“اقتوبە” ءبىر قادام العا باستى

[caption id="attachment_12734" align="alignnone" width="560" caption="فوتو: و.لەبەدەۆ"][/caption] سارسەنبى كۇنى كەشكىسىن فۋتبولدان ەۋروپا چەمپيوندارى ليگاسىنىڭ ءۇشىنشى ىرىكتەۋ كەزەڭىنىڭ العاشقى ماتچتارى ءوتتى. ەۋروپانىڭ 14 قالاسىندا ءوت­كەن بۇل ويىندار اسا تارتىستى جانە قىزىقتى بولعانىمەن ايتار­لىقتاي جاڭالىقتار اكەلگەن جوق. دەگەنمەن, شوتلانديانىڭ “سەل­تيك” كومانداسىنىڭ سىرت الا­ڭىن­دا پورتۋگاليانىڭ “براگا” كلۋ­بىنان 0:3, گوللانديانىڭ “اياكس” كومانداسىنىڭ ءوز الاڭىندا نور­ۆەگيانىڭ “رۋسەنبورگ” كلۋبىنان 0:1 ەسەبىمەن جەڭىلگەنىن وسى كەزگە دەيىن اتاقتى اتىن ساقتاپ كەلگەن ولاردىڭ بەدەلىنە ءبىرشاما نۇقسان كەلتىرگەنى ءسوزسىز. ال ءبىزدىڭ بىلتىرعى جىلى چەمپيونىمىز “اقتوبە” العاشقى ويىنىن ءوز الاڭىندا ءيزرايلدىڭ “حاپوەل” كومانداسىمەن وتكىزىپ, 1:0 ەسەبىمەن جەڭىسكە جەتتى. گولدىڭ اۆتورى تاعى دا كوماندا كاپيتانى – سامات سماقوۆ. بۇلاي دەۋىمىزدىڭ سەبەبى, ەۋروپا چەمپيوندار ليگا­سىنىڭ ەكىنشى كەزەڭىندە اقتوبە­لىك­تەردىڭ گرۋزيانىڭ “وليمپي” كو­مانداسىمەن وتكىزگەن كەزدەسۋلەردە ول قارسىلاستار قاقپاسىنا ءۇش دوپ سوققان بولاتىن. وسى جولعى “اق­توبەنىڭ” يزرايلدىك كوماندامەن وتكىزگەن العاشقى ويىنىندا دا سامات بارىن سالىپ ونەر كورسەتتى. سونىمەن بىرگە وسى كەزدەسۋدە ەسسومبا, ەۆگەني اۆەرچەنكو, ەميل كەنجەساريەۆ, مۇرات ءتى­لە­شەۆ, يۆان پەريچ پەن اسلان دا­راباەۆ تا جاقسى قىرىنان كورىندى. نەگىزىنەن وسى جىگىتتەر بۇكىل ماتچ بويى تەل-اۆيۆ كومانداسىنىڭ ايىپ دوپ الاڭىنان تابىلىپ, قاۋ­ىپتى جاعدايلار جاساپ ءجۇردى. بىراق, الەم چەمپيوناتىندا كوزگە تۇسكەن نيگەريا قۇراماسىنىڭ ويىنشىسى ۆينسەنتە ەنيامانىڭ قورعاعان “حاپوەل” قاقپاسىنا سماقوۆتىڭ كەزدەسۋدىڭ 67 مينوتىندە 11 مەترلىك ايىپ دوبىنان سوققان گولىنان كەيىن ەش وزگەرىس بولعان جوق. ەندى كەلەسى قارىمتا كەزدەسۋ 3 تامىز كۇنى تەل-اۆيۆتە وتەدى. بۇل ماتچ “اقتوبەنىڭ” ابىرويى ءۇشىن تاعى ءبىر سىناق الاڭى بولاتىنى ءسوزسىز. ويتكەنى, ءدال وسى يزرايلدە وتكەن جىلى وتانداستارىمىز حاي­ۆانىڭ “ماككابي” كومانداسىمەن وتكىزگەن ەۋروپا چەمپيوندار ليگا­سىنىڭ ءۇشىنشى ىرىكتەۋ كەزەڭىندە 3:0 ەسەبىمەن جەڭىپ تۇرىپ, قاقپاسىنا 4 دوپ جىبەرىپ العان ەدى. ءسويتىپ قولدا تۇرعان چەمپيوندار ليگا­سىنىڭ نەگىزگى تۋرنيرىنە بەرىلەتىن جولدامادان ايرىلعان بولاتىن. ەندى چەمپيوندار ليگاسىنىڭ سوڭعى كەزەڭىنىڭ باسقا دا بولعان العاشقى ماچتارعا كەلەر بولساق, ولاردا مىناداي ەسەپتەر تىركەلدى. “براگا” ­­­– “سەلتيك” 3:0, “پارتي­زان” – “حيك حەلسينكي” 3:0, “اياكس” – “رۋسەنبورگ” 0:1, “يانگ بويز” – “فەنەرباحچە” 2:2, “دەب­رەتسەن” – فك “بازەل” 0:2, “شە­ريف” – “دينامو” (زاگرەب) 1:1, باتە – فك “كو­پەنگاگەن” 0:0, تنس – “اندەرلەحت” 1:3, “سپارتا” (پراگا) – “لەح” 1:0, “ۋنيريا” – “زينيت” 0:0, “دينامو” (كيەۆ) – “گەنت” 3:0, “ليتەكس” – “جي­­لينا” 1:1, “ومونيا” – “زالتسبۋرگ” 1:1. داستان كەنجالين. ءجۇز جولدىق جاڭالىقتار * قازاقستان ستۋدەنتتەرى الەم چەمپيونا­تىنا قاتىسادى. ءۇستىمىز­دەگى جىلعى 22-29 تامىز ارالىعىن­دا سەر­بيانىڭ نوۆي-ساد قالا­سىندا فۋت­بول­دان ستۋدەنتتەر اراسىندا الەم چەم­پيو­ناتى وتەدى. بەلگىلى فۋتبول ماما­نى ءامىرجان مۇقانوۆ باپتايتىن قازاق­ستان قۇراماسى وسى باسەكەگە “تۇل­پار” كومانداسىنىڭ تاكۋ, گرە­بەنوس, شورين, دوۆگان, پەرەمىش­لين, مۇ­قا­نوۆ, ەسەنا­ما­نوۆ, پەنگرين, پەرشين سىندى وي­ىن­شىلارىن ىرىك­­تەپ الدى. چەم­پيوناتتا د ىرىكتەۋ تو­بى­نا تۇسكەن ولار برازيليا, قىتاي ءجا­­­نە سلوۆەنيا ستۋدەنتتەرىمەن كەزدەسەدى. * “استانا ارلاندارى” قۇرامىن تۇپكىلىكتى انىقتادى. استانالىق قۇراما كوماندا ساپىندا بۇكىل­­الەم­دىك بوكس سەرياسى ماتچتارىنا قاتى­ساتىن بوكسشىلاردىڭ اتى-جوندەرى تولى­عى­مەن بەلگىلى بولدى. ولار مىنالار: باع­دات الىمبەكوۆ, نۇرلان سەيتىمبەتوۆ, قانات ءابۋ­­­تالىپوۆ (54 كگ), مەرەي اق­شا­لوۆ, ەرجان ءمۇسا­في­روۆ, ازامات سما­­عۇلوۆ, بەرىك ءابدى­راح­مانوۆ (61 كگ), باقىت سارسەكباەۆ, داۋرەن ەلەۋ­سى­نوۆ, ميراس بايىر­حانوۆ (73 كگ), ما­رات مولداگەرەەۆ, دجەيسون ۆا­رەللا مون­روي, ماكسۆەلل امپون­ساح (85 كگ), مي­لۋتين ستانكو­ۆيچ, يشتۆان بەرنات (+91 كگ). بۇل تىزىمدەگى سوڭعى ءتورت بوكس­شى­نىڭ شەت­ەل­­دىك­تەر ەكەنى بايقالىپ تۇرعان شىعار. قازاقستان قۇراماسى ولار­دى كولۋمبيا, گانا, سەربيا جانە ۆەن­گريا ەلدەرىنەن جالداپ الدى. * “بارىس” چەمپيوناتتى “سە­ۆەرستالمەن” باستايدى. كونتي­نەن­تالدى حوككەي ليگاسىنىڭ (كحل) باسشىلىعى رەسەي اشىق چەمپيوناتى مەن وسى جىلعى گاگا­رين كۋبوگى ويىندارىنىڭ كۇنتىز­بەسىن بەكىتتى. وسى ارقىلى بيىلعى ءبىرىن­شىلىكتىڭ الداعى 8 قىركۇيەكتە باستالىپ, 2011 جىلعى 20 اقپاندا اياقتالاتىنى بەلگىلى بولدى. ليگا كوماندالارى بىلتىرعىداي تاعى ەكى كون­فەرەنتسياعا ءبولىنىپ وتىر. بۇ­لار­دىڭ ءاربىرى ەكى ديۆيزيوننان قۇرا­لا­دى. قاتىسۋشى كوماندالار ءوز ديۆي­زيو­نىنداعى قارسىلاس­تا­رىمەن ءتورت وي­ىننان وتكىزسە, كونفەرەن­تسيا­دان تىس­قا­رى كو­ماندالارمەن ەكى رەتتەن كەزدەسەدى. استانانىڭ “بارىس” كومانداسى “شىعىس” كونفەرەنتسياسى “چەر­نى­شەۆ” ديۆيزيونىنا ەندى. ونىڭ مۇن­دا­عى قارسىلاستارى قاتارىندا ومبىنىڭ “اۆانگارد”, حاباروۆ­سكىنىڭ “امۋر”, ۋفانىڭ “سالاۋات يۋلاي”, نوۆوكۋز­نەتس­كىنىڭ “مە­تال­لۋرگ” جانە نوۆو­سى­بىردىڭ “سيبير” كو­ماندالارى بار. استانا­لىقتار كحل بىرىنشىلىگىن 11 قىركۇيەكتە باستاپ, ءوز الاڭىندا چەرەپوۆەتستىڭ “سە­ۆەرستال” حوككەيشى­لەرىن قابىلدايدى. * باسكەتبولشىلار ستانكوۆيچ كۋبوگىنا دايىندالىپ جاتىر. قازاق­ستان قۇراماسى ۇستىمىزدەگى جىلعى 7-15 تامىز ارالىعىندا لي­ۆاندا وتكەلى تۇرعان “ستانكوۆيچ كۋبوگى” حا­لىق­ارالىق تۋرنيرىنە قاتىسادى. قازىر كوماندا كۇشەي­تىلگەن وقۋ-جاتتىعۋ جيى­نىن باستاپ كەتتى. ونى قۇراما­نىڭ جاڭا باس جاتتىقتى­رۋ­شى­سى ۆا­ديم بۋراكوۆ اتىراۋ قالاسىندا وتكىزۋدە. جەرگىلىكتى “اتىراۋ بارىستارى” كومانداسى­نىڭ دا جاتتىقتى­رۋ­شى­سى بولىپ تابىلاتىن باپكەر ەندى قۇرا­ما­نى دا وسى ۇجىمنىڭ نەگى­زىن­دە جاساق­تا­عاندى ءجون كوردى. كو­مان­دانى قار­جى­لان­دىراتىن دا نە­گىزىنەن وسى ايماق بولعالى تۇر. كو­ماندا مۇندا اپتانىڭ سوڭىنا دەيىن جات­تى­عادى. الماتىعا ۇشىپ بارىپ, بىرنەشە جولداس­تىق كەز­دەسۋ وتكىزەدى. سوسىن 4 تامىزدا ليۆانعا جەتەدى. “ەگەمەن-اقپارات”.