سەمەي قالالىق ىشكى ىستەر جەلىلىك ءبولىمىنىڭ قىزمەتكەرلەرى جەدەل-ىزدەستىرۋ ءىس-شاراسى بارىسىندا شار بەكەتىندەگى جۇك ۆاگوندارىنان جالپى سوماسى 1 ملن. تەڭگەنى قۇرايتىن 160 دانا مىرىش قۇيمالارىن ۇرلاعان 4 ازاماتتى ۇستادى.
ۇستالعاندار اتالعان قىلمىسقا قاتىستى ءوز كىنالارىن مويىندادى. ۇرلانعان زاتتار تاركىلەنىپ الىندى. ءسويتىپ, بۇل قىلمىس قك 188-بابى (ۇرلىق) بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى. ەندى اتالعان فاكتىگە قاتىستى تەرگەۋ امالدارى ءجۇرگىزىلۋدە, دەپ حابارلادى كولىكتەگى ءىىد ءباسپاسوز قىزمەتى.