جاڭا زەلانديا جاعالاۋىندا وتقا ورانعان كەمەدەن سۋدان قۇتقارۋ جاساعى 57 ادامدى امان الىپ شىقتى. جەرگىلىكتى Maori Television ارناسىنىڭ مالىمەتىنشە, ءورت ەلدىڭ سولتۇستىك ارالىنا قاراستى فاتاكان قالاسىنا تاياۋ جاعالاۋدا ورىن العان.
جانىپ جاتقان كەمەدەن جولاۋشىلاردى سىرتقا شىعارۋ ءۇشىن قۇتقارۋشىلار جاساعى مەن بىرنەشە تىكۇشاق جۇمىلدىرىلدى. ءتارتىپ ساقشىلارىنىڭ ايتۋىنشا, قىزىل جالىننىڭ تىرناعىنان قۇتقارىلعانداردىڭ ءبىرى تۇتىنگە ۋلانىپ قالعان. ال تاعى ءبىرى ورتەنگەن كەمەدەن سەكىرەمىن دەپ اۋىر جاراقات العان. قازىر ولارعا دارىگەرلەر مەديتسينالىق كومەك كورسەتۋدە.
دەرەك كوزدەرگە سۇيەنسەك, سۋ كولىگى White Island Tour كومپانياسىنا تيەسىلى. ايتا كەتەيىك, ارنايى توپ كەمەنىڭ ورتەنۋىنىڭ سالدارىن انىقتاۋ ۇستىندە. ازىرگە قاندايدا ءبىر ناقتى مالىمەت جوق.
تورەبەك تۇرمانوۆ.