استانا. 19 قاڭتار. قازاقستانداعى بىردەن-ءبىر جوعارى وقۋ ورنى الماتى قالاسىنداعى قۇرلىق اسكەرلەرىنىڭ اسكەري ينستيتۋتى كادرلىق اسكەري قىزمەتشى دەسانتشىلاردى تۇلەتىپ شىعارادى. قازىرگى ۋاقىتتا دەسانتشى كۋرسانتتاردى وقىتۋ ءۇشىن اسكەري ينستيتۋتتا جەكە كافەدرا قۇرۋ تۋرالى ماسەلە قارالۋدا. بۇل تۋرالى egemen.kz ءتىلشىسى حابارلادى.
«اۋە-دەسانتتىق اسكەرلەر جانە اسكەري بارلاۋ» فاكۋلتەتىنىڭ تۇلەكتەرى قارۋلى كۇشتەر مەن ەلىمىزدىڭ ءارتۇرلى ۆەدومستۆولىق قۇرىلىمدارىندا قىزمەت وتكەرۋدە. ولار دەنە تۇرعىسىنداعى جۇكتەمەلەردى, جۇيكە-پسيحيكالىق كۇيزەلىس پەن وقۋ-جاۋىنگەرلىك قىزمەتتىڭ قولايسىز فاكتورلارىنا ءتوزىمدى بولىپ كەلەدى. ارميامىزدىڭ جاراقتاندىرىلۋىنداعى قارۋ مەن جاۋىنگەرلىك تەحنيكانى مەڭگەرگەن.
وقۋ كەزەڭىندە ورتاشا ەسەپپەن كۋرسانت پاراشيۋتپەن 21-26 سەكىرۋ جاسايتىنىن ايتا كەتەيىك. سەكىرۋلەر قر قك اۋە قورعانىسى كۇشتەرى اسكەري-كولىكتىك اۆياتسياسىنىڭ ان-2, ان-12 ۇشاقتارى جانە مي-8 تىكۇشاعىنان ورىندالادى.
دەنە دايارلىعى – دەسانتشى وفيتسەرلەردى وقىتۋ مەن تاربيەلەۋدە ماڭىزدى جانە اجىراماس بولىك بولىپ سانالادى. سپورتپەن شۇعىلدانۋ جانە ساباقتاردى وتكىزۋ ءۇشىن ينستيتۋتتا سپورت كەشەنى بار. وندا كۋرسانتتار گيمناستيكا, اۋىر اتلەتيكا جانە قويان-قولتىق ۇرىس بويىنشا وزدەرىنىڭ شەبەرلىكتەرى مەن ماشىقتارىن شىڭدايدى. بارلىق دەسانتشى كۋرسانتتار قويان-قولتىق ۇرىس بويىنشا كورسەتپەلى كورسەتىلىمدەرگە قاتىسادى. سونىمەن قاتار ءجۇزۋ حاۋىزى بار. قازىرگى ساتتە ول حاۋىزدا جەڭىل سۇڭگۋىرلىك كەرەك-جاراقتا سۇڭگۋدى پىسىقتاۋ جونىندە ماسەلە قارالۋدا.
«اۋە-دەسانتتىق اسكەرلەردىڭ تاكتيكاسى», «اسكەري بارلاۋ» وقۋ ءپانى بويىنشا پراكتيكالىق ساباقتار قۇرلىق اسكەرلەرى اسكەري ينستيتۋتىنىڭ وقۋ-جاتتىعۋ ورتالىعىندا وتكىزىلەدى. وزگە ماماندىقتاردىڭ كۋرسانتتارىنان ايىرماشىلىعى وقۋ-جاتتىعۋ ورتالىعىنا بارۋ جانە ينستيتۋتقا كەرى قاراي قايتۋ تاكتيكا جانە اسكەري بارلاۋ بويىنشا وقۋ سۇراقتارىن پىسىقتاي وتىرىپ, جاياۋ ءجۇرىس تارتىبىندە ىسكە اسىرىلادى.
وقىتۋ باعدارلاماسى ادامي دەسانتتىق پاراشيۋتتەردى, پاراشيۋتتىك-دەسانتتىق ىدىستى جانە اۋە-دەسانتتىق دايىندىق جونىندەگى ساباقتاردى وتكىزۋ ادىستەمەسىن زەردەلەۋدە نەگىزدەلەدى. فاكۋلتەت تۇلەگى ءارتۇرلى ماماندىقتاعى ساربازداردى پاراشيۋتتىك سەكىرۋدى ورىنداۋعا دايارلاي الادى, ماتەريالدىق بولىكتى بىلەدى, جەكە قۇراممەن اۋە-دەسانتتىق دايارلىق جونىندەگى ساباقتاردى وتكىزە الادى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.