ورال. 19 قاڭتار. باتىس قازاقستان وبلىستىق مەملەكەتتىك قىزمەت ىستەرى جونىندەگى دەپارتامەنت باسشىلىعىنا بۇرىن مەملەكەتتىك قىزمەت ىستەرى جانە جەمقورلىققا قارسى ءىس-قيمىل دەپارتامەنتى باسشىسىنىڭ ورىنباسارى قىزمەتىن اتقارىپ كەلگەن ميربولات نۇرتازين تاعايىندالدى. بۇل تۋرالى egemen.kz ءتىلشىسى حبارلادى.
نۇرتازين ميربولات سۇيەۋ ۇلى 1956 جىلى 19 قاڭتاردا باتىس قازاقستان وبلىسى, كازتالوۆ اۋدانى, تاسحۋتور اۋىلىندا تۋعان. 1982 جىلى ساراتوۆ مەملەكەتتىك پەداگوگيكالىق ينستيتۋتىن مۇعالىم, ال 2002 جىلى ورتالىق-ازيا ۋنيۆەرسيتەتىن زاڭگەر ماماندىعى بويىنشا بىتىرگەن. 1976-1983 جىلدار ارالىعىندا سول كەزدەگى ورال وبلىسىنداعى كۋزنەتسوۆ اۋىلدىق مەكتەبىندە مۇعالىمدىك قىزمەتىن باستادى.
1986-1989 جىلدار ارالىعىندا كامەنكا اۋداندىق كوميتەتىندە ينسترۋكتور بولىپ قىزمەت ەتكەن. 1989-1999 جىلدارى تاسقالا اۋداندىق اكىمى اپپاراتى ءبولىم مەڭگەرۋشىسىنىڭ ورىنباسارى بولدى, كەيىن سول ءبولىمدى ءوزى باسقاردى. 1999-2000 جىلدارى باتىس قازاقستان وبلىستىق اپپاراتىنىڭ كادر بولىمىندە باس مامان بولىپ جۇمىس جاسادى. 2000-2014 جىلدار ارالىعىندا قازاقستان رەسپۋبليكاسىنىڭ مەملەكەتتىك ىستەر جونىندەگى اگەنتتىگى باتىس قازاقستان وبلىستىق دەپارتامەنتىندە باسقارما باسشىسىنىڭ ورىنباسارى, ديستسيپلينارلىق كەڭەس سەكرەتارياتىنىڭ مەڭگەرۋشىسى سىندى قىزمەتتەردى اتقاردى.
ال 2014 جىلدان وسى كۇنگە دەيىن ديستسيپلينارلىق كەڭەس سەكرەتارياتىنىڭ مەڭگەرۋشىسى, مەملەكەتتىك قىزمەت ىستەرى جونىندەگى جانە جەمقورلىققا قارسى ءىس-قيمىل اگەنتتىگىنىڭ وبلىستىق دەپارتامەنتى باسشىسىنىڭ ورىنباسارى قىزمەتتەرىن ۋاقىتشا اتقارىپ كەلگەن.
وتكەن جىلدىڭ 11 جەلتوقسان كۇنى قازاقستان پرەزيدەنتى نۇرسۇلتان نازارباەۆتىڭ بۇيرىعىمەن مەملەكەتتىك قىزمەت ىستەرى مينيسترلىگى قۇرىلعان بولاتىن. بۇل ۆەدومستۆونىڭ باستى ماقساتى مەملەكەتتىك قىزمەت پەن جەمقورلىقتىڭ الدىن الۋ ساپاسىنىڭ جاڭا مودەلىن جۇزەگە اسىرۋ بولىپ تابىلاتىنىن ايتا كەتكەن ءجون.
تەمىر قۇسايىن.
دەرەك: egemen.kz.
سۋرەت: mgorod.kz.