ, مەملەكەتتەردىڭ ۇلتتىق قاۋىپسىزدىگى مۇددەسىندەگى اقپارات الماسۋدى جانداندىرۋعا مۇمكىندىك بەرەدى.
قول قويۋ راسىمىنەن كەيىنگى كەزدەسۋ بارىسىندا ەلىمىزدىڭ سىرتقى ىستەر ءمينيسترى ەرلان ىدىرىسوۆ پەن سلوۆاك رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى پەتەر يۋزا قازاقستان-سلوۆاكيا ىنتىماقتاستىعىنىڭ جاعدايى مەن ونىڭ دامۋىنىڭ وزەكتى ماسەلەلەرىن تالقىلادى.
تاراپتار ارادا قالىپتاسقان دوستىق بايلانىستاردى ودان ءارى نىعايتا تۇسۋگە ءوزارا قىزىعۋشىلىقتارىن تاعى دا قۋاتتادى.
قازاقستان سلوۆاكيانى ورتالىق-شىعىس ەۋروپا ايماعىندا جانە جالپى ەۋروپالىق وداقتا ءوزىنىڭ سەنىمدى ساياسي جانە ەكونوميكالىق تۇراقتى ارىپتەسى, سونداي-اق, دوستاس مەملەكەت رەتىندە تانيدى.
«ەگەمەن-اقپارات».