اقتوبە. 19 قاڭتار. اقتوبە قالاسىنداعى س.بايىشەۆ اتىنداعى امبەباپ-عىلىمي كىتاپحانادا تاۋەلسىزدىكتىڭ 25 جىلدىعىنا وراي «ازاتتىقتى اڭساعان التاي باتىر» اتتى ولكە تاريحىنىڭ وزەكتى ماسەلەلەرىن قامتىعان عىلىمي-تانىمدىق كونفەرەنتسيا ۇيىمداستىرىلدى. بۇل تۋرالى egemen.kz ءتىلشىسى حابارلادى.
كىتاپحانا فويەسىندە التاي باتىردىڭ ءومىر جولىن العاش زەرتتەپ, ونى الماتى, ماسكەۋ, ورىنبور مۇراعاتتارىنان تاپقان دەرەكتەرىمەن عىلىمي نەگىزدەپ جازعان تاريحشى, تاريح عىلىمدارىنىڭ كانديداتى, مارقۇم بەركىن قۇرمانبەكوۆتىڭ «التاي باتىر» اتتى كىتابى كورمەگە قويىلدى.
كونفەرەنتسياعا تاريحشى عالىمدار, ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ وقىتۋشىلارى, بايعانين اۋدانىنىڭ ارداگەرلەرى مەن مەكتەپ مۇعالىمدەرى, قالامىزداعى ارناۋلى ورتا, جوعارى وقۋ ورىندارىنىڭ وقۋشىلارى مەن ستۋدەنتتەرى قاتىستى.
شاراعا قاتىسۋشىلار عالىم, ولكەتانۋشى بەركىن قۇرمانبەكوۆتىڭ ەڭبەك جولى تۋرالى «تاريحتان تاعىلىم تانىتقان تۇلعا» اتتى كىتاپ كورمەسىن تاماشالادى. كوپشىلىك نازارىنا التاي باتىرعا ارنالعان فوتو-سلايد ۇسىنىلدى.
ق.جۇبانوۆ اتىنداعى وڭىرلىك مەملەكەتتىك ۋنيۆەرسيتەتىنىڭ پروفەسسورى, تاريح عىلىمدارىنىڭ دوكتورى, پروفەسسور ن.ابدوللاەۆ ءوز بايانداماسىندا ولكەتانۋشى عالىم بەركىن قۇرمانبەكوۆتىڭ تەرەڭ مازمۇندى, عىلىمي دەرەگى مول «التاي باتىر» مونوگرافياسىنىڭ قۇندىلىعى جايىندا, ابىلقايىر حاننىڭ سەرىگى بولعان التاي باتىر ەبەسكى ۇلىنىڭ ءىرى تاريحي تۇلعا, تالانتتى اسكەري قولباسشى بولۋىمەن قاتار ويشىل, قارا قىلدى قاق جارعان بي بولعانى جايلى اڭگىمەلەدى. بايعانين اۋداندىق ارداگەرلەر ۇيىمىنىڭ توراعاسى, ولكەتانۋشى ي.ەرمەكباەۆ التاي باتىردىڭ جەرلەنگەن جەرىنە قاتىستى ءوز پىكىرىن ايتتى. بايعانين وڭىرىندەگى تەرىساققان وزەنىنىڭ بويىنداعى «التاي قورىمىنىڭ» فوتو-سلايدىن كوپشىلىك نازارىنا ۇسىندى. باسقا دا شىعىپ سويلەۋشىلەر التاي باتىرعا قاتىستى وي-پىكىرلەرىن ورتاعا سالدى.
ساتىبالدى ءساۋىرباي.
دەرەك, سۋرەت: egemen.kz.