«نۇر وتان» ساياسي پارتياسىنىڭ قازاقستان رەسپۋبليكاسى پرەزيدەنتىنىڭ «بەسىنشى شاقىرىلعان قازاقستان رەسپۋبليكاسى پارلامەنتىنىڭ ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىعىنا قاتىستى
مالىمدەمەسى
«نۇر وتان» پارتياسى مەملەكەت باسشىسىنا دەپۋتاتتاردىڭ باستاماسىنا قولداۋ كورسەتكەنى جانە «بەسىنشى شاقىرىلعان قازاقستان رەسپۋبليكاسى پارلامەنتىنىڭ ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىققا قول قويعانى ءۇشىن ريزاشىلىعىن بىلدىرەدى. ءبىز جاھاندىق ەكونوميكالىق داعدارىس جاعدايىندا بىزگە بيلىكتىڭ زاڭ شىعارۋ ورگانىنىڭ قۇرامىن ساپالىق جاعىنان نىعايتۋ جانە جاڭارتۋ قاجەت دەپ سانايمىز. بارلىق ساياسي پارتيالار ءۇشىن بۇل – حالىققا كوپتەگەن كوكەيكەستى ماسەلەلەردى شەشۋدىڭ جولدارىن كورسەتۋدىڭ, حالىق سەنىمىنىڭ سىناعىنان ءوتىپ, مەملەكەتتىك قۇرىلىستىڭ جاڭا كەزەڭىندە ءماجىلىستىڭ جاڭارعان قۇرامىندا ءوزىن ءتيىمدى دالەلدەۋدىڭ جاڭا مۇمكىندىگى. تاۋەلسىز قازاقستان ءوزىنىڭ ىرعاقتى دامۋىنىڭ شيرەك عاسىرىندا قۋاتتى, نەگىزگى قۇندىلىقتارى تۇراقتىلىق, بىرلىك جانە حالىقتىڭ كەلىسىمى بولىپ تابىلاتىن بۇكىل الەمدىك قوعامداستىق تاراپىنان تانىلعان مەملەكەت قۇرۋدا ۇلكەن جولدان ءوتتى. بۇگىندە ەلىمىز ينستيتۋتتىق رەفورمالاردىڭ «100 ناقتى قادام» ۇلت جوسپارىن پراكتيكالىق جۇزەگە اسىرۋمەن بايلانىستى دامۋدىڭ جاڭا كەزەڭىنە اياق باستى. جانە وسىنداي جاعدايدا قوعامدىق-ساياسي ديسكۋرستىڭ باستى الاڭدارىنىڭ ءبىرى رەتىندە پارلامەنتتىڭ ءرولى ايتارلىقتاي جوعارىلايدى. پارلامەنت ءماجىلىسىنىڭ كەزەكتەن تىس سايلاۋىن وتكىزۋ تۋرالى شەشىم ءاربىر قازاقستاندىققا ءوزىنىڭ ءپاتريوتيزمىن ءىس جۇزىندە كورسەتىپ, ەل ءۇشىن وسى ماڭىزدى كەزەڭدە رەفورمالار باعىتىن ىلگەرىلەتۋگە تىكەلەي قاتىسۋعا مۇمكىندىك بەرەدى. ءبىز 940 مىڭ پارتيالاستارىمىزدىڭ اتىنان ەلىمىزدىڭ بارلىق ازاماتتارىن مەملەكەتتىك قۇرىلىستىڭ جاڭا كەزەڭىندە توپتاسۋ مەن بىرلىككە شاقىرامىز.