ولكە: دەرەك پەن دايەك

وبلىستىق ستاتيستيكا دەپار­تا­مەنتىنەن تۇسكەن مالىمەتكە قا­را­عاندا, بيىلعى التى ايدا 638 جا­ڭا عيمارات پايدالانۋعا بە­رىل­سە, سونىڭ 520-سى تۇرعىن ۇيلەر. ءبىرىنشى جارتىجىلدىقتا تۇر­عىن ءۇي قۇرىلىسىنا 3,5 ملرد. تەڭگە جۇمسالدى. جالپى كولەمى 76,1 مىڭ شارشى مەتر تۇرعىن ءۇي بەرىلىپ, وتكەن جىلعىدان 36,1 پاي­ىزعا اسىپ ءتۇستى. جەرگىلىكتى بيۋد­جەت قارجىسىنا 20,5 مىڭ شار­شى مەتر, تۇرعىندار ەسەبىنەن 55,6 مىڭ شار­شى مەتر تۇرعىن ءۇي بوي كوتەردى. سونداي-اق جىل باسىنان بەرى ءتورت دەنساۋلىق ساقتاۋ نىسانى سالىندى.

تەمىر قۇسايىن, ورال.

79300, 152800 جانە 76800 وبلىستا وتكەن جىلى, سايكەسىنشە, وسىنشا ادام تەاترلاردا, مۇراجايلاردا, دەمالىس باقتارىندا بولدى. كوكشەتاۋدا قازاق جانە ورىس دراما تەاترلارى بار. شىعار­ما­شىلىق ۇجىمدار كورەرمەنگە 499 قويىلىم ۇسىندى. ونىڭ ىشىندە گاسترولدىك سپەكتاكلدەر 15,6 پايىزدى قۇرايدى. جىل ىشىندە 21 جاڭا قويىلىم كورسەتىلىپ, وعان 79300 كورەرمەن قاتىستى. بۇل 2008 جىلعىدان 14,3 پايىزعا كوپ. وبلىستا 13 مۇراجاي جۇمىس ىس­تەسە, سونىڭ تورتەۋى اۋىلدىق جەردە ورنالاسقان. كەلۋشىلەردىڭ سانى 152800 ادامعا جەتتى. ونىڭ 86,8 مىڭى بالالار. مۇراجايلار قورى 121,1 مىڭ بىرلىكتى قۇرايدى. تاربيە وشاقتارىندا 3613 ەكس­كۋر­سيا ۇي­ىم­داستىرىلىپ, 348 لەكتسيا وقىلعان. كوكشەتاۋداعى دەمالىس باعى­نىڭ اۋماعى 0,3 گەكتارعا تەڭ. ستا­تيستيكالىق دەرەكتەر بويىنشا, وندا 76,8 مىڭ ادام ءوز دەما­لى­سىن وتكىزگەن. مۇنىڭ 84,6 پايى­زى بالالار.

باقبەرگەن امالبەك, اقمولا وبلىسى.

439 000 000 بيىل ولكەدەگى تابيعات قورعاۋ ءىس-شارالارىنا وسىنشاما قارجى ءبولىندى. “جەر ءجانناتى – جەتىسۋ” دەپ, اسەم تابيعاتى ەرەكشە اس­پەتتەلگەن ولكەنىڭ ءمولدىر سۋى مەن جاسىل شالعىنىن, تۇگىن تارتسا, مايى شىعاتىن جەرىن كەلەشەك ۇرپاققا جەتكىزۋ پارىز. سوندىق­تان دا تابيعاتتىڭ وسى اسەمدىگىن بوي­تۇمار ەتۋمەن قاتار, ەكولو­گيالىق ماسەلەلەردى حالىقتىڭ ءومىر ءسۇرۋ دەڭگەيىنە قاراي جاق­سار­تۋعا كوڭىل ءبولىنىپ, ەلىمىزدەگى 2007-2014 جىلدارعا ارنالعان سا­لانى تۇراقتى دامىتۋ تۇجىرىم­دا­ماسىنا سايكەس ورىستەتىلگەن جۇمىس ناتيجەلى دەۋگە بولادى. قولدانىلعان كەشەندى شارا­لار بارىسىندا ولكەنىڭ ەكولو­گيا­لىق جاعدايىن قالپىندا ساقتاۋعا ىقپال ەتىپ, “جاسىل ەل” وبلىس­تىق شتابى, ستۋدەنت-ەكولوگتار مەن قوعامدىق ۇيىمدار اراسىن­داعى بايلانىس نىعايا تۇسكەن. سونداي-اق ءتيىمدى ەكولوگيالىق تازا تەحنولو­گيالارعا كوشۋ مەن ەميسسيانى تومەندەتۋگە وتكەن جىلى بيۋدجەت­تەن 473 ملن. تەڭگە قارالىپ, ول تولىق يگەرىلدى. بيىلعى جىلى تابيعات قورعاۋ ءىس-شارالارىنا 439 ملن. تەڭگە ءبو­لىنىپ, سالاداعى ءتۇي­ىندى ماسە­لە­لەردى قالپىنا كەلتىرۋگە جۇمسا­لا­تىن بولدى.

كۇمىسجان بايجان, الماتى وبلىسى.