اقتاۋ. 13 ناۋرىز. ماڭعىستاۋ وبلىسىندا جەزوكشەلىكپەن اينالىسقان وزبەكستان ازاماتشاسى ۇستالىپ, وعان ايىپپۇل سالىندى. بۇل تۋرالى egemen.kz ءتىلشىسى حابارلادى.
مۇنايلى اۋدانىندا كەزەكتى رەيدكە شىققان پوليتسيا قىزمەتكەرلەرى ايەلدىڭ دۇكەن ماڭىنا توقتاعان كولىك جۇرگىزۋشىلەرىنە ءبىر نارسە جارنامالاپ جۇرگەنىن بايقاعان. ايەلدىڭ ءجۇرىس-تۇرىسى مەن جۇرگىزۋشىلەردىڭ كۇلكىسى ينسپەكتورلارعا كۇدىكتى بولىپ كورىنگەن. جۇرگىزۋشىلەردىڭ ءبىرى پوليتسيا قىزمەتكەرلەرىنە ايەلدىڭ ءتانىن اقشاعا ۇسىنىپ, مازاسىن العاندىعىن ايتقاننان كەيىن جەڭىل ءجۇرىستى ازاماتشانى ساقشىلار تۇتقىنعا العان. قولعا تۇسكەن 27 جاستاعى وزبەكستان ازاماتشاسى اقتاۋعا دەيىن جەتكىزىپ سالاتىن تاكسي ىزدەگەنىن ايتىپ جالتارعانىمەن, كەيىن جەزوكشەلىكپەن اينالىساتىنىن مويىندادى.
ناتيجەسىندە, ايەلگە 5 ايلىق ەسەپتىك كورسەتكىش كولەمىندە ايىپپۇل سالىنىپ, تاعى دا وسىنداي ارەكەتىمەن كوزگە تۇسسە, قاماۋعا الىناتىنى ەسكەرتىلدى.
گۇلايىم شىنتەمىرقىزى.
دەرەك: egemen.kz.
سۋرەت: akjunis.kz.