قازاقستان-رەسەي شەكاراسىندا پنەۆماتيكالىق قارۋمەن جانە گاز باللونشالارمەن قارۋلانعان وزبەكستان ازاماتى ۇستالدى, دەپ حابارلادى قر ۇقك شق ءباسپاسوز قىزمەتى.
جاعالاۋ كۇزەتى وڭىرلىك باسقارماسىنىڭ «قۇرمانعازى اۆتو» تەكسەرىپ-وتكىزۋ پۋنكتىنىڭ شەكارا ناريادى رەسەيدەن ءبىزدىڭ ەلىمىزگە قاراي «لادا لارگۋس» اۆتوكولىگىمەن كەلە جاتقان 46 جاستاعى وزبەكستان ازاماتىن ۇستادى.
كولىكتى تەكسەرۋ بارىسىندا 9 دانا گاز باللونشالارى, ارقايسىسىندا 500 دانادان ەكى قوراپقا سالىنعان 4,5 مم مىس شارلارى تابىلدى. بۇل مىس شارلار پنەۆماتيكالىق تاپانشاعا ارنالعاندىقتان ءارى قاراي تاپانشانىڭ ءوزى ىزدەستىرىلىپ, ول («GLETCHER GHR941» ماركالى 4,5 كاليبرلى قارۋ) ازاماتتىڭ سىرت كيىمىنىڭ ىشىندەگى قاپشىقتان تابىلدى.
ۇستالعان ازامات تۋرالى قۇقىق قورعاۋ ورگاندارى قۇلاقتاندىرىلىپ, تەرگەۋ-تەكسەرۋ جۇمىستارى باستالدى.